أمي

**timor** · 30 - 8 - 2008, 05:26 PM

أمى

أمى وأمك هى الشمس اللى بتنور دارى ودارك

ولما تزعل هى اللى دايماً بتشرب مرارك

مين غيرها يشد ظهرك وانت فى عز انكسارك

الشمس بتتوضى فىأيدها وتصلى صلاة نهارك

بتصلى الفجر وتدعيلك

وتعصر حنانهاوتديلك

وتقول يا رب أحميه

واطرح البركة فيه

مين اللى بيطلع فوق سطح البيت

ويدبحلك دكر البط

وطول النهار فى البيت

تشيل وتحط

وتزغرطلك فى الثانوية

والدنيا مش سايعاها

دا الواد دخل الكلية

يا فرحتها يا هناها

ولما تروح الجيش

تقول يارب تعيش

وينورلك سكتك

روح يا بن بطنى ينصرك على مين يعاديك

وتطلع وراك تودعك بدموعها وتعد خطاويك

وتفضل طول غيابك فى انتظارك

تستناك ترجع شايل معاك انتصارك

تيمور

**طيف عابر** · 30 - 8 - 2008, 06:44 PM

تسلم الايادي تيمور
وطبعا مفيش اكتر من الام حد يستحملنا ويستحمل بلاوينا يا رب تخلي وتقوي كل الامهات
وترحم منهم الاموات
يبارك بقلبك

مين غيرها يشد ظهرك وانت فى عز انكسارك

الشمس بتتوضى فىأيدها وتصلى صلاة نهارك

بتصلى الفجر وتدعيلك

وتعصر حنانهاوتديلك

وتقول يا رب أحميه

واطرح البركة فيه

مشكور جدااااااااا

**timor** · 31 - 8 - 2008, 10:03 PM

ربنا ما يحرمناش من ذوقك
تيمور

الموضوع: أمي