أنوثة جامدة ... شوفوا كده

[طالبة الفردوس]

---

السلام عليكم ورحمه الله وبركاته



مش انوثه منكى


- مش أنوثه منكى تلبسى ضيق ولما تتسألى ليه تقولى بكل بساطة شكلى بيبقى زباله فى الواسع !!!!!!!!! ودا كله وانتى ناسيه ربك والحلال والحرام!!

- مش أنوثه منكى تفضلى قدام المرايا بالساعات متنحه لنفسك قال يعنى الى خلقك ماخلقش غيرك. وتحطى 2 كيلو ميكب ع وشك وال ايه عشان تكونى اجمل !!!!!!

- مش أنوثه منكى تتنططى وتتشطرى بالكلام على واحده مبتعرفش تكلم رغم انك عارفه ان في اللي بتتكلم احسن منك 10 مرات وانسيه ان ربنا خلقنا كلنا زى بعض!!

- مش انوثه منكى انك تتريقى على اللي رايح واللي جاي لمجرد التريقة وكل واحد فينا فيه العبر وانك تبصى لعيوب غيرك وتطنشى عيوبك

- مش انوثه منكى ان قدوتك في الحياة تكون مذيعه بحمالات أو مطربه ببودى أو حتى ممثله والناس دي في غنى عنك وعن حبك وتشجيعك ويمكن تموتى ويموتوا ومتشوفيهمش وتنسى افضل قدوه ليكى فى الدنيا حبيبك وحببنا كلنا سيدنا محمد صلى الله عليه وسلم وزوجاته وامهات المؤمنين تحت شعار مودرن واستايل !!!

- مش أنوثه منكى انك تفضلى تلوكى فى التليفون بالساعات مع صاحبتك أو صاحبك وقافله على نفسك اوضتك وسايبه والدتك قاعده لوحدها لا ولما تناديكى تزعلى وتعملى مصيبه!!!

وترجعى تقولى دانا وحدانيه ومحدش فاهمنـــــــــــــــى!!!!!

- مش أنوثه منكى انك تدلقى ازازة البيرفيوم على هدومك لمجرد بس انك تلفتى الانظار ونسيتى حديث الرسول الكريم (ماستعطرت امراة ومرت على قوم فاشتموا ريحها الا وهى زانيه) بس المفروض وقتها بتعملى ناسيه !!!!!!!
....

- مش انوثه منكى انك تكلمى ده و توعدى ده بأحلام ورديه ... و في الأخر ترضى باول واحد يتقدملك لمجرد انه جاهز .... وناسيه انك غاليه بس اهو اديكى بتتسلى !!!!!!!!


- مش أنوثه منكى انك تفضلى تتكلمى فى التليفون مع واحد وتفهميه انه كل حياتك ودنيتك واحلامك ويكون عالويتنج واحد تانى..... !!!!!!!

ولما تردى عالتانى تقولى سورى كانت صاحبتى وتقوليله نفس الكلام الى قولتيه للاولانى وسايبه قلبك مساكن شعبيه لاى حد وتصاحبى شباب مصر ومحافظاتها وضواحيها ونسيتى قول الله ( ولا متخذات اخدان) !!!!!!

- مش انوثه منكى انك لو رايحه درس او كورس او أى مشوار تفضلى تتزوقي مع ان لو قومتى تصلى بيكون غصب عنك

وبتلبسى مهرول ومستعجله ولا تكونى مركزة ف واجبك تجاه ربك!!!!

عاااااارفه بقا ايه هى الانوثه بجــــــــــد..........

♥ الأنوثه مش بالشكل ولا بالجمال ..الانوثه روح حلوة وقلب صافى وقبول♥ الانوثه انك تعرفي انك غاليه وتعرفى قيمه نفسك وتقدريها وتحتريميها عشان الناس تحترمك.. الانوثه فعل ومبدا لمن تجردت منها .........................!!!!!!

[Serag Magdy]

الانوثه روح حلوة وقلب صافى وقبول♥ الانوثه انك تعرفي انك غاليه وتعرفى قيمه نفسك وتقدريها وتحتريميها عشان الناس تحترمك.. الانوثه فعل ومبدا لمن تجردت منها

والله كلامك صح
بس ها نقول لمين ولا لمين.........
البنت اليومين دول والله بتحط ميك اّب بمجرد انها تعدي الـــــ12سنة
الانثي - اي انثي - مش مجرد مظهر وبس ...
اينعم المظهر مطلوب
بس لازم برده ان تراعي ربنا في نفسها
تراعي ربنا في اهلها
ولا تنسي ان احنا في بلد شرقي مسلم في الاول والاخر
تسلمي ع الموضوع

[بك أستجير فمن يجير سواك]

جزاك الله خيرا
اسال الله ان يهدينا جميعا للخير
بارك الله ف عمرك اختى
واسعد الله قلبك

[hod hod]

جزاكى الله خير الجزاء
وبارك اللله فيكى على الموضوع الهام
والرااااااااائع

[طالبة الفردوس]

جزاكم الله خيرا على مروركم العطر
والبعض الأن من البنات ولله المشتكى متخيلة إنها كل ما تلبس ضيق وتتعرى تكون أكتر أنوثة وجاذبية

ونقول لها لو أن التعري أنوثة لكانت الحيوانات أكثر الخلق أنوثة

واستغرب يحفظنا الله ويأمرنا بالستر ويفضلنا على بقية خلقه ونحن نتراجع للقرون الحجرية

[ayosha love]

ونقول لها لو أن التعري أنوثة لكانت الحيوانات أكثر الخلق أنوثة

والله عنــــدك حق ويارب اهـــدى كل ابنات
واجعـــل اخرتهم حســـنة
بــــارك الله فيكى

[محمد أبراهيم]

من
عطر المفرده
لاناقه الكلمه
تسربلت
المعاني وهي تحث
العين
للاستسقاء منها
لوحه رائعه
دمت بعطاء

[حرف مشتعل]

جزاكى الله خيرا

[سهرة]

♥ الأنوثه مش بالشكل ولا بالجمال ..الانوثه روح حلوة وقلب صافى وقبول♥ الانوثه انك تعرفي انك غاليه وتعرفى قيمه نفسك وتقدريها وتحتريميها عشان الناس تحترمك.. الانوثه فعل ومبدا لمن تجردت منها




طرحك اختى رائع وقيم نفع الله بيكى
وجعله غى ميزان حسناتك