قضية رأي عام!!!ياريت الكل يقول اللي عنده

[Serag Magdy]

دي حاجة شوفنها
او لسة ها نشوفها
بس بجد حاجة بتضايق جداً
في تسعينيات القرن الماضي تفتق ذهن المسئولين عن العمل في مصر بمشروع جديد كان الهدف المعلن منه هو تشغيل الخريجين والقضاء على البطالة.. والفكرة العامة كانت هي تشغيل الخريجين في كل شئ وأ شئ وكان مشكلة البطالة هي في عدم توفر فرص العمل وفقط..

المهم ان المشروع كان يتلخص في منح كل خريج سيارة صغيرة بثلاث عجلات (طبعا بالتقسيط + الفوائد المضاعفة)، وعلى الخريج ان يستغل هذه السيارة في اي مشروع يدر ربح.. يبيع عيش، يسرح بأنابيب بوتجاز، يبيع ساندوتشات كبده .. المهم يسدد الأقساط!

طبعا المشروع أثبت فشله الذريع .. لكن المسئولين لم يدركوا المشكلة.

فأعادوا الكرة مرة آخرى بمشروع يدور في نفس فلك الحل الأحادي بما اسموه مشروعات بنك ناصر الإجتماعي أو بنك التنمية المعرفش ايه...

واخيرا مشروع القطر اللي بيدوس على الناس

مع احترامي الشديد للفكرة، وللإعلان اللطيف لكن هل المشكلة هي ان مفيش وظايف .. بس؟!
مشكلة البطالة لها شقين لا ينفصل احدهما عن الاخر:
1- عدم توافر وظائف تستوعب الخريجين
2- عدم حاجة سوق العمل للخريجين

يعني الموضوع بيكمل بعضه، مفيش وظايف عشان السوق مش محتاج خريجين كليات نظرية بالآلاف كل سنة، نقوم نعمل ايه .. نقول لخريجين التجارة والاداب والحقوق .. الخ .. تعالوا اشتغل عمال في مصانع!

طبعا الشغل مش عيب، واي مهنة مادامت شريفة يبقى مفيش كسوف منها، والحكومة بتقول ان المصانع محتاجة 400 الف عامل ومش لاقيين وان بعد حملة الاعلانات دي اتقدم 30 الف واحد بس!!

يعني العواطلية ولاد اللذينة مش راضين يقوموا من ع القهاوي ويشتغلوا وياخدوا خمسمييييييييت جنيه في الشهر!
بس خمسميت حنيه ها تعمل ايه في الزمن المهبب اللي فيه ده؟

طب مادام الحكاية كده والبلد عايزة عمال منصلح التعليم بقى ونراعي التعليم اللي بيخرج عمال في الاصل اللي هو التعليم الفني والصناعي ونقلل الاهتمام شوية بالكليات النظرية اللي مبتجبش همها، والا نخلي البني آدم يدرس يجي 17 سنة ويطلع عينه ويدفع اهله فلوس اد وزنه تلاتين اربعين مرة وف الاخر يشتغل عامل!
دي الثانوي العام دلوقتي بقت بتاخد اقل من اقسام في الدبلوم!!!!!!!!!
ياريت اللي عنده كلمة يقوله علشان يريحني
علشان بصراحة انا شايف الدنيا قدامي سووووووووودة
ومش شايف فيها اي حاجة عدلة
واللي عنده راي يقوله يمكن يطمني علي بكرة
وتقول بصراحة برده.....انت ممكن تشتغل عامل في مصنع؟
بس بصراحة
منقول
موضوع عجبني جدا جدا فحبيته اجيبه يمكن حد يدلني علي حاجة

SERAG MAGDY

[عبقرينو]

حسبى الله ونعم الوكيل


ولا تعليق



بالانجليزى



NO COMMENT

[Mr.Karsa]

المهم ان المشروع كان يتلخص في منح كل خريج سيارة صغيرة بثلاث عجلات (طبعا بالتقسيط + الفوائد المضاعفة)، وعلى الخريج ان يستغل هذه السيارة في اي مشروع يدر ربح.. يبيع عيش، يسرح بأنابيب بوتجاز، يبيع ساندوتشات كبده .. المهم يسدد الأقساط!

توك توك يعني

طب والله يعمل احلي شغل

بالنسبه لمشاريع الحكومه يا سراج

انا شايف انه مشروع ناجح جدا جدا جدا

بس لو التوك التوك بيشتغل بالطاقه الشمسيه

ال مشاريع ال

خليني ساكت احسن

.. كارثــــــــــــــــه ..

[AhMeD El-Za3eEm]

بالصراحة معنديش أي كلام أقوله غير
حسبي الله و نعم الوكيل

[Serag Magdy]

يا جماعة
يا جماعة
كل يوم عاملين اذاعة
انا عايز اللي عنده رأي يقوله
وبرده تسلموا المرور
وحسبي الله ونعم الوكيل دي

[مسلمـ]

حسبى الله ونعم الوكيل

ولا تعليق

بالانجليزى

NO COMMENT

جينيوس يا جينيوس


أصلي يا أبني



بالنسبه للسؤال ...!

انا طبعا مش هوافق

[magdy shoaieb]

انت زعلان ليه ممكن تروح القريه الذكيه بتاعت الحكومه وتسألهم ولاتنسى ان تقول لنا الرد

[احمد الصباغ]

الموضوع كله سياسه غلط من البدايه للنهايه
اولا سياسه التعليم فى مصر غلط لانه
اولا لايوجد اهتمام بالتعليم الابتدائى وهو اساس البنيان
وكذلك المرحله الثانويه اذهب الى اى مدرسه ثانويه وشوف نسبه حضور الطلبه ولولا الخوف من الفصل فلن تجد اى طالب فى المدارس ثم شوف شرح المدرس فى الفصل وشرحه فى حصة الدرس الخصوصى ((كمان بعد الكادر))
كذلك اعداد المدرس نفسه فيه قصور شديد ومستوى المدرس تعبان تعبان
ثم هل يعقل ان يكون هناك طالب فى الدبلوم وايضا فى الثانويه العامه((اللى بيدخلوها بمجموع 55% )) لا يحفظ جدول الضرب ولا يستطيع ان يقرأ او يكتب عربى ((بقول عربى فما بالك بالانجليزى))
الامتحانات واسلوبها وما يحدث فيها من مهازل وعمليات غير اخلاقيه بالمره وكلنا يعرف مايحدث
بصراحه كل موضوع من المواضيع السابقه يحتاج لكتاب لشرح سلبياته ومساوءه وهناك الكثير من المواضبع الخاصه بالتعليم لا يتسع المجال للخوض فيها
هذا بالنسبه للتعليم فقط
والى اللقاء فى مجال اخر

[n2n6]

nooooooooooooooooooooooooooooooo comment

[ELKHWAGA]

مهما نتكلم ومهما نقول هو كدا النظام لايوجد تغير الى الابد وشكرااا جدا على الموضوع الهايل ده.........