لقاء مع عضو *من السحور للسحور *

**طيف عابر** · 4 - 9 - 2008, 05:44 PM

المشاركة الأصلية كتبت بواسطة وليد الاسلام

السلام عليكم انا ممكن اشارك معاكم بالموضوع

طبعاً بنتشرف جدا تكون ضيفنا
مشكور جداً وليد على مبادرتك الطيبة

**Treka** · 4 - 9 - 2008, 07:08 PM

من هو العضو القادم ..؟؟

**طيف عابر** · 4 - 9 - 2008, 08:10 PM

وهلأ معنا عضو مميز جدا
رغم صغر سنه الا انه افكاره كتير حلوة واخلاقه عاليه جدا

مصقف هي الكلمة ومفتاح السر

العضو هو

*** تريكة ***

ممكن نتعرف عليك كما تحب ان نعرفك ؟؟
بمعنى ماذا تحب ان نعرف عن تريكة

ممكن خالص .. بس اللى انت عارفينه عنى .. هو ده اللى انا عايز اقوله .. فا متهيقلى مفيش تعريفات ليا اقدر اقولها .. لانكم انتوا اهلى والشخص الكويس عمره ما هيخبى على اهله اى حاجة .. واللى انتوا عارفينه عنى .. هو ده انا ..

هوايتك

الهواية يعنى .. انا من افضل هواياتى النت ولعب البلايستيشن ولعب العاب الاون لاين .. وأحياناً قراءة الخط العربى .

كيف الاحوال وكيف رمضان معاك السنة ؟؟

تمام الحمد لله بخير ... بس انا مش شايف حولى نشاط وعمل واستجابة رمضان .. الناس من حولى مش عارف كدة مالهم .. مش زى كل رمضان

هل رمضان بالنسبة لكِ شهر مميز ؟ ولماذا؟؟

طبعا مميز .. ولماذا ؟ لأسباب كتيرة جدا
لانه شهر الرحمة والمغفرة .. ولان الشياطين فيه بتتسلسل وبتكون مش موجودة بيننا فا بيتقل الذنوب .. وبيكون شهر كله طاعة الى الله عز وجل .. وغير ده كله .. شهر رمضان مميز عشان شهر رمضان .. هو شهر رمضان .. بس

كيف يقضي تريكة يومه في رمضان ؟؟

الحمد لله .. على كل شىء
انا بصحى على الساعة 11 كدة او 12 .. اصحى اصلى الظهر .. وبروح الشغل .. طبعا فى سيبر مستر على بيه مدكور سيبر مصراوى كافيه .. مكان اخى الغالى والعزيز عصام نت .. وفضل فى السيبر لحد قبل الفطار بشوية وبروح اصلى المغرب واروح افطر .. وبعد كدة بقعد شوية مع العائلة .. وبذهب الى السيبر مرة تانية .. وبعد لحد الساعة 11 او 12 كدة وبمشى .. لما بمشى بقى بتصل على اصحابى وبعرف هما فين واروح لهم فى المكان اللى هما فيه .. وبنقعد مع بعض لحد وقت السحور وكل واحد بيذهب لبيته علشان يتسحر وبعدها بنتقابل فى المسجد لنصلى الفجر .. وبعد ما نصلى بنقعد نقرأ قرأن لحد الشروق .. وبعد كدة بذهب للبيت وانام واتوكل على الله ..

هل تحرص على قراءة القرآن في رمضان فقط ام دائماً؟؟

بصراحة فى رمضان فقط بس انا نفسى اكمل حفظ القرأن بعد رمضان زى ما كنت بحفظ زمان .. لكن للأسف وقف عن الحفظ .. بس انا بحرص على القرأة فى رمضان اكتر من اى شهر تانى .

اين وصلت في القراءة ؟؟اي جزء

بصراحة لحد دلوقتى جزء واحد ... بس ان شاء الله النهاردة على الاقل هقرأ 2 بأذن الله .

هل تختلف عادات تناول الطعام في بيتكم في رمضان عن باقي الاشهر

طبعا مش فى بيتنا احنا بس لأ .. اكيد بكل البيوت المسلمة كلها .. وبالنسبة لبيتنا كل يوم طبعا نوع او صنف من الاكل ..

هل تحرص على تناول السحور

السنة دى اه .. لكن السنوات الماضية مكنتش بتفرق معايا اتسحر او لا .

ماذا تتناولون عادة على السحور

بيض .. زبادى .. فول .. جبنه .. مربى

هل تساعد في البيت واعداد الطعام في رمضان وهل يؤثر هذا على عباداتك ؟

مش كتير بساعد .. يعنى بيأثر مش اوى ..

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً

كتير اوى لدرجة انا معرفش انا باكل ايه .. هههههههـ .. بجد كتير

ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
هل برأيك نستطيع المقاطعة كليا لتلك المنتجات يوماً ما

ممكن ..

نصيحة لاخوانك اعضاء الكافيه

رمضان شهر العبادة

سؤال بتحب توجهيه و لمن

احب اوجه سؤال لعصام .. اقوله انت فين دلوقتى ؟؟

شاركنا بحكمة او حديث

صيام شهر رمضان بعشرة أشهر وصيام ستة أيام بشهرين فذلك صيام السنة

شكرا كتير ا على قبولك الدعوة وكل رمضان وانت بالف خير واتمنى ينعاد عليك بالصحة والعافية

الشكر لله .

----------------------------------------

انتظرونا اللقاء القادم مع

الفارس المتألق المحبوب احمد عمر

ومع المتألق الضيف الذي يترك بصماته كلما ترك لنا مشاركة
هاري بوتر
ومع متألق ومميز قسم الفرفشة والالعاب شيكو

**طيف عابر** · 4 - 9 - 2008, 08:33 PM

المشاركة الأصلية كتبت بواسطة Treka

من هو العضو القادم ..؟؟

العضو هو ---------- هو --------------هو شوف كده هو مين

**sydney** · 4 - 9 - 2008, 09:40 PM

تسمحولي اكون انا العضو القادم وبناء علي رغبه طيف بردو لان الموضوع بتاعها جميل جداا وبيعرفنا علي بعض اكتر واكتر واتمني بجد ربنا يتقبل صيامنا جميعا
ممكن نتعرف عليكي كما تحبي ان نعرفك ؟؟ بمعنى ماذا تحبي ان نعرف عن سيدني

الهوية الشخصية ( اختياري يعني ممكن تجاوب وممكن لا حسب رغبتك )
انا نور رابعه علم نفس وعندي 21 سنه
كيف الاحوال وكيف رمضان معاك السنة ؟؟
الحمد لله علي كل حال ورمضان السنه دي جميل وربنا يتقبل الصيام اهم شيءوحاسه ان ليه طعم مختلف عن قبل كده مش عارفه السبب
هل رمضان بالنسبة لك شهر مميز ؟ ولماذا؟؟

اكيد شهر مميز اذا كان احب الشهور الي الله فاكيد هو بيختلف كتير عن باقي الشهور لانه بيكون فرصه اكبر للتقرب من الله تعالي وزياده الحسنات وهو شهر اوله رحمه واوسطه مغفره واخره عتق من النار ومعظم الناس بتسيب السنه كلها وبتيجي في رمضان وتقرب من ربنا اكتر فاكيد لازم يكون شهر مميز عن باقي الشهور وكمان بيضفي جو مميز عشان الفوانيس والزينه وصلاه التراويح السحور وتجمع العائلات في الفطور كده يعني
كيف تقضي سيدني يومها في رمضان ؟؟
بقضي يومي بحيث اني ابعد عن اي حاجه ممكن تفسد صيامي يعني ابعد عن الكمبيوتر والتلفزيون وطبعا بقرا القران والاذكار والصلاه وبحاول اعمل اي حاجه وبقرا كتب تانيه في التنيمه البشريه مثلا وساعات اساعد والدتي في المطبخ ...
هل تحرصي على قراءة القرآن في رمضان فقط ام دائماً؟؟
بصراحه غاليا في رمضان وايضا اوقات الدراسه مستمره في القراه والحفظ معا ..اما ايام الاجازه نادراا
كم جزء قراتي في القران ؟
انا الحمد لله وصلت للجزء الثاني عشر
هل تختلف عادات تناول الطعام في بيتكم في رمضان عن باقي الاشهر
نعم احيانا وخصوصا لاني في الغالب اتناول الطعام بمفردي في الايام العاديه اما في رمضان فانا اتناوله مع العائله..واشعر بجو مختلف عن الطبيعي
هل تحرصي على السحور؟
طبعا السحور بركه كما قال الرسول ص
ماذا تتناولون عادة على السحور؟
اتناول الفول طبعا لانه بقي عاده عند كل المصريين في السحور وكمان باكل جبنه وبيض وبطاطس وزبادي وشاي بلبن
هل تساعدي في البيت واعداد الطعام في رمضان وهل يؤثر هذا على عباداتك ؟
نعم اساعد لاني بحاول اضيع الوقت ومش بحس بيه وانا بساعد في البيت ولا يؤثر علي عبادتي لاني بحاول اقسم يومي بين العبادات وشغل البيت والقراءه واي نشاط تاني

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
نقدم اصناق عديده طبعا والانواع التي يجب ان تكون موجوده يوميا هو الخضار والسلطات واي نوع من اللحوم او الدجاج او الاسماك والارز والمكرونه ...الخ

ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
شيء جميل اننا نقاطع المنتجات الاجنبيه عموما ..واستغلال رمضان كبدايه لها شيء جميل عشان يبقي فيه نوع من التعود علي عدم استعمال المنتجات دي
هل برأيك نستطيع المقاطعة كليا لتلك المنتجات يوماً ما
اكيد بنقدر لو كلنا ايد واحده وانا عن نفسي افضل مقوله ابدأ بنفسك لان لو كل واحد مننا بدا بنفسه وحاول يتجنب المنتجات دي اكيد كلنا هنكتشف اننا بعدنا عنها وتلحق خساره كبيره باقتصاد الدول الاجنبيه وبالفعل قرات عن احصائيات لاقتصاد احدي الدول بعد مقاطعه دامت اسبوع واكتشفت خساره ليها بلغت ملايين الدولارات وانا اتمني ذلك دائما بالمقاطعه
نصيحة لاخوانك اعضاء الكافيه
مش عندي نصيحه الان بصراحه لكن بحب اقول اننا بعد سنين طويله هنفتكر اننا كنا اخوات مقربين من بعض في المنتدي ده ولو نصحت اقول اننا مش لازم نبعد عن المنتدي ده ونفضل نكتب فيه لانه منتدي مميز بجد
سؤال بتحيب توجهيه و لمن
ممكن اقول سؤال بمناسبه شهر رمضان وهو امتي فرض الصيام لاول مره علي المسلمين؟؟
والسؤال ده موجه لهمسه ولاء
شاركينا بحكمة او حديث
قال رسول الله ص
كل عمل ابن ادم يضاعف الحسنه عشر امثالها الي سبعمائه ضعف قال الله عز وجل الا الصوم فإنه لي وانا اجزي به يدع شهوته وطعامه من اجلي وللصائم فرحتان فرحه عند فطره وفرحه عند لقاء ربه ولخلوف فيه اطيب عند الله من ريح المسك..حديث قدسي

شكرا ليكي طيف وربنا يتقبل صيامك وصيامنا جميعا ان شاء الله والاسئله بجد روعه ولذيذه اووي ومنتظره موضوعاتك المتميزه

**أحمد عمر** · 4 - 9 - 2008, 10:14 PM

ممكن خالص .. بس اللى انت عارفينه عنى .. هو ده اللى انا عايز اقوله .. فا متهيقلى مفيش تعريفات ليا اقدر اقولها .. لانكم انتوا اهلى والشخص الكويس عمره ما هيخبى على اهله اى حاجة .. واللى انتوا عارفينه عنى .. هو ده انا ..

يابنى انت عاوز تقول ايه بالظبط

رمضان كريم يا قمر

**Treka** · 4 - 9 - 2008, 10:33 PM

يابنى انت عاوز تقول ايه بالظبط

رمضان كريم يا قمر

ميرسى طيف
وكل عام وانتى بخير
وانا عايز اقول اللى مش عارف اقوله

**أحمد عمر** · 4 - 9 - 2008, 10:57 PM

واضح واضح

**طيف عابر** · 4 - 9 - 2008, 10:59 PM

يا احمد مصقف وانت عارف نحنا المصقفين مش بسهولة اي حد يفهم علينا
مشكور احمد لمرورك اللطيف وتريكة لاجاباتك الحلوة
تسلموا يا رب

**أحمد عمر** · 4 - 9 - 2008, 11:02 PM

نسيت حكايه الصقافه دى

الموضوع: لقاء مع عضو من السحور للسحور

أدوات الموضوع

لقاء مع عضو من السحور للسحور ---3---*

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة

الموضوع: لقاء مع عضو *من السحور للسحور *