حكاية الربع جنيه

[لؤلؤة]

مرة واحد كان معاه ربع جنيه....






ففكر يعمل بيه إيه....

يشرب عصير قصب و لا يركب الأتوبيس فقال :

أنا لو ركبت الأتوبيس هيبقي في حل من إثنين:

يإما هقف أو هقعد...

لو وقفت مش هيبقي في أي مشكلة...

لكن لو قعدت هيبقي في حل من إثنين:

يإما هيقعد جنبي راجل أو تقعد جمبي ست ....

أنا لوقعدت بجانب راجل مفيش مشكلة....

لكن لو قعدت بجانب ست هيبقي في حل من إثنين:

يإما هنعجب ببعض يإما مش هنعجب ببعض....

لو معجبناش ببعض مفيش مشكلة ....

لكن لو أعجبنا ببعض هيبقي في حل من إثنين:

يإما هنتجوز يإما مش هنتجوز ....

لو متجوزناش مفيش مشكلة....

لكن لو إتجوزنا هيبقي في حل من إثنين:

يإما هنخلف يإما مش هنخلف ....

لو مخلفناش مفيش مشكلة....

لكن لو خلفنا هيبقي في حل من إثنين :

يإما هنخلف ولد أو بنت....

لو خلفنا بنت مفيش مشكلة ....

لكن لو خلفنا ولد هيبقي في حل من إثنين:

يإما هيستقيم أو هينحرف ....

لو إستقام مفيش مشكلة ....

لكن لو إنحرف هيبقي في حل من إثنين:

يإما يدمن أو مش هيدمن ....

لو مأدمنش مفيش مشكلة....

لكن لو أدمن هيبقي في حل من إثنين:

يإما هيبقي معاه فلوس أو معهوش....

لو كان معاه فلوس مفيش مشكلة....

لكن لو كان عايز فلوس هيبقي في حل من إثنين:

يإما هيسرقني أو هيقتلني....

لو سرقني مفيش مشكلة لكن لو قتلني ....

.. يقتلني ؟؟!!!!!!!!!

لا ياعم أنا أشرب عصير قصب أحسن

[m_hilal]

كل ده على ربع جنيه امال لو كان لقى جنيه مثلا كان عمل ايه كان انتحر

[MaRiYoMa]

ههههههههههههههههه اومال لو 5 جنيه كان عمل ايه

[لؤلؤة]

كان عمل بردو نفس الحكاية


مِرسي ليك محمود .. ومِرسي ليكي يا مريومة

[jewel_lowis]

انتى سكر يالؤلؤه
كتير حلوه

[لؤلؤة]

انتي اللي حلوة يا قمـــــــر

المهم انها عجبتك