لقاء مع عضو *من السحور للسحور *

[yara]

سؤال بتحب توجهيه و لمن
لا مافيش

لا ماعندناش عضو اسمو مافيش

شاركنا بحكمة او حديث
[عن أبي هريرة رضي الله تعالى عنه: (أن رجلاً قال للنبي صلى الله عليه وآله وسلم: أوصني، قال: لا تغضب، فردد مراراً، قال: لا تغضب) رواه البخاري ].

عليه افضل الصلاة والسلام
شكرآ اخى على كلماتك الرائعه
لقاء جميل
ورمضان كريم

[yara]

شاركنا بحكمة او حديث

قمة التحدى ان تبتسم وفى عينيك الف دمعة

جميله ورقيقه جدآ هذه الحكمه
شكرآ اخى وليد على كلماتك الجميله
لقاء جميل
ورمضان كريم

[طيف عابر]

شكر كبير لكل من شاركنا والله يبارك فيكم

وان شاء الله كل لقاء رح ينزل بوقته حسب وصول اجابات العضو

همسة وصلت رسالتك وان شاء الله بتنزل قريب في موعدها لانه انا اعطيتهم ارقام حسب وصولهم
الله يبارك لكم في رمضان ويرزقكم فيه مغفرة ورحمة وعتق من النار
وعنجد بشكر لكم اتاحة الفرصه حتى نتعرف عليكم اكتر وعلى رمضان معكم

[×X× sHeKo0o0o ×X×]

و بأقول للأستاذ شيكو ما قولتش اسمك الحقيقي ليه ؟!!

لا انا مش عليا طار ولا حاجه
انا بصراحه نسيت خالص
على العموم ما انتا عارفه بس انا هقوله لاحلى اعضاء
عشان هم مش عارفينه
انا اسمى الحقيقى
عمــــــــــــــر
بس كدا

[طيف عابر]

عضو اليوم انسان رائع ومميز بحيث بيجمع روح خفة الدم مع الالتزام بشكل مميز فعلاً وملفت للنظر
انسان بحب الدعابة بحدود
ممكن دخوله قليل لكن بكل دخول له بيترك اثر جميل جداً على الكافيه
شخصياً اول موضوع لفت نظري في الكافيه كان له واسمه --مواقف --\\

كلنا بنحترمك يا

كارثه بيه







السلام عليكم
-----
وعليكم السلام تاني

ممكن نتعرف عليك كما تحب ان نعرفك ؟؟ بمعنى ماذا تحب ان نعرف عن كارثه
شاب طبيعي _إلى حد ما_ دخل حياة النت عن طريق الصدفه
وبيحاول يبعد عن اي حاجه في دنيا الانترنت ممكن توقعه في غلط
سواء كان الغلط ده بيحرمه دينه او اخلاقه او مجتمعه


الهوية الشخصية ( اختياري يعني ممكن تجاوب وممكن لا حسب رغبتك )
لا ليه يعني انا عميل سري؟
اسمي الحقيقي احمد
طالب بكليه الحقوق الفرقه الرابعه


كيف الاحوال وكيف رمضان معاك السنة ؟؟
الحمد لله رب العالمين
وبحاول اقرب لربنا اكتر في رمضان


هل رمضان بالنسبة لك شهر مميز ؟ ولماذا؟؟
اكيد
والاسباب كتيره
اولهم واهمهم ان الطاعه بتزيد فيه
ده غير انه بيقرب الناس لبعضها


كيف يقضيكارثه يومه في رمضان ؟؟
بصحى من النوم على صلاة الظهر
وبعد الظهر بيبقى وقت قراءة القرآن
وعلى العصر كده المفروض انه بيكون لعب كوره
بس انا مصاب الفتره دي
فـ غالبا الفتره دي بقضيها ضرب في اختي الصغيره
بفطر وبفضل قاعد لحد صلاة العشاء واصلي القيام وممكن اصيع شويه مع اصحابي _مش صياعه بمعني الصياعه يعني_
والوقت الباقي لحد صلاة الفجر نت
وبعدين بنام


هل تحرص على قراءة القرآن في رمضان فقط ام دائماً؟؟
اكيد طبعا على طول
بس معدل القراءه بعد رمضان بيقل شويه
وده في حد ذاته غلط


اين وصلت في القراءة ؟؟اي جزء
حاليا انا في الجزء السابع
سورة الانعام
بالتحديد صفحة 134



هل تختلف عادات تناول الطعام في بيتكم في رمضان عن باقي الاشهر
اه
الطبيعي ان في تلت وجبات في اليوم الواحد
في رمضان اتنين بس
فطار وسحور
وانا غالبا يعني مش بتسحر
بس اي حاجه بعد الفطار بتيجي في طريقي باكولها


هل تحرص على السحور
مش دايما


ماذا تتناولون عادة على السحور
يعني هنتسحر بيتزا؟
اكيد فول


هل تساعد في البيت واعداد الطعام في رمضان وهل يؤثر هذا على عباداتك ؟
لا والله مش بساعد
وبالتالي مش بيأثر

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
لا موضوع نوع واحد ده صعب في الزمن ده
بس اللي لازم يكون موجود في الفطار
البلح(التمر) اكيد
والعصير
والسلطه


ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
والله بحاول بقدر الامكان
والمفروض ان الموضوع ده يكون من زمان


هل برأيك نستطيع المقاطعة كليا لتلك المنتجات يوماً ما
اكيد طبعا نقدر نعمل اكتفاء ذاتي
بس اهو كلام
زي اي كلام بنقوله ومش بنفذه


نصيحة لاخوانك اعضاء الكافيه
يا ريت يا ريت بلاش نستخدم الكافيه والنت بصفه عامه في حاجه تغضب ربنا
على الاقل عشان المسكين اللي اسمه على ده ميشلش ذنوب


سؤال بتحب توجهيه و لمن
هو مبدايا السؤال لعلي
ليه؟
بس هو هيفهم


شاركنا بحكمة او حديث
اكيد مفيش احسن من كلام ربنا وكلام رسوله
بس الحقيقه في مقوله لسيدنا على جامده جدا
كفى بالعلم شرفا أن يدعيه من ليس بأهله وكفا بالجهل عارا أن يتبرأ منه من هو فيه


شكرا كتير ا على قبولك الدعوة
لا العفو
وكل رمضان وانت بالف خير
وانتوا بالصحة والسلامه
واتمنى ينعاد عليك بالصحة والعافية
آمين يا رب

"

[طيف عابر]

العضو احمد طه من الاعضاء الاوائل عالمنتدى وحقه علينا نتعرف عليه اكتر
ولهذا سيكون ضيفنا اليوم
ولاحظت انه الحوار كان صريح جداً والاجوبة كانت دقيقه
ارجو لكم متابعه ممتعه
مع




احمد طه
فاهلا وسهلا

السلام عليكم وكل عام وانت بخير

وعليكم السلام ورحمة الله وبركاته
وكل عام وانتم بخير
اولآ...انا احب اعرفكم انى شاب زى شاب
بحب الدنيا ونفسى اعيشها زى ما بقيت الشباب عشينها
انا شاب لسة مخلص الثانوية ..(بفضيحه)
بس ده بينى وبينكم
وعندى 18 سنة
ومش بحب حد خالص ومفيش حد فى حياتى نهائيآ وشكلى هفضل على كده لحد ما أموت
وعلى فكرة انا بحب افضل مجهول الهوية
بس فى ناس كتير عارف هويتى زى البج بوس

كيف تقضي يومك في رمضان من السحور للسحور
ثانيآ..احمد طه يقضى يومه فى رمضان كاى شاب مصر مسلم
أ-انا بصحى الساعة 8 بأخد شوور وبنزل على الشغل
ب-امشى المحل على الساعة 9.30 او 10 على حسب بيكون فى شغل المفروض ان هو يمشى المحافظة
ج-طبعآ بيكون معايا مصحف وانا ماشى وانا راجع بخلص على حسب سرعة السواق ممكن جزء ونصف اذا كان السواق مايع
د-وبرجع مش المحافظه الساعة 3.00 او 3.30 على حسب الشغل
هـ-وبعدين اذا كان فيه شغل فى المحل بخلصة وبعدين اطلع من المحل على الساعة6.00
و-طبعآ بفطر فى المسجد وبعدين ادخل على الشديد فى البيت مع الجماعة
وبعدين اخرج على صلاة العشاء وبصلى العشاء والتراويح وبعد كده ارجع على المحل وبخلص الشغل اذا كان فيه شغل وبعدين بروح على الساعة 12.00 او 1.00
ل-بنام طبعآ زى الخروف من كتر التعب
طبعآ ابوى بيقاومنى على السحور بضرب النار الساعة3.00 صباحآ
وهى دى كانت حكايتى مع ....
وكان يومى فى رمضان بالطريقة دى ...

كيف رمضان معك السنة ؟
ثالثآ...رمضان واحوال رمضان معايا السنة دى تعبنى جدآ جدآ جدآ
طبعآ علشان الشغل
واللى هيقول ان رمضان خفيف موت
يبقى ده اصلا بيقوم الساعة 12.00الظهر وبيقعد قدام التلفزيون لحد العصر ومن العصر بيطلع يلعب كورة لحد المغرب
ويفطر وبعدكده يطلع يتقابل مع اصدقائه وبعدين يصلوا وبعدين يلعبوا الدورة الرمضانية بعد التراويح ويروح البيت الساعة 12.00 بليل بعد ما يخلص الدورة ويتفرج على التلفزيون لحد الساعة 2.30 بليل ويتسحر وينام بس
هو ده اللى هيكون بيعمله اللى بيقول ان رمضان خفيف هيعمل نفس الكلام اللى انا عملته الاسنة اللى فاتت

هل تعتبر رمضان شهر مميز وليه
رابعآ..طبعآ رمضان بالنسبة لى انا شخصيآ شهر مميز
لانه بيحرمنى من شرب الحاجة الساقعة فى اى وقت واكل اللب والاكل بوجه عموما
كيفك انت والقرآن برمضان

خامسآ..انا صراحة مش دائم انا بحافظ على القراءة فى رمضان
انا حاليا فى الجزء السابع
((وياريت اتمنى ان انتى متحذفيش اى كلمة من انى اللى انا كتبتها))ده رجاء

هل الطعام يختلف في رمضان عن غيره من الاشهر
خامسآ..من ساعت ما ابوى نزل من الكويت بقت كل حاجة زى ما هى يعنى طبعآ كان اكلنا فى مكان غير المكان اللى احنا بناكل الاول بس من ساعت ما نزل فى شهر 12 هو هو الحال من ساعت ما نزل ما فيش حاجة اتغيرت


هل السحور مهم لك ؟
سادسآ...السحور آه ده حاجة اكيدة
الرسول صلى الله عليه وسلم وصانى وقال فى حديث شريف ((تسحروا فان فى السحور بركة)) وبعدين ابوى كده كده بيقومنى فلازم اكون مواظب عليه
سابعآ...آه جيتى لاكلت بتاعت السحور بناكل اية ممكن اسالك سؤال ؟؟ الشعب المصر بياكل اية
الطبيعى ان الاجابة اتعرف الفووووول وياسلام بقى لو من ايد محمد اخوى فى ناس هنا فى المنتدى داقت الفول بتاع محمد اخوى فول مش هقدر اوصفلكم بس اكيد حد هيؤلكم

بتساعد في البيت في رمضان
ثامنآ...انا بساعد الجماعة عندنا فى البيت ساعت ما اكون موجود لان اصلا اصلا انا بكون فى الشغل فدى طبيعى مش بياثر على الشغل
تاسعآ..بالنسبة للاكل بتاع الفطارفيكون طبيعى فمن الافضل انه هو يكون اكتر من نوع احنا عادة بيكون اكتر من نوع (سلطة_شربة لسان عصفور_ارز_ممكن سمك او لحمة او فراخ_الملوخية اللى انا بموت فيها_الفاصوليا_....كده يعنى وغيره)
ما رأيك في مقاطعة المنتجات الدنماركية في رمضان ؟
عاشرآ..انا من رايي آه وهتكون افضل حاجة المقاطعة
بس فى سؤال هلى البلد دى هتقاطع اذا احنا قطعنا احنا بنتكلم فى اقتصاد بلد وياريت متخلونيش الجأ فى السياسة لان مش بحبها خالص(واكيد هيجى يوم ان احنا نقاطع هذه المنتجات)

نصيحة لاخوانك في المنتدى
الحادى عشر..النصيحةاللى انا بحب اوجها لاخوانى فى المنتدى((استغلوا رمضان واجعلوه بداية توبة))
دى نصيحة ((حاول بقدر الامكان بعدم....)) انا اسف انا مش هقد اكمل سورى لان الحكمة هتزعل ناس كتير وهتفيد ناس كتير وهتفرح ناس كتير بي انا مش هقدر اكملها علشان اللى هيزعلوا


سؤال ولمين بتحب توجهه
الثانى عشر...بالنسبة للسؤال فى اساله كتير بس مش عينفع اوجهه لواحد وانا اسف انا هتنحى عن اجابة هذا السؤال

شاركنا حديث او حكمة
الثالث عشر...الحديث قول الرسول صلى الله علية وسلم((تسحروا فان فى السحور بركة))
الحكمة ((احذر من عدوك مرة ومن صديقكك الف مرة))


شكر كبير لاحمد طه على اللقاء وقبول الدعوة

[Treka]

حوار جميل اوى واحمد انا اعرفه من زمان
لكن العلاقة كل ما الوقت بيمر كل ما بعرف عنه وبتقرب منه اكتر
بس انسان بجد اخلاق وذوق ومحترم وعسل وقصير جدا
بجد والله شخص اصيل وزى السكر .. ده اللى اقدر اقوله عنه
وتسلمى طيوفه على اختيارك للإنسان ده بجد حاجة جميلة اوى

[Treka]

بجد
يا ابو حميد اجابتك كلها مقنعة وجميلة جدا جدا
تسلم يا ابنى واحمد طه بجد انسان حساس جدا
وبحس انه فى اى موقف بيطلع مظلوم علطول
مش عارف ليه ..
واحمد لسه اخر مرة كنت مقطعه لعبة ميدل
وكان متضايق منى اوى عشان ظبطه هو واللى كنا بنلعب معاهم
ههههههههههــ
بس بجد احمد انسان غلبان جدا وعلى نياته وحساس اوى
ولعيب كورة اسألونى انا ... زى الجمل بظبط بجد لعيب اوى

وبجد يا طيوفه انا بحيكى على اختيارك للأعضاء اللى بتعملى معاهم حوار

[خاطر]

حوار جميل

بس هوانسان اخلاق ومحترم
ده اللى اقدر اقوله عنه
وتسلمى طيوفه على اختيارك للإنسان ده

[yara]

حوار جميل جدآ

ليه؟
بس هو هيفهم

يا ترى مين وراهم؟

حوار جميل اوى واحمد انا اعرفه من زمان

لكن العلاقة كل ما الوقت بيمر كل ما بعرف عنه وبتقرب منه اكتر
بس انسان بجد اخلاق وذوق ومحترم وعسل وقصير جدا
بجد والله شخص اصيل وزى السكر .. ده اللى اقدر اقوله عنه
وتسلمى طيوفه على اختيارك للإنسان ده بجد حاجة جميلة اوى

اجمل حاجه ان الواحد يكون اصدقائه معاه فى كل مكان

لقاء جميل
تسلمى طيف على لقائاتك الجميله