علي فكره يا جماعه انا لسه عايش والحمد لله ....
ورمضان كريم ....
والله ياجماعة حبة مشاغل وظروف شغلى
غصب عنى البعد عنكم
كل عام وانتو بخير
وتقبل الله منا ومنكم صالح الأعمال
بجد فكره جميله وانا منتظر هذا اليوم ورمضان كريم
انسان اخلاق وذوق
ممكن اقول انه هو مع احمد عمر كان اول عضو في المنتدى شجعني بردوده واسم لفت الانظار بمشاركاته
وجهده الرائع على المنتدى
قلة تواجده فعلا خسارة كبيرة للمنتدى
مواضيعه وردوده لم تكن ابدا عشوائية
لو اتمنى شيء للمنتدى فهو ان يتمكن من العودة كالسابق
اكيد عرفتوه
طبعا هو
احمد الزعيم
نتركم مع احمد ونرجو لكم المتعه والفائدة
السلام عليكم
و عليكم السلام و رحمة الله و بركاته
ممكن نتعرف عليك كما تحب ان نعرفك ؟؟ بمعنى ماذا تحب ان نعرف عنك
مجرد شاب زي أي شاب عنده أحلام و طموحات
نفسه يعمل حاجات كتير و يحقق حاجات محصلتش
طموحاته عالية حبتين .. الدنيا ساعات بتديلوا كتير أوي و ساعات بتاخد منه كتير جدا
و مبحبش اي حد يتكلم عن نفسه اكتر من اللازم
الهوية الشخصية ( اختياري يعني ممكن تجاوب وممكن لا حسب رغبتك )
الإسم : أحمــد
السن : 20 و بأشاور عقلي علي الـ 21
الحالة الإجتماعية : أعزب و مش أعزب
حاليا في كلية التجارة جامعة اسكندرية و يا مسهل و أخلص منها علي خير
كيف الاحوال وكيف رمضان معاك السنة ؟؟
رمضان بالصراحة تاعبني اوي السنة دي علي غير العادة
مرهق طول الوقت و تقريبا مش بنام غير كام ساعة كدا
بس برضه رمضـــــان .. أحسن شهر عندي في السنة كلها
هل رمضان بالنسبة لك شهر مميز ؟ ولماذا؟؟
رمضان بيبقي زي نقطة البداية و النهاية
النهاية لأي ذنوب أو أي حاجة الواحد كان بيرتكبها
يعني مجرد نظرة .. أغنية .. و كدا يعني الحاجات دي
و بداية لكل حاجة جميل
قراية القرآن .. الاحترام و الطاعة كل حاجة .. كل حاجة
كيف تقضي يومك في رمضان ؟؟
بأتسحــر و أصلي الفجر و أنام و أقوم علي الساعة 10 كدا
أفوق شوية و أنزل أروح علي الشغل و أرجع علي الساعة 4
أصلي العصر و أكمل شغل خارجي في البيت و أفطر
و أصلي المغرب و أكمل شغل خارجي و بعدين أصلي 4 ركعات العشاء و ركعتين تروايح و للأسف بأروح الشغل علي الساعة 8
بأرجع الساعة 1 الصبح .. أصلي كام ركعة تراويح و أقرا شوية قرآن
و لغاية السحور أكمل شغل خارجي و أتسحر و أعيد الموضوع تاني
هل تحرص على قراءة القرآن في رمضان فقط ام دائماً؟؟
و الله للأسف في رمضان بأقرا قرآن كتير بس في الايام التانية
مش كتير أوي بس علي قد ما أقدر
اين وصلت في القراءة ؟؟اي جزء
لا بلاش .. كفاية إني متأخر أوي في قراية القرآن
هل تختلف عادات تناول الطعام في بيتكم في رمضان عن باقي الاشهر
مش أوي يعني .. بس الفطار بيبقي فطــار بقي
و السحور بتبقي حاجات مش دسمة أوي يعني
هل تحرص على السحور
أنا من ساعة الفطار لغاية السحور مش باكل ولا بأشرب أي حاجة
فأكيد طبعا بأحرص أوي علي السحور
ماذا تتناولون عادة على السحور
مفيش حاجة ثابتة أوي بس ممكن الفول
بس أكتر حاجة لازم تبقي موجودة .. شيبسي
دي أهم حاجة في السحور لازم تبقي موجودة
هي عادة بقي من زمان
هل تساعد في البيت واعداد الطعام في رمضان وهل يؤثر هذا على عباداتك ؟
هو أساعد في البيت ممكن .. أرتب الشقة لو الدنيا ملخبطة شوية
بس طعام و كدا .. لأ مش بداخل المطبخ خالص في رمضان
و مفيش علاقة بين المطبخ و العبادة في حياتي يعني
هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً
و الله انا ديما بأقول بلاش لخبطة علي الفطار
لازم الواحد يركز في صنف واحد و ياكل فيه
بس عادة بيبقي فيه أكتر من صنف علي الفطار
أكتر نوع لازم يكون علي السفرة ليا انا بس .. طبق رز
دي حاجة مهمة بالنسبة ليا جدا
ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
هو بداية كويسة و مبشرة و عامة احنا مقاطعين معظم البضائع دي
هل برأيك نستطيع المقاطعة كليا لتلك المنتجات يوماً ما
لأ منقدرش خالص دلوقتي نقاطع بنسبة 100% .. لإن بدائل المنتجات الدنماركية
قصدي المحلية مش بنفس الكفاءة خاااااااااااااالص
و مفيش غير مستورد بقي .. و كدا ولا كإننا عملنا حاجة
احنا عايزين بدائل عربية أو محلية علشان نعرف نقاطع صح
ما هو مينفعش أقول يلا نقاطع كدا و البدائل للمنتجات دي
استغفر الله العظيم يعني رايحة في داهية
نصيحة لاخوانك اعضاء الكافيه
كل واحد يتعلم يسامح بجد و يحب أصدقائه و الناس كلهم
يصلي و يتقي الله في أفعاله و أقواله
و ربنا يهدينا و يحمينــا جميعا
سؤال بتحب توجهيه و لمن
سؤال ليكي يا طفطف
إمتي بقي حنشوف إجاباتك عن الاسئلة دي
و بالمرة عايزين نشوف إجابات علي مدكور
شاركنا بحكمة او حديث
هوا دعاء يحمينـــا من الشيطان الرجيم
" اللهم انك سلطت علينا عدوا بصيرا بعيوبنا يرانا هو وقبيله من حيث لا نراهم اللهم أيسه منا كما أيسته من رحمتك وقنطه منا كما قنطته من عفوك وباعد بيننا وبينه كما باعدت بينه وبين رحمتك إنك على كل شئ قدير "
شكرا كتير ا على قبولك الدعوة
وكل رمضان وانت بالف خير
واتمنى ينعاد عليك بالصحة والعافية
شكرا كتير جدا يا طيف و كل سنة و انتي و الكافيه و الأمة الاسلامية أجمعين
و رمضــان كريم
تشوغ باركل
عا ديكا يويل
بارك الله فيكم
لقاء جميل مع ابن طيب
فلو ف شكر لحد اقدمه ليكم سجده و طيف و سندى وندين و عمر الصغير و بعتقد ان اسم عمر جمعنا فعلا كعيله فالشكر كل الشكر ليكم ولثقتكم الغاليه و اتمنى ان اكون قدها
الابن احمد عمر
موخ عش وو حو
هو دو خبرش
ديل ريز خيل
جزاك الله خيراً
لا موافقه لا موافقه انت ابني اشاعات من طيف وساندرا جزاهم الله كل خير
أجابات كلها صادقة وصريحةولقاء ممتع مع انسان لطيف
اولا البقية فى حياتك ياأيهاب وانا عارفة الفراغ اللى بنحسة بعد وفاة اعزالناس فأنا عانيت من وفاة أمى هذة السنة ايضآ
وثانى حاجة مبروك على الترقية وانت تستاهل كل خير وبارك الله فيك وفى امثالك
اختك فى الله ...منى رشدى
التعديل الأخير تم بواسطة mona roshdi ; 16 - 9 - 2008 الساعة 04:41 PM
لقاء ممتع وجميل من انسانة متميزة بارك الله فيك مروة ورزقك رضاة وجنتة ووفقك لكل الخير
الذين يشاهدون الموضوع الآن: 2 (0 من الأعضاء و 2 زائر)