رد مع اقتباس
عضو اليوم
انسان بيقدم وبيعطي بمحبة غريبه وعنده رغبة دائما في تقديم اي مساعدة
وتقدير لاخوانه الاعضاء
كان في بداية المنتدى مواظب بشكل يومي ولكن دخوله قل في الفترة الاخيرة بسبب ظروفه الخاصة
عضو اليوم
هو
عمرو
فأهلا وسهلا به
السلام عليكم
-----
وعليكم السلام ورحمة الله وبركاته
ممكن نتعرف عليك كما تحب ان نعرفك ؟؟ بمعنى ماذا تحب ان نعرف عن عمرو
عمرو هو شاب بسيط جدا متفائل بيحب الحياة بيحب الناس
نفسه يعمل حاجة كويسه
عمرو الدنيا أخدت منه أكتر ما ادت له حد يدعليه ان ربنا يكرمه زي ما كرم السادات
هوايتك
هو انا هجاوب لأن الاسئلة كلها جميله بجد والامور كلها بينا وبين بعض واحده وكلنا اخوات مفيش فرق......
انا بحب الصيد والكمبيوتر واني ارخم على علي مدكور
كيف الاحوال وكيف رمضان معاك السنة ؟؟
الحمد لله بس رمضان السنه انا مش ظابط معاه بسبب الظروف اللي انا فيها
بسبب مرض بابا وكده
فأنا مقصر في حق شهر رمضان جدا بس طبعا غصب عني
هل رمضان بالنسبة لك شهر مميز ؟ ولماذا؟؟
طبعا مميز جدا
لأنه فيه خير كتير وكل حاجة حلوة بتكون في الشهر ده
ورزقه الحمد لله واسع جدا
كيف يقضي عمرو يومه في رمضان ؟؟
يوم بيكون بسيط زي الناس بس في وقت مع بابا معظم الوقت
هل تحرص على قراءة القرآن في رمضان فقط ام دائماً؟؟
هو بصراحه مش كتير بمعنى اني انا والله الظروف بتجبرني بجد
هل تختلف عادات تناول الطعام في بيتكم في رمضان عن باقي الاشهر
لااااااااااااا الاختلاف في الحلويات بس والتمر الهندي قبل الفطار والقطايف والحركات الجامدة دي
هل تحرص على السحور
انا لازم آكل في اليوم ثلاث مرات سواء شهر رمضان او غيره سحور بقى عشا غدا اي حاجة
ماذا تتناولون عادة على السحور
فووووووووووووووول وممكن شوية حركات كده خفيفه
هل تساعد في البيت واعداد الطعام في رمضان وهل يؤثر هذا على عباداتك ؟
أه اول سنه لأني ملتزم اليومين دول قاعد في البيت يعني انا بعمل السلطة ممكن الرز أو مكرونة وبلاش فضايح لأني في اوقات اغسل الاطباق
هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
اه بيبقى شوية اصناف حلوة لأن ماما طباخه شاطرة جدا ماشاء الله عليها أهم حاجة اللحوم بس
ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
والله بالنسبه ليا انا مقاطع من زمان
وهي فكرة حلوة بس محتاجة اهتمام في النشر والله الموفق
هل برأيك نستطيع المقاطعة كليا لتلك المنتجات يوماً ما
صعب؟؟؟؟؟؟؟
نصيحة لاخوانك اعضاء الكافيه
محدش يغلط زيي وياكل كتير على الفطاااااااار
سؤال بتحب توجهيه و لمن
هو انت ليه بتعمل حوارات في الرد وتتكلم فيها كتير وتكتب اسمك بعد كل رد ؟؟؟؟؟ ( بسام الصواف)
شاركنا بحكمة او حديث
حكمه مصر هي امي
شكرا كتير ا على قبولك الدعوة
وكل رمضان وانت بالف خير
واتمنى ينعاد عليك بالصحة والعافية
شكرا جدا وده من دواعي سروري طبعا
واتمنى اني مكنتش ضيف تقيل عليكم
وكل سنه وانتم طيبين
سلام عليكم
قهوتنا على الانترنت
(الظاهر انو مختفي )
