متقوليش عادى عشان مش عادى

[l0l0]

فيه حاجات كتيييييير اوووووي بنعملها ... وبنقول ايه يعني عااااااااادي

كلمه عادي دي بقت كلمه متداوله علي لسانا كدا عاااااادي

عملنا حاجه غلط او حاجه صح بنقول عادي

عشان كدا هقولكم بعض الحاجات اللي بتتعمل غلط وبيتقال عنها عادي


مش هقلع طرحتي يوم فرحي عشان ليلة العمر... عشان ده مش عادي
مش هرقص في فرح بنت خالي عشان صلة الرحم... عشان ده مش عادي
مش هحكي لزميلي في الشغل مشاكلي العائلية.. عشان ده مش عادي

مش هروح الشاطيء والبس مايووه..عشان ده مش عادي
وكفايا بقى كلمة عادي.. لاننا متخلقناش عادي
ولا هنقف نقول يارب... اصله كان عادي

عادي كل البنات مصاحبين.. وانا يلا اصاحب.. لا مش عادي
عادي كلهم مسافرين شلة ولاد وبنات ...وانا يلا اسافر.. لا مش عادي
عادي تقصير الجوب على البووت.. عشان ابقى على الموضة.. لا مش عادي

عادي البطلون ابو وسط ساقط ... عشان ابقى روش... لا مش عادي
عادي البدي الملزق وهيتفرتك من على الجسم... لا مش عادي
عادي اركب عربية زميلي.. مهو زي اخويا... لا مش عادي
وعادي ابن عمي يبعت لي رسايل تهريج خارج.. اصله زي اخويا.. لا مش عادي

وعادي اكدب على أهلي ..مهي كدبة بيضا... لا مش عادي
عادي اروح شغلي متاخر وازور امضتي..مهو كله عادي.. لا مش عادي
عادى اكون محجبة واقف انشر الغسيل من غير حجاب مانا فى بيتى .. لا مش عادى
عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك..عادي -لا مش عادي
عادي نحط صور اتنين بيحضنوا بعض او واحدة لابسة من غير هدوم... مهي مش صورتنا لا مش عادي
عادي نتعرف على بعض ونشات مع بعض .. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية. محدش هيعمل لي حاجه..لا مش عادي
عادي اشوف واحدة بتتعاكس واسكت.... مهو ده بقى عادي ..... لا بقى مش عادي

وكفايا بقى عيشه عادي .. عشان حبنـــــــــــــــا للــــــــــــه
اكبر من اى كلمـــــــــه عادى
و لاننا مش عايزين ينكتب على قبرنا
هنا يرقــد السيد عــادي
عادي بن عادي آل عادي

ومن هنا ورايح هرفع شعار:
:أنا أنسان مش عادى"

عشان انا فعلا انسان مش عاااااااادي

عشان انا مسلمه هالتزم بديني ومش هعمل حاجه غلط واقول عنها عادي

ومش هتكلم في حق غيري واقول عاااااادي

ومعتش هعمل حاجه غلط واعلقها علي شماعه كلمه " عادي "

علشان دا مش عادي

[بك أستجير فمن يجير سواك]

اكثر من رائع
الله يبشرك بما ( يسرك )
ويكف عنك ما ( يضرك )
ويثبت يقينك
ويرزقك حلالا يكفيك
ويبعد عنك كل شئ يؤذيك
ويسترك فوق الارض ويرحمك تحت الارض

[نسيم الذكريات]

بارك الله فيكي

لولو

وفعلااااا

ده مش عادي

ربنا يهدي الجميع

[mona roshdi]

بارك الله فيك وفي حياتك

ورزقك الفردوس

تحياتي الطيبه ودعواتي

منى رشدى

[ميراي]

بارك الله فيك وفي حياتك وجعلك ناصحة وفاعلة للخير
ان شاء الله

[maahes]

جزاكي الله خيرا اختاه وبارك الله فيكي
موضوع ولا اروع اسئل الله ان يحعله فى ميزان حسناتك
وعندك حق كلمة عادي اصبحت شماعة الكل ذكور واناث اسئل الله ان يهديني ويهدي الجميع
دمتي بحفظ الله ورعايته وامنه

[محمد أبراهيم]

مَِسَآحآتٌ مِنَ آلشُكرْ لِحُروفك هُنآ ..

بآرَكـِ الله فيكـِ ..

رَفَعَ الله شَآنكـِ في الآرْضَ وَآلسَمآءْ

وَآبْعَدَ عَنْكـِ آلبَلآءْ وَآسْكنكـِ فَسيحُ آلجنآنْ ،،

[hod hod]

جزاكى الله كل خير