الواد تامر والموضه بتاعته

**abdo389** · 25 - 8 - 2008, 10:58 AM

المشهد الاول
تامر خارج من باب البيت والحاجه ام تامر شافته مدلدل بنطلونه الملابس الداخليه باينه ورجل البنطلون تحت الكوتشى وفاتح صدره على الاخر والكام شعره اللى حيلته باينين من القميص
الحاجه ام تامر : ايه يا ابنى يا حبيبى اللى انتى عامله فى نفسك دا
تامر: ايه يا ماما دى الموضه دى احدث موضه السنه دى اسمها اكس اكس لارج
الحاجه ام تامر : طيب يا حبيبى ربنا يهدى العاصى

(المشهد التانى )
ابو تامر داخل من باب الشقه وبيشر عرق وماسك بطيخه فى ايه اليمين وجرنال فى ايه الشمال وبيسال ام تامر : ايه اللى الواد دا عامله فى نفسه دا عامل زى الكتكوت المبلول وبنطلونه ساقط لحد .........
والله الواد دا انا تعبت فيه هو مش ناوى يسترجل بقى
الحاجه ام تامر : لا يا حاج دى الموضه والنبى حارسه وصاينه اول واحد يعملها واسمها اكس اكس لارج انتة مشمتش ريحه النافتالين طالعه منه ازاى

(المشهد التالت)
الاخ تامر قابل الشله بتاعته المكونه من ميزو وزيزو وفادى وشادى وبيتفقوا على البروجرام بتاعهم النهارده

تامر : ايه النظام ياشله هنصيع فين النهارده
شادى : انا من رأيى ميزو يفسحنا بعربيه ابوه
ميزو : لا يا عم ابويا المره اللى فاتت قفشنى ورننى علقه تمام وايديه لسه معلمه وقالى يا فاشل كمان
زيزو : طيب نروح عند فادى نتفرج على اى فيلم جديد ولا نقعد على النت نعمل شات ونتعرف على بنات
فادى : لا لا لا المره اللى فاتت اخويا دخل علينا يا عم واحنا فاتحين الموقع ايياه وسيحلى فى البيت وابويا حلف طلاق تلاته وشال الجهاز وفصل النت
تامر : طيب هنتسنكح فين النهارده كده اليوم هيعدى علينا من غير انحلال ولا اسفاف وكده خطر علينا جداااا
احنا فى مرحله سنيه خطره ولازم ننحرف قبل فوات الاوان

(المشهد الرابع )
تامر وميزو وفادى وشادىوزيزو واقفين فى ميدان التحرير بيعاكسوا البنات

ميزو : ايه يا رجاله هنقضى اليوم معاكسه بس كده مش هينفع
شادى : طيب هنعمل ايه
ميزو: لازم نتصاحب على اى شله بنات نمشى معاهم ونضيع وقت وهو بالمره يعزمونا على اى حاجه نشربها
فادى : فكره كويسه
تامر : شايفين البنات اللى قاعدين هناك دول
الباقى : اه
تامر : ايه رايكم
زيزو: تمام
تامر : بما انى رئيس الشله انا هتبرع واروح اكلمهم وعشان تعرفوا ان تعليق البنات دا فن

(المشهد الخامس)
تامر يروح للبنات

تامر : مساء الخير . طيب مساء العسل
تامر : انا شايف انكم قاعدين لوحدكم قلت اجى اتعرف ونونس بعض ما انا كمان معايا صحابى
(طبعا كل دا عمال يكلم فى نفسه ولا حد معبره )
تامر: طيب انده اصحابى ييجوا ونتمشى سوى شويه ولا ايه
تامر : السكوت علامه الرضـــــا
(طبعا تامر ملحقش يكمل الكلام عشان كان لقى نفسه بيترفع من على الارض من قفاه ولقى 3 من القاطرات البشريه وعنيهم بتطق شرار )
واحد منهم : كان عايز ايه الفار دا
بنت من البنات : كان بيعاكسنا
(تامر طبعا بيبص والرعب ماليه والله يا كابتن كنت بسال على مكان المتحف بس

المشهد الاخير)
تامر فى البيت ووشه منفوخ زى البلونه وطبعا وشه مليان الوان احمر واصفر وبنفسجى وبقيت الشله حواليه
تامر: كده يا اندال تسيبونى انضرب لوحدى
زيزو : عيب عليك تنضرب لوحدك ايه احنا كنا واثقين من انك هتضربهم
فادى : وبعدين احنا لما لقينا الحكايه بدأت تشد عليك والضرب يكتر احنا قلنا نروح ننده ناس من الحته عندنا
تامر : اه ما انا فاهم تجيبوا ناس من عابدين للتحرير عشان يلحقونى
شادى : يا عم علقه تفوت ولا حد يموت وبعدين ضرب الكتره ستره
تامر : طيب حد فيكو شاف فرده الكوتشى بتاعى والنبى

**ساندرا** · 25 - 8 - 2008, 11:58 AM

بيستاهل
يجزيك الخير اخى عبدو كتير حلوة القصه

**abdo389** · 25 - 8 - 2008, 01:23 PM

ربنا يخليك ويجزيكى خيرا يابنت الاسلام
وتسلمى على المرور

**نهاد مجدى** · 25 - 8 - 2008, 11:20 PM

حلوه موت يا عبدو يا مضحكنا بجد بجد حلوه

**abdo389** · 26 - 8 - 2008, 11:58 AM

ميرسى على الرد يانهاد

**haboosh** · 16 - 4 - 2009, 05:52 PM

ههههههههههههههههههههههههه ههههههههههههههههههههههههه هههههههه

**كابوس الحرامية** · 16 - 4 - 2009, 10:06 PM

**Sherif _S_a_s_a** · 16 - 4 - 2009, 10:31 PM

تسلم يا عبده والله

ههههههههههههههههههههههههه ههههههههههههههه

جامده جدا وانا اصلا مش بحب الواد دا

***

**بحر الحنان** · 16 - 4 - 2009, 10:49 PM

ههههههههههههههههههههههههه ههه
أحسن يستاهل صح

**لولا** · 21 - 6 - 2009, 02:45 AM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههااااااااااااااااااا ااااااااااااااااااااااااا ااااااااااااااااااااااي
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه

بجد بجد بجد بجد بجد جميله جدا شكرا والله ضحكتنى جداااااا

وفعلا فعلا يستاااااااااااااااااااااا اااااااااااااااااااااااهل انا مش بحب الواد ده خاااااااااااالص ده معفن وشبه الفار المبلول

الموضوع: الواد تامر والموضه بتاعته

أدوات الموضوع

الواد تامر والموضه بتاعته

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة