للمخنوقين فقط !!!!!

[Mr.Mo0ody]

السلام عليكم جميعا
هنا كل واحد مخنوق فقط هو اللي هيشارك معانا
هيكلمنا ويحكيلنا مخنوق من أيه وليه ؟؟؟
يمكن نساعده ونفك خنقته؟؟
أنا هبتدي بنفسي
أنا ممكن أكون من أكتر الناس المخنوقين في الدنيا مش عارف أنا عايز ايه من الدنيا...
المشاكل من كل حته...في الشغل والبيت ..حته مع اللى بحبها
ممكن تكون هيا سبب أكبر المشاكل اللى بتجيلي
علشان بحبها قوي فبخاف عليها قوي
فمش عارف أنا أعمل أيه؟؟؟؟
"أنا أتكلمت معاكم بصراحه ياريت كل واحد يحكيي معانا بصراحه علشان أحنا هنا كلنا أصحاب وأخوات"

[لؤلؤة]

هيه فكــرة كويسة.. وتبقي كويسة أكتـر لو حاولنا نحـل مشاكل بعض


يعني انت مثلا بتقول انت مش عارف انت عاوز ايه من الدنيـا

يبقى لازم تقعد مع نفسك وتمسك ورقة وقلم وتكتب الأمنية وازاي تحققها عشان على الأقل تبقى عارف انت عاوز ايه


يعني مثلا تكتب الأمنية: أتجـــوز الانسانة اللي بحبها

وبعدين تكتب ازاي تحققها: انك مثلا تكوِّن نفسك أو تحاول تحل اي خلافات تحصل بينكم ومتعلقش على أي حاجة عشان ميبقاش فيه مشاكل

وهكذا..................وتكتب كل أمنياتك في الحياة دي

هتلاقي نفسك عارف انت عايز ايه فتستعين بالله كدا وتبدأ من رقم واحد في اللي انت كاتبه لغاية ماان شاء الله تحقق كل أحلامك


وربنــا يوفقــك

[ELKHWAGA]

بص يا مان اولا توبيك رائع ومجهود عظيم ثانيا المشكله الى عندك تقريبا شبه الى عندى بس انا فكرت وظبط حالى وزى ما لؤلؤ قالت لازم تعرف انت عايز ايه وربنا حيكرمك وحتبقى ميه ميه والله انا بقى يا سيدى كل ويوم خناق فى الشغل لحد ما كرهت الشغل كمان وفى البيت شويه مشاكل صغيرين كدا ومن الى بحبها لسه اول امبارح متصلحين ومن صحابى منفضلهم كلهم عشان بيبعونى والخ الخ كدا والحياه ماشيه اهم حاجه الصبر والتفكير جزاك الله كل خير .....

[mona roshdi]

على فكرة كلام لؤلؤة والخواجا كلام مية مية وصح
الانسان فى الدنيا لازم يحط هدف أمامة يمشى عليةمش لازم يسبها كدة بظروفها وصدقنى كل واحد فينا مخنوق من حاجات كتير ، وخلى بالك مش تاخد كل حاجة بعنف ومفيش حاجة أسمها انك تحقق اللى انت عاوزة مرة واحدة دة الواحد لازم يحط اهداف قدامة ، وواحدة واحدة كل هدف بتوصلة بس كمان لازم يكون عندك صبر وهدوء نفسى ، واللة معك.

[x×x 7o0odA x×x]

يا جماعه انا بحب واحده حب من طرف واحد وانا وهى اصحاب جدا وعلطول بتحكيلى على واحد بتحبه وانا بفضل اسمعلها ومش عارف اصارحها ازاى

[Mr.Mo0ody]

بجد والله يا جماعه انا مش عارف أقولكم ايه؟
ميرسي جدا جدا لمني رشدي والخواجه ولؤلؤه
بجد أنتو ناس جدعان جدا جدا جدا

بس المشكله ان الواحد بيقعد مع نفسه كتير بس المشاكل هي اللي بتجري وراه فأنا هخليها علي الله ومش هدايق نفسي

أما بالنسبه لحودا
أنا شايف يا حودا أنك لازم تضع حد لكده علشان حرام أنك تعزب نفسك كده
وطبعا أنت طول ما هي قدامك عمرك ما هتنساها فأنا أفضل أنك تصرحلها عن حبك ولااااااااااااااازم تبعد خــــــالــــص

[لؤلؤة]

وانا بأيـّــد رأي مودي..


فعلا لازم تصارحها.. على الأقل تحس انك أخدت خطوة إيجابية ومتحسش انك ضعيف

[x×x 7o0odA x×x]

متشكر جدا لاهتمامكم يا لؤلؤه انتى ومودى
وبجد انتو اصحاب جامدين اوى

[Dr: Adnan]

بص يا اخويا انا والله لا متضايق ولا مهموم وكل اموري فل الفل والحمدلله بس حبيت اقولك حاجه وهي قوله تعالى ( ومن يتوكل على الله فهو حسبه ) انت كل اللي عليك تصلح امورك مع الله واترك الباقي وهو هيتصلح من حاله بما فيها حبيبتك اللي اعتقد انها نونا .. جرب وشوف وادعيلي

[x×x 7o0odA x×x]

شكرا لاهتمامك يا زيد