الدوري المصري الناجح

[Serag Magdy]

ازاي تعرف انك بتتفرج على الدوري المصري
1-عندما يصاب المتفرجون فى الإستاد بالهياج كلما اتجهت اليهم كاميرا التليفزيون
.........
2- عندما تجد المشجعين خياليين للغاية ..( وتوقعاتى ان شاء الله هنغلبهم 9 / صفر رغم ان فرقته بتبقي شايله من طوب الأرض)
........
3- عندما تسود لغه الإشاره فى تعامل اللاعب مع الجمهور ...
........
4- عندما يقوم لاعب( بترقيص) لاعب اخر .. فيضربه الأخير بالقلم على قفاه ويتم استكمل اللعب عادى جدا
.........
5- عندما تجد مدرجات مشجعى نادى الزمالك قد اصبحت خاليه تقريبا فى الربع الأخير من مباراته مع الأهلى
.........
6- عندما يجرى اللاعب زى احمد مجدى فى الماتش الاخيرالذى أحرز الهدف وهو يتحاشى زملاؤه الذين يجرون ناحيته لتهنئته ويصر على ان يجرى بمفرده فى كادر الكاميرا التى تنقل المباراه .. ( مش عايز حد يطلع معاه)
.........
7- عندما يعتدى كابتن كبير بالسب والضرب على العيال اللى بتجيب الكوره من ورا الجون ..( عملها حسام حسن
.........
8- عندما يقوم المخرج بإعاده أحد الأهداف أكتر من 7 مرات ويكون قد احرزخلالها هدف جديد وتفشل كل المحاولات فى مشاهده هذا الهدف بعد فتره انتظارطويله تفقد الامل .. ثم تفاجأ بعد نصف ساعه بالمخرج يعرض هذا الهدف بدون ايه مقدمات
........
9- عندما يحتسب الحكم على احد اللاعبين (اوفسايد) فينظر اللاعب الى حامل الرايه وكأنه هياكله بسنانه ويقعد يسب ويلعن فيه
..........
10- عندما تسمع بعد الماتش إذا فاز المنتخب ببطوله اغنيه ( المصريين اهمه) .. او (الليله عيد) .. او ( يادنيا لفى وطوفى تعالى وشوفى الكنز اللى اسمهالمصريين )... ثم تظهر المذيعه لتقطع الإحتفالات لتقرأ على المشاهدين نص الرساله التى بعث بها السيد الرئيس لمنتخبنا في التو واللحظه
..........
11- عندما يتغير اسم المنتخب فجأه من المنتخب القومى إلى المنتخب الوطنى ..( معاهم حق تحس ان المنتخب القومى ده معناه ان الفريق تبع المدعى العام الإشتراكى )
.........
12- عندما ترى نوعا من اللاعبين يتشنكل لوحده ويفضل يتمرمغ فى الأرض من الوجع زى شى شى شىكابلا
...........
13- عندما تحمل سياره الإسعاف لاعبا الى خارج الملعب وما إن تصل الى الخط حتى يلقى السائق باللاعب على الأرض ويهرع هربا من المنطقه كلها
.............
14- عندما يحدث تغيير ويخرج أحد لاعبى الفريق المهزوم من الملعب فتستقبله الجماهير المضاده وهويخرج بالطبول والدفوف وتعزف له موسيقى زفه العروسه الشهيره
...........
15- عندما ترى جمهورا يحتسب الكوبرى او الهدف الضائع او الترقيصه العاديه بهدف ويفضل يتفاخر بيها امام الفريق المنافس
..........
16- عندما يؤمن المعلق بأنه قد اكتشف خطط الفريقين بعد خمس دقايق من بدايه الماتش غالبا الكابتن الكبير محمود ( فقر ) بكر
.........
17- عندما تجد المشاهدين قد اكتفوا من التليفزيون بالصوره .. ويستمعون الى التعليق من الراديو
...........
18 - عندم يصر المخرج العبقري علي تصوير البنات والستات والتركيز عليهم رغم ان الماتس بيبقي شغال
...........
19 - عندما ينسي المدرب انه واقف امام ميكرفون ويقعد يشتم ويلعن في لاعبيه
...........
- 20 حينما يفوز الفريق ببطولة , ويقوم بإهداء البطولة اللي طلع عينه فيها الي السيد الرئيس وحرمه وأولاده !
...........
21 – عندما يقوم المدرب بتغير لاعب , وتلاقي اللاعب رافض الخروج , ويتدخل زملائه في إخراجه , وهو خارج تلاقيه بيشتم في المدرب وممكن يضربه بالقلم كمان ( فاكرين واقعه ابراهيم حسن ومحمد صلاح ؟ ) والغريب ان المدرب هو اللي يروح يعتذر للاعب في النهاية
...........
22 – حينما تجد حارس مرمي يلعب في الدوري المصري يرتدي فانلة مانشيستر يونايت الإنجليزي واسم لاعب مانشيستر عليه , وبيلعب عادي في الماتش بيها .
...........
23 – عندما تجد لاعب لم يعثر علي فانله برقمه المفضل , يقوم بلزق بلاستر علي الرقم الزائد , والأمر الفاضح انه ممكن اللزقه تتفك , ويقعد طول الماتش بيلعب برقم ونص !
...........
24 – حينما يصر أحد المدربين ان الدوري والكأس والبطولة الأفريقية مازالت في الملعب , رغم خسارته لهم !
...........


25 – عندما يقوم اللاعب بقلش احدي الكرات وتصل الي رايه الكورنر وتجد المعلق يصرخ بانها شوطة روعه وصاروخ وان اللعب يمتاز بالشوط القوي ويقعد يمدح فيه!
منــ//!\\ــقول

[ميشو مصريه]

ههههههههههههههههههه

عندك حق والله هي دي الكوره في مصر قمه الاحترام موجوده دايما

[abdo389]

ياابن اللعيبه ياجامد
هو ده
مدام قلت كده يبقى انت اكيد فى مصر
وبتتفرج مش على الدورى المصرى لا المهزله المصريه
شكرا يامان على التوبيك ده

[ahmedgamil20008]

موضوع جميل وواقعي وخفة الدم باينة فيه،وكمان باين أوي إنك أهلاوي.إلي الأمام ايها الرفيق سراجوف

[yara]

ههههههههههههههههههههههههه ه
توبيك جميل اووووووووووووووووووووووى
وفعلآ يبقى انت اكيد فى مصر
وجامده اوى ديه

4- عندما يقوم لاعب( بترقيص) لاعب اخر .. فيضربه الأخير بالقلم على قفاه ويتم استكمل اللعب عادى جدا

وديه كمان

2 – حينما تجد حارس مرمي يلعب في الدوري المصري يرتدي فانلة مانشيستر يونايت الإنجليزي واسم لاعب مانشيستر عليه , وبيلعب عادي في الماتش بيها .

وديه كمان

5- عندما تجد مدرجات مشجعى نادى الزمالك قد اصبحت خاليه تقريبا فى الربع الأخير من مباراته مع الأهلى

التوبيك كلو حلو اوى
مشكوووووووووووووووووووووو ور

[Serag Magdy]

هي الكورة كدة في مصر
بس مش ها تتعدل الا لما العبد لله يمسك اتحاد الكورة
او حتي لما العبد لله يمسك كشك السجاير اللي ادام اتحاد الكورة
بس والله الدوري السنة دي عاجبني اوي
تسلموا ع المرور اللي زي الفل
نورتوا الموضوع نفر نفر

[طيف عابر]

تسلم الايادي سراج
كالعادة تضفي رونق دعابة جميل على مواضيعك وتخرج القاريء من بوتقة الملل الى كشك الانفراج والفرح
مشكووووووووووووووورجداااا ااا
ومتسألنيش ايه يعني هدولي كلماتك وانا استعرتهم منك
بس لا عنجد روعه الموضوع كله كله
تسلم دياتك يا رب