مميز
حملة الموسم ومعانا على طول يله يا شباب يله يا بنات !!!!!!!!!!!!!!!!!!!!!
هاهى الحملة بدات فى الشغل
الاسم : يلا نصلى الفجر
السيناريو :
نبدأ مع بعض مشروع صحينى الفجر....علشان نقاوم كسلنا ...ونهزم شيطاننا
وفيه يتم جمع أرقام موبايلات الناس اللى عاوزة تصحى ...وإحنا إن شاء الله هنرن عليهم..
تعالو نشوف الإطار العام للمشروع:
1-النيـــــــــــــــــــــ ـــــــــــــــــــــــة
ودى أهم شـــــــــــــــى فى الموضوع كله..
لوأخلصنا النية لله عز وجل............................تأكدوا والله بعون الله وتوفيقه ونجاح المشروع..
**أحد اليهود يقول"لن ينتصر علينا المسلمين إلا إذا وصل عدد المصلين فى صلاة الفجر ....إلى عددهم فى صلاة الجمعة"
تخيل كده أنا بنيتى دى......يبقى بشارك فى نصر الأمة....والتمكين للمسلمين..والنصر على اليهود والمشركين...
ولما ربنا يسألنى عملت إيه للإسلام؟؟؟!!
يبقى عملت حاجة...................................
اللهم ارزقنا الإخلاص..وتقبل منا ..ووفقنا إلى ماتحب وترضى..
2-حــدد موقـــفــــــــــــــــــ ــــــك
هل إنت :
-عايزنا نصحيك الفجر
-عايزنا نصحيك وتشارك كمان فى المشروع و تاخد أرقام وتصحى الناس..
- تشارك بس فى إنك تصحى الناس(فى حالة إن حضرتك منتظم فى صلاة الفجر والحمد لله)...
3- تجميـــــــــــــــــــــ ـع الأرقــــــــــــــــام
الناس تبعت لنا بقى الأرقام على الايميل
وإن شاء الله ..اللى يبعت لنا الأرقام
لازم يقولنا ولاد ولا بنات...................
علشان إن شاء الله البنات المتطوعات والمشتركات معانا فى المشروع هنوزع عليهن أرقام البنات
وكذلك الولاد هياخدوا أرقام البنين اللى عايزين يصحوا...
4- بالنســـــبـــــــة للـــــــــــــولاد
طبعا كل اللى هيجمع أرقام من أصحابه هيبعتهالنا على الايميل...علشان نقدر ننظم الموضوع..مش أكتر
بس بالله عليكم ماحدش يشتغل مع نفسه ........
أى حد من الولاد معاه أرقام يبعتها أول حاجة (علشان طبعا موضوع
الرسايل..والأفضل إنها تبقى رسالة موحدة علشان يبقى كلامنا واحد)
"يد الله مع الجماعة"
"ولا يأكل الذئب من الغنم إلا القاصية"
هنا كلنا هنعين بعض وكلنا إيدينا فى إيد بعض.... ......لكن الواحد مع نفسه عزيمته هتقل ويفتر .... ويقع
يقول النبى صلى الله عليه وسلم:"إن الشيطان مع الواحد وهو من الإثنين أبعد"
خلاص إتفقنا كده
5- بالنسبه للــــبـــــنــــــــــــ ـــــــــــــات
الطالبات فى الاتحاد
هتتولى جمع أرقام البنات وماعليها إلا إنها تقولنا العدد أول بأول بس
وهما بعد كده هتشوف البنات اللى عايزين يشاركوا وتوزع عليهم الأرقام
6- كل اللى هياخد أرقام ...
7- طبعا ممكن يقابلنا بعض الصعوبات شوية... مثلا:
-واحد فتح على 3 مرات فى 3 أيام ورابعض...............يبقى هعمل إيه؟؟
أولا: يستنى و مايرنش عليه تانى
ثانيا :
لو كان ولد يبعتلنا ع الايميل ويقولنا رقمه وأحنا هنبعتله رسالة نفكره إن ده مشروع يلا نصلى الفجر ...ممكن يكون ناسى ولا حاجة
ولو إتكرر الموضوع يبقى مانرنش على الرقم ده تانى
لازم نحط فى الإعتبار إننا بنجمع أرقام كمان من المدرجات ...وقد يتعمد شخص أن يفتح عليك. ..يكون مش عاوز يصحى أصلا
وعايز يبوظلك المشروع.. .(ده شىء وارد بس نادر)
معلش إن شاء الله مافيش لخبطة ولا حاجة ......
ولو كانت بنت كذلك هتبعت على الايميل وهيوصل للاخوات فى الاتحاد.......نفس الحكاية...
إن شاء الله أول كام يوم بس اللى كل واحد هيقدر يتأكد من مدى صدق الناس اللى هيصحيها
وبعد كده إن شاء الله الموضوع هيبقى مستقر
مننساش ياجماعة الصبر على الناس....(وتواصو بالحق ، وتواصو بالصبر)
ممكن بقى علشان نتجنب اللخبطة دى....
كل واحد يبعت رسايل (من ع النت مثلا ببلااااش) لكل الناس اللى هيصحيهم
ويقولهم على نمرته علشان يعرفوه ومايرنوش عليه
كل واحد براحته لو عايز يعمل كده .......يبقى أفضل
ولو حد عارف موقع أو برنامج بيبعت رسايل ببلاش من على ال دى إس إل
ياريت يلحقنا بيه..
كده بيتهيألى أحنا كده خلصنا بنود المشروع
لو حد عايز يناقش حاجة أو يضيف فكرة ................طبعا بكل سرور
ياريت الناس تشارك معانا...
وجزاكم الله خيرا
عايز أأكد على مراعاة الله فى كل هذه الامور واننا لم نفعل هذا الامر الا ابتغاء مرضات الله تعالى
واخير ا
هذا هو الايميل الخاص بنا
[email protected]
على بركة الله نبتدى ومستنى الردود والرسايل على الايميل وربنا يتقبل[/COLOR]
بارك الله فيك وليد
مشاركة مميزة ادعو ان يتقبلها الله منك
انا ان شاء الله معكم
والكل المفروض يشارك
هو في مشكلة فرق التوقيت لكن هادي محلوله ان شاء الله لانه نحنا بنصلي قبلكم بحوالي نص ساعه يعني انا متبرعه ان شاء الله لاي بنت حابه تصحى ف ممكن انا اتبرع
وعلى طول معاً من اجل قيام صلاة الفجر
تسلم يا رب
برنس الكافيه
معااااااااااااااااااااااا ااااااااااكم
عِنْدَمَا لاٌَُِ تَدْري نَفْسٍ كَيْفَ تَرْتَوي مِنْنَفْسٍ سَكَنَتْ رُوحَهَــــا فَإِنَها تَشْتَاقْوَ لكِنْ بِصَمْتٍ مُؤْلِمْالبحث على جميع مواضيع العضو MoOoRa
بسمة الكافيه
مميز
يله همتكم ياشباب وهمتكم يا بنات نتسابق فى الطاعة وفى ذلك فليتنافس المتنافسون
لؤلؤة مصراوي كافيه
ان شاء الله معاكم
بس هو الايميل ده للبنات والرجال
يعنى كلنا هنبعت عليه
مميز
ايوه يا ياره الايميل ده كل يبعت ارقامه عليه ان شاء الله وبعدين حندى ارقام الاولاد للاخ الى حيرن والبنات ارقامهم للاخت الى حنكلفها بالمهمة يله همتكم نجمع اكبر عدد علشان ناخد اكتر حسنات
مميز
قريبا ستبدا فى تنفيذ الفكرة ان شاء الله فعل اخواتنا البنات ارسال ارقامهن على الاخت طيف والاخوة يريلوها فى رسالة خاصة لى وسنبدا فورا خلال 5 ايام ان شاء الله
مصراوي
جزاكم الله خيرا على الموضوع ده وبجد لازم كلنا نشارك فيه لان ثوابه عظيم ولازم نبدأ بأنفسنا وإن شاء الله نقدر نعمل حاجه لينا ولبقيه الى عندهم نية فعلا
مصراوي جديد
لازم نعمل حاجة
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
