فؤائد الاستغفار

**-Nona-** · 22 - 9 - 2008, 11:24 PM

الحكايه ومافيها عاوزه خمسه دقايق من وقتكم الغالي ياغاليين ..

وإذا ما عندكم وقت خلاص قفلو ع الموضوع أو اقفلو الصفحه كلها ومتى ما فضيتو اقروها وانتو هاديين اوووي ورايقيين ومركزيين كويس ...

أرجوكم تقروا دا الموضوع للأخير وتأكدو إنتو المستفيدين وراح تحسو براحه رهيبه ...

شوفوا حبايب قلبي أكيد إنكم شايفين الناس دي الآيام كيف قاعدين يسعو ويتفننو في طلب الرزق ..دا راح ياخد قرض ودخل بالأسهم ودا بمعارض السيارات والتاني احترق وشو بالصناعيه وواحد طاحت عيونه من كتر ما درس وسهر وتعلم .. وواحد ما سار يشوف اهله من كتر ما يدور بالمخططات والمساهمات العقاريه .. و و و و و و و و و..وبــــــصرااااحه ما أحد يلومهم الكل عاوز رزقه يكتر ويتبسط بحياته ..

بس في حاجه ناس كتير جدا جدا ما فكروو فيها حتى اكبر العقليات الإستثماريه ما جت على بالهم إلا من رحم ربي ..

يقول الله سبحانه وتعالى فقلت استغفروا ربكم إنه كان غفارا *يرسل السماء عليكم مدرارا*و
ويمددكم بأموال وبنين ويجعل لكم جنات ويجعل لكم انهارا)...

الإستغفار:ياانااااس يااااعاااالم الإستغفار سبب رئيسي لأشياء حلوه ياما وياما اتمنيناها....

من فينا ما يحب المطر؟؟

من فينامايحب المال ؟؟

من فينا ما يحب يكون عنده اولآد وبنات ..؟

من فينا مايحب يعيش بوسط جنات وانهار في الحياة الدنيا ..؟

دي كلها أشياء خياليه .. بجد خياليه ..

وماهي صعبه ولا مستحيله على رب العالمين سبحانه .. قادر إنه يحققها لنا بس .. إذا حققنا المطلوب مننا ..وإيه المطلوب مننا ..؟؟

شيء واحد وبس .. ولا اسهل منو (( الإستغفار )) والإكتار منو.. طيب

اوكي والنتيجه ..؟

أنا أقولكم النتيجه : عسى ربي يحفظكم ويسلمكم إن الإستغفار سبب في نزول المطر (بأذن الله ) ,, وسبب في زيادة الرزق وبالعربي سبب في زيادة المال ,, وسبب في إن الواحد مننا يرزق بالذريه الصالحه إن شاء الله (( البنين )) ,, وسبب في تحول أراضينا إلى جنات وانهار .. ودا مو كلامي ولا كلام الشيخ فولان ولا الداعيه فولان ..لا دا كلام الله سبحانه ....

الله الله في الإكتار من الإستغفار ..
( استغفر الله الذي لاإله إلا هو الحي القيوم وأتوب إليه )

ملاحظه خطيره :إذا استغفرتو ربكم دلوقتي أكيد إن لكم الأجر ..
أجل إيه رأيك لو بعد سنه مثلآ ويجو ألف واحد يستغفرو وأنتو لكم مثل اجرهم بالظبط ..

وإيه رأيك ..؟ طيب تخيلو كم عددهم بعد سنتين .. تلات سنين .. عشر سنين ..

طيب تخيلو أنو دا الشي ما يكلفكم ولا حاجه الا انكم تتناصحوا باكترت الإستغفار

تخيلو يوم القيامه وانتو واقفين والله سبحانه يحاسبكم .. وقتها تتمنوا مو حسنه ولا خمس دقايق في قراءة الموضوع علشان كدا اتمنى منكم ان تكثرو من الاستغفار

اسال الله العظيم رب العرش الكريم بأسمائه الحسنى وصفاته العلى أن يجعلني وإياكم من أهل الجنه ..آمييييين ..

ولاتنسووو الاستغفار سبب في زيادة المال والرزق ...