لقاء مع عضو *من السحور للسحور *

[Treka]

حبيب قلبى عصام
بجد كان لقاء جميل وممتع جدا
ورائع فعلاً
تسلمى طيوفة على اختيارك الجميل ده
وعصام ده بجد من افضل واعز اصدقائى
الروح بالروح

بجد تسملى طيوفه

[طيف عابر]

عضونا اليوم هو اخ وصديق محترم وطموح جداً

متابع ممتاز للمواضيع السياسيه والجادة

اصبح دخوله قليل بعد ان كان متابع ممتاز

نتمنى ان يكون سبب غيابه خيراً

ولكن استطعنا ان نستضيفه معنا في حلقة اليوم

العضو هو


بسام مجدي

اهلا وسهلا




ممكن نتعرف عليك كما تحب ان نعرفك ؟؟ بمعنى ماذا تحب ان نعرف عنك
طبعا ممكن انا اسمى بسام الصواف من مصر محافظة الفيوم خريج حقوق القاهرة بشتغل فى الغردقة فى شركة الاهرام للاستثمار العقارى

اعزب مش مرتبط اوى محب للحياة واحب جدا تكوين صداقات على اختلاف انواعها لى اخت بنت واحدة وليس لى اخوات اولاد
عندى 22 سنة مواليد 1986
كيف الاحوال وكيف رمضان معاك السنة ؟؟
الحمد لله على اى حال لكن الامور دلوقتى مستقرة واللهم لك الحمد
هل رمضان بالنسبة لك شهر مميز ؟ ولماذا؟؟
طبعا رمضان مختلف ومتميز مش لى انا انما للدنيا كلها شهر بحس فيه بروح الدين والاسلام وبحس ان الود بين الناس فى الشهر ده بيبقوا فى اعلى معدلات الود والتسامح
كيف يقضي بسام يومه في رمضان ؟؟
والله الصبح الشغل حتى العصر وبعد كدة برجع السكن عشان اجهز الفطار مع اصحابى وكدة وبعد صلاة التراويح برجع الشغل تانى
هل تحرص على قراءة القرآن في رمضان فقط ام دائماً؟؟
طبعا احرص على قراءة القران فى رمضان وعادة بقرا على قد ما اقدر

هل تختلف عادات تناول الطعام في بيتكم في رمضان عن باقي الاشهر
هههههههههه فكرتينى بالبيت طبعا بتختلف دى بتبقى ساعة الفطار دى بقى مسرحية وعادة بكون البطل فى الحوار ده


هل تحرص على السحور

طبعا لازم اتسحر امال هشتغل ازاى

ماذا تتناولون عادة على السحور

فووووول وجبنة ولانشون وزبادى

هل تساعد في البيت واعداد الطعام في رمضان وهل يؤثر هذا على عباداتك ؟

هههههههههههه طبعا لازم اساعد فى اى حاجة سلطة طبيخ وكدة يعنى

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً

طبعا رمضان ده شهر لابد ان تكون مائدته عامرة
ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
فكرة زى الفل
هل برأيك نستطيع المقاطعة كليا لتلك المنتجات يوماً ما
ليه لا
نصيحة لاخوانك اعضاء الكافيه
الصلاة على مواعيدها
سؤال بتحب توجهيه و لمن
ايه رايكم فيا لك الاعضاء
شاركنا بحكمة او حديث
كن متجدد الطموح / وكن حريصا فى اختيار الصديق
شكرا كتير ا على قبولك الدعوة
وكل رمضان وانت بالف خير
واتمنى ينعاد عليك بالصحة والعافية

.ربنا يخليكي يا رب وكل سنه وانتى طيبه طيف

[Dr: Adnan]

رأيي فيك اخ بسام انك انسان رائع تستحق الاحترام

[أحمد عمر]

رأىى فيك بلاش اقوله ادام الناس












لقاء مميز كالعاده طيف و عضو مميز ايضا

[mona roshdi]

لقاء مميز طيف مع عضو اكن لة كل تقدير
ودائما ملتزم فى حواراتة وكتاباتة
بارك الله فيك بسام وكل عام وانت بخير ورمضان مبارك

[MoOoRa]

رأىى فيك بلاش اقوله ادام الناس

وانا كمان

[خاطر]

ربنا يوفقك يا بسام
وكل عام وانتم بخير

[ساجدة]

الله يوفقك ابني ويرضى عليك

[بسام الصواف]

بداية احب اقول كل سنة وانتوا طيبين ويارب دايما تبقوا بخير

بالنسبة لنقطة عدم المتابعة يا طيف والله بسبب الشغل وغصب عنى على طول مشغول لدرجة انى لحد دلوقتى ومن شهرين لا اخدت اجازة ولا سافرت عشان افطر مع اهلى

اما احمد عمر احب اقوله ماشى انا عارف رايك وموضوع السبحة والمروحة يلمنا

مورا انا عاوز منه طلب ياريت تعرفنى بنفسك لانى حاسس انى اعرفك بجد

منى رشدى اقولها كل سنة وانتى طيبة وشكرا على الاطراء ده

خاطر احب اقوله تسلم يا كبير على دعوتك دى وربنا يتقبل منا

اما ام الكافيه واختنا الكبرى ساجدة :

بجد شكرا على زيارتك لينا وكل سنة وحضرتك طيبة ويارب دايما ابقى عند حسن ظنكم


والااخت طيف شكرا على الاستضافة ويارب نطمن عليكى كدة دايما من وقت للتانى وان شاء الله هتابع تانى

[طيف عابر]

شكراً كتير بسام عل اللقاء والاجابات الجميله