لو اتحرقت اللمبة .. هيعملوا ايه ؟؟

[mido3d]

لو لمبة اتحرقت هيحصل ايه ؟؟؟

طبعاً الإجابة البديهية والمعروفة انها تتغير
لكن بالتجربة .. ثبت ان الاجابة دى بتختلف من مكان لمكان
ومن ثقافة لأخرى .. تبعاً لاختلاف الناس
وبكده .. هنعرض عليكم نتائج التجربة كما وردت الينا ..!!

فى العراق
لما ناس بيتتحرق فى بيتهم لمبة بينزلوا يخطفوا اول اجنبى يقابلوه ويطلبوا من بلده تبعت لمبة جديدة مع واحد يغيرها علشان يفرجوا عن المخطوف

فى إنجلترا
لو واحد اتحرقت فى بيته لمبة بيتصل بمندوب حلف الأطلنطى علشان ياخد اذن بتركيب لمبة جديدة

فى السودان
واحد هايمسك اللمبة وخمسة يلفوا السقف

فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم ، لحد ما يلاقى السلم الى فيه ناس قاعدة تحتيه بتصنع لمبات،
ياخد منهم لمبة علشان يغيرها، ويديلهم بدالها ساعة من
اللى هو بيعملها تحت السلم فى بيته

فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف ان اللمبة اتغيرت لوحدها

فى الخليج
لما واحد بتتحرق فى بيته لمبة بيطلب من الشغالة الفلبينية انها تبعت السواق الباكستانى يجيب صنايعى هندى يغير له كل اللمبات الى فى البيت

فى لبنان
علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب ومعسل وسجاير للتلاتة علشان كله يعدل مزاجه قبل الشغل فى اللمبة

فى ليبيـا
لو اللمبة اتحرقت بيراجعوا الكتاب الأخضر ويشوفوا فبه تعليمات
تغيير لمبة فى الجماهيرية

فى الصومال
لما لمبة بتتحرق ماحدش بينتبه للموضوع ده علشان ماعندهمش
كهربا أصلا !!

فى المغرب
لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى أيده

فى ايران
لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية

فى سوريا
لما بتتحرق لمبة بيعملولها استفتاء وتطلع النتيجة ان اللمبة شغالة بنسبة 99.999% ويعملوا احتفال قومى للوصول للنسبة دى،
ولو مافي ميزانيه للإستفتاء يطلع خبر فى الجرايد تانى يوم ان اللمبة انتحرت علشان حست إنها مقصرة فى أداء واجبها القومى

فى مصر
أى عيل صغير ممكن يغير لمبة لكن مين معاه فلوس يدفع تمن اللمبة

فى اسرائيل
لما لمبة بتتحرق بيقولو ان الإرهابيين الفلسطينين هما اللى
حرقوها ويطلبو من امريكا انها تبعت لهم بدالها ألف لمبة جديدة وكمان
شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة

فى فرنسا
لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كدة وتبقى موضة ..!!


فى امريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسو صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفو الجيش انه يغير اللمبات المحروقة اللى عندهم كلها بسرعة قبل ما واحد تانى تتحرقله لمبة وييجى يخلعهم

فى الولايات المتحدة الأمريكية
لما واحد بتتحرق فى بيته لمبة بيتهموا حزب القاعدة بإنه السبب الرئيسى فى حرق هذه اللمبة وعلى هذا الأساس سيتم ارسال قوة حربية مؤلفة من 2000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابى الذى فعلة هذه الفعلة الشنيعة وسيتم نشر قواعد عسكرية فى جميع بلدان الشرق الأوسط للبحث والتحرى وسيتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة وسيتم احتلال أى دولة إذا تم التأكد من وجود لمبة محروقة باعتبار أن حكوماتها غير قادرة على إيجاد من يغير هذه اللمبة .!!!

الموضوع منقول
وعجبنى الكوميديا الوصفية اللى فيه
واللى فيها فعلاً اجزاء كتير واقعية
ان لم تكن كلها !!

وكل واحد ياخد باله من لمبته !!

[القلب الطيب]

ههههههههههه جميل جدا

[mido3d]

شكرا علي المرور