رد مع اقتباسكل سنة وانتي طيبة سيدني
يارب تقبل منا ومنكي
وربي يوفقك في حياتك
فالصيام فرض لاول مرة في السنة التانية للهجرة
ولو في اي اسئلة تانية انا هون
نورتي
قهوتنا على الانترنت
يارب تقبل منا ومنكي
وربي يوفقك في حياتك
فالصيام فرض لاول مرة في السنة التانية للهجرة
ولو في اي اسئلة تانية انا هون
نورتي
نجم مصراوي
كيف تقضي سيدني يومها في رمضان ؟؟
بقضي يومي بحيث اني ابعد عن اي حاجه ممكن تفسد صيامي يعني ابعد عن الكمبيوتر والتلفزيون وطبعا بقرا القران والاذكار والصلاه وبحاول اعمل اي حاجه وبقرا كتب تانيه في التنيمه البشريه مثلا وساعات اساعد والدتي في المطبخ ...بارك الله فيكى
وتقبل الله منا ومنكى
وكل سنه وانتى طيبه
وبشكر طيف على القاء الجميل ده
نجم مصراوي
اخي وليد
بارك الله فيك وجزاك الله كل خير
اسأل الله عزوجل ان يجعل ذلك في ميزان حسناتك ان شاء الله
المشرفه المميزه للأسلامي العام والصوتيات والمرئيات الاسلامية
لقاء رائع مع عضو يتميز بمعلومة دينية نورت موضوعاتة
نشكرك طيف على استضافتك لوليد الاسلام
ونورت الموضوع اخى وليد وجعل ايامك مباركة ان شاء الله
لقاء مع عضو * في رمضان * --17--
مشرف معروف ومحبوب جداً
كان من اكتر المتابعين في الكافيه مواضيع وردود
من اكبر مؤسسي المنتدى
طيب -- خلوق --- شهم ---غيور على دينه ووطنه --- يحب الجميع بنفس الدرجة ومحترم لابعد الحدود
انه
المتألق
حتى وان اجبرته الظروف على الابتعاد قليلاً
العوامي
السلام عليكم
وعليكم السلام ورحمة الله وبركاته
-----
ممكن نتعرف عليك كما تحب ان نعرفك ؟؟ بمعنى ماذا تحب ان نعرف عن العوامي
اسمى محمد ومشهور بالعوامى
كيف الاحوال وكيف رمضان معاك السنة ؟؟
بالرغم من حرارة الجو عندنا فى مصر لكن الحمد لله صائم
هل رمضان بالنسبة لك شهر مميز ؟ ولماذا؟؟
طبعاً رمضان شهر مميز للجميع لأنه شهر بنحس فيه بنقاء الناس
والمسارعة فى الخيرات وكمان اللمة تحلى فى رمضان
كيف يقضي محمد يومه في رمضان ؟؟
غالباً فى العمل وفى وقت الفراغ فى قراءة القرآن وبعد العشاء زيارة بعض الأصدقاء
هل تحرص على قراءة القرآن في رمضان فقط ام دائماً؟؟
قراءة القرآن فى رمضان أحرص عليها وفى غير رمضان لكن ليست كما فى رمضان
اين وصلت في القراءة ؟؟اي جزء
بصراحة أنا بطئ فى القراءة وصلت إلى الجزء السادس عشر
هل تختلف عادات تناول الطعام في بيتكم في رمضان عن باقي الاشهر
طبعاً مختلفة تكفى اللمة على الطعام غالباً مش موجودة فى أى شهر تانى
هل تحرص على السحور
طبعاً
ماذا تتناولون عادة على السحور
غالباً الفول والجبن والزبادى
هل تساعد في البيت واعداد الطعام في رمضان وهل يؤثر هذا على عباداتك ؟
لأ مش بساعد
هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
طبعاً أصناف عديدة وأهمها الشوربة والسلطة
ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
ياريت فعلاً تكون بداية جيدة
هل برأيك نستطيع المقاطعة كليا لتلك المنتجات يوماً ما
فى بعض المنتجات مالهاش بديل لكن نأمل المقاطعة النهائية
نصيحة لاخوانك اعضاء الكافيه
اغتنموا الثوانى فى رمضان وليست الدقائق
سؤال بتحب توجيهه و لمن
هو كان عندى سؤال فى السياسة بس طبعاً مش هينفع أقوله
وهو موجه لواحد ربنا يهديه ويطيع ربنا فينا
شاركنا بحكمة او حديث
والصيام والقرآن يشفعان للعبد يوم القيامة فعن عبدالله بن عمرو رضي الله عنهما أن النبي صلى الله عليهوسلم قال: ((الصياموالقرآن يشفعان للعبد يوم القيامة يقول الصيام: رب منعتهالشراب والطعام فيالنهار فشفعني فيه, ويقول القرآن: منعته النوم بالليل فشفعني فيه, قال:فيُشَفَّعَان)) أي يقبل الله جل شأنه شفاعتهما ويدخله الجنة. رواه أحمد والطبراني (الفتح الرباني 9/216 ومجمع الزوائد 10/381).
شكرا كتير ا على قبولك الدعوة
وكل رمضان وانت بالف خير
واتمنى ينعاد عليك بالصحة والعافية
شكراً على دعوتك الجميلة
وكل عام وأنتم بخير
تقبل الله منا ومنكم صالح الأعمال
سؤال بتحب توجهيه و لمن
لادارة المنتدى لماذا رشحتمونى للاشراف ؟
لانك ببساطة تستحق
تعطي لتفيد فقط وتشارك باخلاص من اجل هدف واحد وهو رضا الله
وفقك الله
واتمنى تبقى مشرف معنا خلال وقت قريب ان شاء الله
برنس الكافيه
يا ناس
والله اني أحبه في الله
اجابات تمام يا محمد
ومبروك التليفون الجديد
وعقبالنا
شكرا
عِنْدَمَا لاٌَُِ تَدْري نَفْسٍ كَيْفَ تَرْتَوي مِنْنَفْسٍ سَكَنَتْ رُوحَهَــــا فَإِنَها تَشْتَاقْوَ لكِنْ بِصَمْتٍ مُؤْلِمْالبحث على جميع مواضيع العضو MoOoRa
لقاء مع عضو * في رمضان * --18 --*
عضو اليوم انسان خلوق ومؤدب
مرح وجاد
متنوع في مواضيعه
ساعه سياسة وساعة فرفشة وساعه نصائح لاخته حواء
وكله جميل وممتع ومفيد
ما بتزهق ابداً وانت بتقراله
هو
المتألق
هوباااااااا
فـــ
اهلاً وسهلاً به
السلام عليكم
وعليكم السلام ورحمه الله وبركاته .. بجدنا في منتهي السعاده علي اللقاء الجميل ده .. جزاكم الله كل خير علي دعمي وتشجيعي الدائم .. وبالتوفيق دائما لشخصكم الكريم .. ولمنتدانا الحبيب
-----
ممكن نتعرف عليك كما تحب ان نعرفك ؟؟ بمعنى ماذا تحب ان نعرف عن هوبا
أنا هوبا .. محاسب .. بحب القراءه وعزف الموسيقي ومشاهده الافلام الاجنبي .. مندفع قليلا .. اقدر الصداقه والعشره الطيبه ... وبس خلاص
الهوية الشخصية ( اختياري يعني ممكن تجاوب وممكن لا حسب رغبتك )
ايهاب احمد .. 30 سنه ... اعزب ... مسلم .. مصري
كيف الاحوال وكيف رمضان معاك السنة ؟؟
انا والحمد لله بخير وزي الفل ... والحمد لله الشهر اللي فات حصلت علي ترقيه .. وبقيت سينيور محاسب .. رغم ان ده اخد مني مجهود كتير جدا وسفر الي الاردن حيث مقر الشركه الرئيسي لإتمام مشروعي امام الاداره العليا هناك .... اما رمضان فهو بحمد الله من اجمل الشهور اللي بحس ان ربنا سبحانه وتعالي بيسبغ فضله عليا فيها وبيبسط لي الرزق .. وييسر فيها كتيرا من اموري
هل رمضان بالنسبة لك شهر مميز ؟ ولماذا؟؟
رمضان من زمان وهو له مكانه كبيره في قلوبنا كأطفال مصريين .... فوازير نيللي شريهان .. وفطوطه .... تتصوري انا لغايه دلوقتي حافظ اجزاء من تيتر الفوازير بتاعت فطوطه ونيللي ..
اللمه في وسط الاهل .. يعد صيام اجباري من اول اليوم لنصفه مثلا .. يتخلله سرقه معلقه ارز او قطعه لحم واكلها بسرعه في البلكونه قبل ما حدا يشوفني .......... آآآآآآآآآآه كانت ايام
كيف يقضي هوبا يومه في رمضان ؟؟
انا بفضل الله يوميا بصحي الساعه 5.45 صباحا بالظبط .. اتوضيء واصلي الصبح .. وادخل شويه اون لاين اشوف خد بعت لي حاجه علي اميلي او جت لي رسائل من حد علي الموقع بتاعي .. واتابع الافلام اللي بعمل لها ابلود او داونلود ...وعلي الساعه 6.30 بالظيط ابتدي أجهز نفسي وألبس عشان ميعاد باص الشركه ... 7 بالظبط بكون جوه الباص و8 بدخل مكتبي .... وتاخدني دوامه الشغل والتقارير لغايه الساعه 2.30 انط جوه الباص تاني .....و .....و .... واروووووح في سابع نومه ....
هل تحرص على قراءة القرآن في رمضان فقط ام دائماً؟؟
بكون حريص جدا جدا علي الالتزام بقراءه القرآن في نهار رمضان .. وبكنبه كملاحظه علي موبايلي خشيه النسيان ... اما في الايام العاديه فلا اخفيكي سرا ... بمشي علي سطر واسيب سطر
اين وصلت في القراءة ؟؟اي جزء
اليوم الاربعاء بفضل الله اتممت الجزء العاشر ..دعواتكم
هل تختلف عادات تناول الطعام في بيتكم في رمضان عن باقي الاشهر
للاسف .... رمضان هذا العام جاء عليا والبيت فاضي ... بعد وفاه والدي الحبيب في شهر مايو الماضي ... اول مره ىكل لوحدي .. اول مره ما ألاقيش حد ياخد حسي واناغشه واشاكسه ..
اول يوم رمضان فطرت لوحدي ودموعي نزلت لوحدها حين تذكرت نفس اليوم من العام الماضي
هل تحرص على السحور
بالتأكيد .... علي الساعه 3 كده تلاقيني حاطط الزبادي والبيض المسلوق ونازل اكل ..
ماذا تتناولون عادة على السحور
عاده في البيوت المصريه بيكون السحور زيادي وبيض مسلوق وفول ...والجبن الابيض طبعا .. واي مشروي خفيف ... مهو اكيد محدش يعني بيتسحر طبيخ ولا ايه ؟؟؟
هل تساعد في البيت واعداد الطعام في رمضان وهل يؤثر هذا على عباداتك ؟
للاسف انا فوضوي جدا في موضوع ترتيب وتجهيز البيت .. ولولا اني استأجرت سيده تاتي اسبوعيا لتنظيف البيت ... كان زماني مردوم بالكياس الفارغه والشيبسي والذي منه
هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
إعتباري اصبحت هذا العام وحيدا ... فأنا بفضل كتير إني افطر بره البيت ... يعني مع صحابي او في مكتبي بالشركه ... اهو تغيير برضو
ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
ه لا مانع طبعا ... خاصه ان اغلب المنتجات دي مش قويه الانتشار في مصلر ولا يستهلكها الا شريحه قليله من المواطنين من الطبقه العليا لارتفاع اسعارها
هل برأيك نستطيع المقاطعة كليا لتلك المنتجات يوماً ما
ه بالتأكيد .... ما زال العرب اقوياء فقط اذا توحدت الكلمه ..والامثله كثيره علي نجاح سياسه الضغط علي الغرب بمقاطه منتجاته ..
نصيحة لاخوانك اعضاء الكافيه
واللهي اني احبكم في الله ... اللهم اصلح حالكم اجمعين .. وارزقنا واياكم حسن الخاتمه .. وان نكون من عتقاء يوم القيامه
سؤال بتحب توجهه و لمن
مممم .... ما بلاش إحراج ....... السؤال اوجهه لإداره المنتدي وأقول فيه
أما آن الأوان لفتح اقسام جديده تبث دماء جديده في شرايين المنتدي ؟؟؟؟
شاركنا بحكمة او حديث
1 - لماذا يخشي الناس منظر الدم .. مع انه يجري في عروقنا ؟؟؟
2 - حكمتي الخاصه ....... الحرامي ... مش اللي يسرق ... الحرامي هو اللي يتمسك
شكرا كتير ا على قبولك الدعوة
وكل رمضان وانت بالف خير
واتمنى ينعاد عليك بالصحة والعافية
أشكرك من كل قلبي .... ويا رب اكون ضيف خفيف عليكم .. وبجد انا شرفت بهذه الدعوه الجميله
والف الف الف شكر علي القائمين علي امر هذا المنتدي الرائع ..جزاكم الله كل خير يا من تقفون وراء هذا الكيان العملاق ولا تبخلون بوقت او جهد او عرق .. في سبيل ايصال رسالتكم النبيله لكل شباب العرب .... شكرا لكم ولكل الشرفاء امثالكم ...... دمتم سالمين
إيهاب
بارك الله فيك اخي العوامي ووفقك لما فيه خير
التعديل الأخير تم بواسطة همسة ولاء ; 14 - 9 - 2008 الساعة 01:16 PM
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
