كوارع وفتته كوارع وممبار (اكله مصريه شعبيه بالصور)

**jewel_lowis** · 21 - 9 - 2008, 05:40 PM

الكواااارع وفته الكوارع

ده شكل الكوارع مقطعه ولسه مغسولةوبصراحه انا بجبها نظيفه جاهزة
بغسلها بدقيق وملح للاحتياط
بضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه

الطريقه
نضع الحله على نار بداخلها ماء لد الغليان وبعدين نضيف الكوارع اوالمقادم مع كل التوابل السابقه

تترك على النااااااار حوالى من ساعتين الى ثلاثه ساعات حسب الحجم
تعالو نجهز الفته
انا بحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن

اما الصلصه هقولكم على الطريقه بالضبط
نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه
حتى يحمر الثوم وبعدين نضيف 2 ملعقه خل وبعده كده نضيف الطماطم المعصورهحوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع

نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز

الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى

وده شكلها النهااائى يا رب تعجبكم

دلوقتى هنعمل الممبار او الفوراغ او الامعااااء
بعد الغسيل والكحت والنقع فى الملح والخل

الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى اللمبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

(((كيلو نصف ممبار معها حوالى 3 كيلو ارز))

نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف

طبعا ده جزء من الممبار

نضعه فى الماء المغلى مع اضافه الملح

نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير

نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى
ا

وده من الدااااخل احمر وفى نفس الوقت طرى من الطماطم المقطعه والبصل

يارب يكون عجبكم واوعى حد يقول يع
جربوه ودقوه وهاتدعولى

**همسة ولاء** · 22 - 9 - 2008, 02:50 PM

تسلم الايادي اكيد على الوصفات الشعبية الجميلة

**jewel_lowis** · 22 - 9 - 2008, 04:40 PM

تسلميلى ياهمسه يارب

شكرا لمرورك

**start2007a** · 26 - 10 - 2008, 07:14 PM

فتحت نفسى تسلم ايديكى

**jewel_lowis** · 28 - 10 - 2008, 05:42 PM

تسلمى ياقمر على المرور والمشاركه

**m.chezoo** · 31 - 10 - 2008, 01:29 AM

برضه مش بحبها

**MR.Mahmoud** · 31 - 10 - 2008, 02:11 AM

الله عليكى يا انجى وعلى مجهودك الرائع تسلم ايدك على موضوعك الجميل

**عاشقة الرومانسية** · 31 - 10 - 2008, 02:16 AM

انجى تسلم ايدك على الصور
بس بصراحة الكوارع واكل المسمط ده
مش بيحبنى خاااااااالص
ميرسى ليكى

**jewel_lowis** · 31 - 10 - 2008, 05:42 AM

المشاركة الأصلية كتبت بواسطة m.chezoo

برضه مش بحبها

لاء دوقها عند حد بيعملها حلو وانت هتلاقى نفسك بتحبها جدا
تسلم على المشاركه

**jewel_lowis** · 31 - 10 - 2008, 05:43 AM

المشاركة الأصلية كتبت بواسطة Mahmoud_90

الله عليكى يا انجى وعلى مجهودك الرائع تسلم ايدك على موضوعك الجميل

تسلم يامحمود على المشاركه

الموضوع: كوارع وفتته كوارع وممبار (اكله مصريه شعبيه بالصور)

أدوات الموضوع