لقاء مع عضو *من السحور للسحور *

**طيف عابر** · 7 - 9 - 2008, 12:10 PM

اليوم الضيف خفيف متل مشاركاته
مرح بيدخل على طول تلاقي ركن الالعاب سيطر عالموقف واكتسح الدنيا
عضو متابع قسم الالعاب والفرفشة على طول
محترم ملتزم مؤدب حتى في اللعب ابداً لا يتجاوز حدود الاخوة والاخلاق مع اخواته البنات في المنتدى

عضونا هو

*** شيكووووووووو***

السلام عليكم
-----

ممكن نتعرف عليك كما تحب ان نعرفك ؟؟ بمعنى ماذا تحب ان نعرف عن شيكو
و الله انا عايز الاعضاء انهم يعرفوا ان انا و الله بحب كل حد
و انا مش بزعل من حد خالص الا لو كان زعلنى اوى
يعنى مثلا فى الالعاب انا مش بزعل من اى حد خالص حتى لو عمل فيه ايه فى اللعبه دى زى الساحره الشريره مثلا

الهوية الشخصية ( اختياري يعني ممكن تجاوب وممكن لا حسب رغبتك )
و الله يا طيف انا شاب عادى جدا ابلغ من العمر 18 سنه
و انا فى اولى هندسه اسكندريه

كيف الاحوال وكيف رمضان معاك السنة ؟؟
و الله رمضان انا حاسس زى كل سنه زى الفل يعنى

هل رمضان بالنسبة لكِ شهر مميز ؟ ولماذا؟؟
اكيد شهر مميز جدا
عشان انا بقرب جدا فيه من ربنا
و انا الحمد لله ملتزم بصلات الحمد لله
و بحب اعطف دائما على الناس الغلابه
ساعات امى بتدينى حاجات بروح اوديها لناس
متتصوريش الفرحه اللى الناس
انا بحب ادخل الفرحه على الناس
و انا الحمد لله بطبعطى طيب اوى
بحب الناس كلها فعلا

كيف يقضي شيكو يومه في رمضان ؟؟
و الله انا بصحى من النوم على الساعه كدا 11
ادخل الحمام اتوضا و انزل اصلى الظهر فى الجامع زى اى واحد مسلم و بعد كدا انام شويه لغايه العصر و انزل اصليه فى الجامع برده و بعد كدا افضل اقرا قرآن لحد المغرب
وبعد كدا افطر و بعد الفطار اصلى المغرب ( بس ساعات بنزل اصليه فى الجامع) و بعد كدا انزل اصلى العشلء و التراويح و بعد الصلاه
اقف مع صحابى شويه فى الشارع لحد الساعه 11 او 12 كدا
و بعد كدا اطلع اصلى ركعتين و بعد كدا انام

هل تحرص على قراءة القرآن في رمضان فقط ام دائماً؟؟
فى رمضان و فى غير رمضان اساا انا بحفظ قرآن فى دار عندنا
بحفظ و بحفظ الاطفال الصغيرين يعنى الحمد لله القرآن ده معايا على طول الحمد لله

ما شاء الله ممتاز

هل تختلف عادات تناول الطعام في بيتكم في رمضان عن باقي الاشهر
يعنى ممكن شويه

هل تحرص على تناول طعام السحور
اكيــــــــــــــــــد

ماذا تتناولون عادة على السحور
فول و ساعات كبده و بطاطس
و كبايه اللبن ( ده لازم)

هل تساعد في البيت واعداد الطعام في رمضان وهل يؤثر هذا على عباداتك ؟
انا بساعد غى حاجات و حاجات
لا مش بيأثر خالص

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
زى المياه مثلا و العيش ده لازم
و الباقى على حسب مزاج امى بقى

ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
دى فكره زى الفل خالص و الله يا طيف
و انا الحمد لله مش باكل اى شيبسى و كلام من ده

هل برأيك نستطيع المقاطعة كليا لتلك المنتجات يوماً ما
اكيد نقدر كدا بس لو فى عزيمه و اراده

نصيحة لاخوانك اعضاء الكافيه
يخلو نيتهم صافيه بس

سؤال بتحب توجهيه و لمن
بوجه سؤال لاحمد الزعيم و بقوله
فينك يا زعمنا ؟؟!

شاركنا بحكمة او حديث
خير الكلام ما قل و دل

شكرا كتير ا على قبولك الدعوة
وكل رمضان وانت بالف خير
واتمنى ينعاد عليك بالصحة والعافية
و انتى طيبه يا جميل
يجزيكى الله كل خير على الحاجه الجميله جدا
ميرسى كتير ليكى يا جميل
و انا انبسط والله
و كل سنه و انتى طيبه

**طيف عابر** · 7 - 9 - 2008, 12:19 PM

عضوتنا اليوم ممكن تكون صغيرة بعمرها لكن افكارها حلوة
بتدخل القلب بسرعه لطيبتها واخلاقها

عضوتنا هي

روزي

كيف الاحوال وكيف رمضان معاكي السنة ؟؟

تمام الحمد لله

هل رمضان بالنسبة لكِ شهر مميز ؟ ولماذا؟؟

طبعا ،، العبادة فيه بتزيد .. وكل الناس بتشجع بعضها على الصيام والصلاة وقرآة القرآن ..

كيف تقضي روزي يومها في رمضان ؟؟
عادي .. بروح الصبح علشان حفظ القرآن .. وبرجع اساعدهم في البيت .. بعدها بقرأ قرآن على قد ما اقدر .. واحيانا لو في برنامج ديني في التليفزيون بشوفه .. و بين كل حاجة وحاجة بعد على النت شوية

هل تحرصين على قراءة القرآن في رمضان فقط ام دائماً؟؟

في الصيف بحاول يكون دايما ،، بس بيكون صعب المداومة في الدراسة
وصلت جزء 13
بتصدقي اختي مو قابلة تقلي وين وصلت احسن انافسها واسبقها ؟؟ما رأيك بها
لئيمة صح

أنا لو مكانها هعمل زيها

تبقي زيها بس انتي قلتي عادي يعني

هل تختلف عادات تناول الطعام في بيتكم في رمضان عن باقي الاشهر

لا مش قوي .. ممكن أول وتاني يوم بسبب العزومات .. لكن عادة لأ

ما اهمية وجبة السحور عندك
ه بحاول الى حد ما أتسحر على طول

ماذا تتناولون عادة على السحور
وجبات خفيفة ^^

هل تساعدين في البيت واعداد الطعام في رمضان وهل يؤثر هذا على عباداتك ؟

أنا بساعد في البيت ،، بس إعداد الطعام لأ ،، ومبيأثرش على عبادتي خالص

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
مش حاجة محددة .. واحنا عادي مش بنعمل تكليف زيادة للفطار .. كل يوم بيومه

ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
هل برأيك نستطيع المقاطعة كليا لتلك المنتجات يوماً ما

بتمنى .. وان شاء الله ممكن

نصيحة لاخوانك اعضاء الكافيه

متنسوش صلاة الفجر

شاركينا بحكمة او حديث

( إذا جاء رمضان فتحت أبواب الجنة وغلقت أبواب النار وصفدت الشياطين )

شكرا على قبولك الدعوة

**عزالدين حسون** · 7 - 9 - 2008, 12:19 PM

Merci belle position

**طيف عابر** · 7 - 9 - 2008, 12:29 PM

عضوتنا اليوم حبابة على اسمها
طيبه لابعد الحدود وقدرت تعمل صحبة حلوة بوقت قياسي
عضوتنا هي

**حبيبة **

السلام عليكم
-وعليكم السلام
ممكن نتعرف عليكي كما تحبي ان نعرفك ؟؟ بمعنى ماذا تحبي ان نعرف عن حبيبة
اكتر حاجة عايزة تعرفوها عنى ان اسمى الحقيقي آية مش حبيبة وان انا بحبكوا والله كتييييييييييييييييييييييي يييير

كيف تقضي حبيبة يومها في رمضان؟
بصحى الصبح وارتب الشقة وبعدين اساعد ماما في الفطار واحيانا بكون في الجامعة عشان بحضر تدريب خاصة بالكلية بتاعتى
هل تحرصين على قراءة القرآن في رمضان فقط ام دائماً؟
؟بصراحة الاكثر في رمضان لكن في الايام العادية مش دايما بصراحة

اين وصلتي في القراءة ؟؟اي جزء

متحرجنيش بصراحة مش كتير عشان في ظروف

ان شاء الله بتختفي الظروف وبتقرأي اكتر
هل تختلف عادات تناول الطعام في بيتكم في رمضان عن باقي الاشهر

لا عادى

هل تحرصين تناول السحور

غالبا

ماذا تتناولون عادة على السحور

زبادى ومية

هل تساعدين في البيت واعداد الطعام في رمضان وهل يؤثر هذا على عباداتك ؟

لما بكون فاضية
لا مش بيؤثر

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً

ممكن صنفين او تلاتة بجانب الصلطة
الصلطة لازم كل يوم

ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
هل برأيك نستطيع المقاطعة كليا لتلك المنتجات يوماً ما؟

والله ياريت
بصراحة اقاطعها كليا متهيألي صعب لان المشكلة مش فينا المشكلة في اللي بيدخل المنتجات دى بلادنا

نصيحة لاخوانك اعضاء الكافيه
بصراحة مش عارفة بس نفسي منكنش سالبيين تجاه مشكلة لازم ناخد منها موقف
سؤال بتحبي توجهيه و لمن

ممكن اسمع صوتك؟ اصل بصراحة بحب لهجتكوا؟.. ليكى يا طيوفة

ولا يهمك حبيبه انتي بس اعملي هوت وبضيفك وبسمعك صوتي
غالي والطلب رخيص

عالموبايل غاليه المكالمة

خلص رح احققلك امنيتك حبيبة
وبنبقى نتفق

شاركينا بحكمة او حديث

(لكل وردة شوكها)

شكرا كتير ا على قبولك الدعوة وكل رمضان وانتي بالف خير واتمنى ينعاد عليكي بالصحة والعافية

ربنا يخليكى يا طيوفة وكل سنة وانتى طيبة وبخير وفي سعادة