30 سنه وبنحتفل

**misterattia** · 4 - 10 - 2011, 01:13 PM

----------------------------
30 سنه وبنحتفل
------------------------
النهارده مش بنصر بنحتفل
30 سنه وبنحتفل
اما احتفال السنه دى
بالانتصار على الطاغى
اللى فتره حكمه عننا صهين غفل
بنصره شبابنا وثوره يناير نحتفل
نتحرر بقه لجل نفتح اى باب كان انقفل
لجل ما يطلع نهارنا
اللى قالوا عليه افل
وهنحتفل ونحتفل
يو ما نقضى على اخر فل
يوم منرجع نحب بعض
ونسيبنا بقه م الغل
يوم نبطل اضرابات
والاعتصام اللى يشل
والله صدق دا شىء يعل
امته هنكبر لمصرنا ونجل
امته هنقل العبط
ونحاربه بالامل وبا العمل
وفى العدا نقدر لسيفنا نسل
يكفى بقه اضرابات
يكفى بكا ع اللى فات
يكفى التضارب فى القرارات
يكفى صراع الوزارات
يكفى الحاجات والمحتاجات
اللى خلت مصر خل
يا خلق هووه المصرى مل
فين الامان عشان نغطى امنا
عشان نعمر كلنا
30 سنه مصرنا بتنذل
30 سنه من غير غطا فى الطل
بالله عليكو ايه العمل
قولوا لى حل
كفياه بقه دا المصرى ضل
30 سنه غريب فى بلده
صابر وظل
قرب يموت ينعل
وصبره فرغ وانقل
لكنه عمره ما تعب ولاكل
قولوا لى بالله عليكم
راح يبقى ايه الحل

_________________
عطيه خضرى عطيه
قلين / كفر الشيخ

**محسن البدراوى** · 5 - 10 - 2011, 06:48 PM

الف حمدلا على سلامتك
بجد واحشنى كتيررررررررر
ورائعه بجد
لسه روح الثوره فيك
وبتتنفض على الواقع
ياناقوس الحب
وقلب ملىء بالخير
والايمان
كل التحيه العطره
واجمل امنياتى
وبالتوفيق

**misterattia** · 6 - 10 - 2011, 08:15 AM

بجد زعلان منك
وانى اكلمك مكنتش ناوى
بقه متسألش على اخوك
اللى ف حياته كتير بلاوى
انته عارف قصدى ايه
ومنتش محتاج اقولك حكاوى
ومهما قلت لك
مش هيكفى حزن الغناوى
اوعاك تزعل لانى بعاتبك
لانى بحبك ويعلم ربنا
يا محسن يا بدراوى
اسعدنى ردك
وحمدت ربى انك بخير
كل اللى عايزه بس اطمن عليك
والله جد مش قصدى اقولها فهلاوى

الموضوع: 30 سنه وبنحتفل

أدوات الموضوع

30 سنه وبنحتفل

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة