حاجه

[mohamerd_3laa2]

سالوني قولتلهم ..........

مانيش عايز خلاص حاجه ولا محتاج انا لحاجه ولو عايز صحيح حاجه مخليتوليش ولا حاجه عموما بصوا في حاجه هاقولها بس محتاجه عقول تفهم ولو حاجه مهياش مفهومه او حاجه وانا مابخفش من حاجه ولو فرضا هاقول حاجه هايعملوا ايه ولا حاجه هايحصل ايه ولا حاجه ولو بعد الشر لو واحد من القاعدين فهم حاجه هايعملوا اكيد برضه ولا حاجه فانتوكل علي الستار نقول حاجه في ناس تعيش عشان حاجه وناس تموت عشان حاجه وناس تموت علي الحاجه وناس تديلك الحاجه تاخد قصدها ميت حاجه وناس تكبر تكون حاجه وناس تصغر عشان حاجه وناس منظر ومش حاجه كلام يا خلق في حاجه لحد دلوقتي في حاجه كلام عادي وبسيط ومفيهوش ولا حاجه صحيح نفسي اقول حاجه ومست حاجه هايجوا ناس بتوع حاجه وياخدوني وراء الحاجه وهو لو سمع حاجه هايعملهالي ميت حاجه عموما لو واحد من القاعدين عايزني ابلغوا بحاجه يقول مايخفش من حاجه بتقول ايه لا عيب لا فيه تدريس ولا تخصيص ولاترخيص ولا حاجه وبتقول ايه خصخصوا ايه ومصمصوا ايه ده كلوا كلام ما فيش حاجه عليا النعمه يا اخونا ما فيش حاجه وحيات ابويا وابوك علي اللي جابوك ما فيش حاجه وعهد الله وعهد الله مخلولناش ولا حاجه نقول اه وخلاص فركش مافيش حاجه....................

[mohamerd_3laa2]

اللي يفهم القاصيده ياريت يقول..........

[سليمان]

القصيدة بتتكلم علي حال المصريين واليبيتعمل فيهم بس مش راضي توضح وعلي فكرة القصيدة دى للشاعرة / ايمان بكري

[yara]

حلو اوى التوبيك
بجد قصيده احلى حاجه
وليه عايز لو حد فهم يقول حاجه ماهو لو فيه حاجه كنا قلنا ان فيه حاجه التوبيك حلو و بالنسبالى مش محتاج حاجه ومفهوم من نفسه من غير حاجه والحاجات كتير اوى وده احلى حاجه واللى عاجبنى فى الموضوع ان جايز يكون مش مفهوم اوى ايه هى الحاجه وياترى هى حاجه واحده ولا حاجات كتير وديه احلى حاجه اصلى بحب الغموض فى الحاجات وان ماكانش فيه غموض ماكانش هيبقى فى جمال فى الحاجه فكلما ازداد الغموض فى الحاجه زادتها جمال
اكيد انا مقولتش حاجه

بصراحه القصيده عجبتنى اوى

[بوتريكه]

طيب ترجم بقى

ههههههههههههه

[طيف عابر]

رغم انها فيها اكتر من حاجة
الا انها حلوة ودى مش محتاجة
كلام ولا اي حاجة
تسلم الايادي يا رب