ما هو الفرق بين الحب والاعجاب ؟

[3shmawy]

ممكن كل واحد يقولى ازاى فى وجهة نظرة يفرق بين الحالتين
اتمنى المشاركة من الجميع

[طيف عابر]

افكار كتير حلوة للنقاش
شكراً كتير عشماوي

طيب هون المشكلة اللي بيقع فيها كتير ناس

ممكن واحد معجب اعجاب فقط بوحدة وهي تفتكره حب وتبداً تهيؤات واحلام وتتعلق فيه وتنتظر وقت يصارحها بحبه وهو ولا على باله ومجرد معجب بافكارها
او بادبها او بعملها فقط ولكن مش حب

والعكس برضه للشاب ممكن وحدة معجبة بافكاره وكلامه وشغله وذكاؤه ودراسته وهو يفكر انها بتحبه ويبتدي يجهز نفسه لمصارحتها ووووووو

طبعا فرق كبير بين الاعجاب والحب

الاعجاب عادي بتكتفي تشوف الانسان التاني باي وقت حسب الصدف

ممكن تتشوق تكلمه لكن لو ما حصل يبقى عادي

انما الحب لا
الحب بتتعلق فيه بتنتظر ظهوره او قدومه بشوق بتشوفه بكل لحظة بخيالك
بتبتسم او بتحزن لما تفتكره حسب الموقف

بشكرك جدا عشماوي
اليوم ابدعت عنجد
تسلم الايادي

[MagMan]

رد بقي يا عشماوي

[3shmawy]

ميرسي كتير الك يا طيف على المرور ولانك دايما كدة منورة موضاعاتى بنور كلامك الجميل وميرسي على المجامله اللطيفة منك دى
وانا متاكد ان مواضيعك اجمل كتير من مواضيعى وربنا يخليكي لرفعك من معناوياتى

بالنسبة للموضوع دة رغم انك قولتى كل شي فية فى كلاماتك البسيطة المعبرة دى بس انا حبيت اتكلم فيه بجد لان كل واحد بيشعر لمجرد الشعور انة معجب فى حد بيقولة انة بيحبة
وفى وجة نظرى بيكون لاسباب كتيرة منها الاحتياج للحب والحنان او بمعنى تانى البحث عن الحب
والتسرع فى اختيار الحبيب وغيرها من الاسباب
فحبيت اوجة الاضواء للموضوع دة حتى لا يقع فية احد .

واسف للاطاله

طيب هون المشكلة اللي بيقع فيها كتير ناس

ممكن واحد معجب اعجاب فقط بوحدة وهي تفتكره حب وتبداً تهيؤات واحلام وتتعلق فيه وتنتظر وقت يصارحها بحبه وهو ولا على باله ومجرد معجب بافكارها
او بادبها او بعملها فقط ولكن مش حب

[LOLO]

الاعجاب مش الحب لكن الحب اعجاب
بمعنى انك ممكن تكون معجب بشخص معين بطريقه ضحكته او كلامه شكله مثلا لكن مش بتحبه او مفيش حاجة بيتك وبينه
لكن الحب طبعا ممعروف انك تحب لشخصه ولذاته وبردو تكون معجب بكل ما فيه
ياريت يكون قدرت اوصلكو قصدى ايه

[jewel_lowis]

الحب..احساس مش ممكن يتوصف ابدا ومش ممكن تمل ولا تكره الى بتحبه مهما عمل بتنسى الدنيا وتنسى كل حاجه الا حبك ليه بتفتكر حنيته وعمر مايجى فى بالك اى حاجه وحشه عاملها
اما الاعجاب فممكن يكون لاستاذ ليك او تصرف حلو لاى لشخص
و الى انت معجب بيه ده مهما كان تقدر تسرح بعيد عنه وتعيش من غيره

[حبيبة]

الحب قوة مع كل الناس وضعف مع حبيبك بسسسسسسسسسسسسس.
الحب احساس بجد والله بيخليك عاجز عن وصفه حتى لنفسك.
الحب حالة دربكة ولخبطة( اضطراب يعنى) بتكون فيها قدام حبيبك لكن في نفس الوقت هو حالة صمود وقناعة مع اي حد تانى بتكلمه عن حبيبك.
الحب استسلاااااااااااااااااااا اااام للحبيب.
الحب انك تكون حبيبك تتكلم بطريقته تحب اللي يحبه تكره اللي يكرهه.
الحب ان حبيبك يوحشك اوووووووووووووووووووووووو وووى حتى صوته ضحكته همسته نظرته سلامه .......................... كل حاجة فيه بتوحشك.
آآآه والله بيوحشك أوووووووووووووووووووووووو ووووووووى.
وبتعمل اي حاجة عشان تشوفه او تسمع صوته.
الحب انك دايما شايف حبيبك احسن وافضل من اي حد بتبقي شايف حبيبك ان هو بس اللي ليك وانت بس اللي ليه.
الحب بيخليك تحس ان نفسك متقدرش تستغنى عن حبيبك لكن الواقع اللي بنعيشه وقصص الحب الفاشلة اللي بنسمع عنها بتخليك تخاف انك تحس بالاحساس ده احسن تحس بيه وان انت متقدرش تسغنى عنك وبعدين ..................... مش عايزة اكمل.
الحب انك نفسك يكون حبيبك هو جوزك وابو اولادك هو اللي يربيهم هو اللي يعلمهم تفتخري بيه قدام كل ناس ده بالنسبة للبنات والشباب العكس طبعا بالنسبة لحبيبتهم.
الحب انك تكون نفسك كل الناس تعرف حبك لحبيبك وتعرف قد ايه انت سعيد مع حبيبك بس مع ذلك بتخبي عنهم كل حاجة حلوة بينكوا عشان محدش يحسدك علي حبيبك .
الحب عذاب لذيذ.
الحب تفكير وسهر وأحلام حلوة وبرده احلام مزعجة بتحلم بيها لما بتخاف علي حبيبك انه يضيع منك.
الحب دايما شعور بالخوف ان حبيبك في يوم تفتقده او انه يبطل يحبك او انه ميكنش ليك(لا قدر الله).
الحب انتظار بالساعات عشان تكلم حبيبك دقايق ومع ذلك بتنظر ساعات تانى بتفكر في الدقايق اللي كلمته فيها.
الحب دموع في وقت فرحان فيه بحبيبك ودموع في وقت سعيد فيه مع وبحبيبك ودموع في وقت خايف علي حبيبك وحبك لحبيبك ودموع ممكن تنزل لوحدها من غير سبب بعد بس ما تسمع صوته حتى ولو مثلا مجرد بيقولك هو عمل ايه النهاردة.... ممكن تكون الدموع دى نزلت لانها خايفة متسمعش صوته تانى او نفسها متنزلش الا له هو بس ... بجد مش عارفة ليه بتنزل.
الحب بيخليك دايما تدعي ربنا انه يجمعك مع حبيبك في عش زوجية بس اهم حاجة انه يارب يكون الخير ليا وان تديم عليا سعادتى معاه.
الحب لازم يكون مع حبيب يستاهل الحب ده لان الحب شىء غالي فلازم تمنحه لحبيب اغلي يعلمك غلاوة الحب علي أصولها.
وعلي فكرة يا جماعة حب من غير رومانسية حب ناقص فعشان كده لازم كلنا نتعلم الرومانسية قصدى لازم نوجدها ونزرعها جوانا لان كتير منا بيضيع حبه بسبب افتقاده للرومانسية .
من الاخر الحب هو الحب بكل معانيه
...............
وآسفة للاطالة بس والله هو ده اللي حاساه ويمكن اقل كمان من اللي انا حاساه
مش هطلب منكو غير انكوا تدعولي وطبعا انتوا عارفين هتدعولي بايه

[MagMan]

يا يا حبيبه كل ده انت شيلاه جو قلبك انتي بطله والله ..
ربنا يكرمك ..

[حبيبة]

دي تريقة ولا بجد
عالعموم لو بجد ميرسي
ولو تريقة بكرة لما تحب ده لو مكنتش حبيت هتحس بكل كلمة مش كل جملة لالالالالا كل كلمة انا قلتها هتحس بيها واكيد هتحس باكتر من كده كمان
عالعموم ده ميجيش حاجة للي شيلاه في قلبي أصلا

[LOLO]

بجد يا حبيبه كلامك حلو اوى وانا فعلا حسيت بكل حرف فيها وربنا يوفقك يارب