رد مع اقتباسغداً مع انجى
ثم مفاجئات
انتظرونا
قهوتنا على الانترنت
واليوم لقاء مع ....لؤلؤة
عضوة بسرعه وبشكل دراماتيكي قدرت تتكيف معنا
وحسينا انها معنا من زمان
خفيفة دم جدا وبحدود وعمرها ما كانت الا ذوق
بتحترم الكل والكل بيحترمها
ايوة صح
هي
لؤلؤة
**تعارف وترحيب***
السلام عليكم
وعليكم السلام ورحمة الله وبركاته
-------------
بداية نرحب بكِ ونشكرك على قبول الدعوة
الله يخليكي.. دا انا ليا الشرف
------------
**عن المنتدى**
كيف ومتى كان انضمامك للكافيه
انضمامي للكافيه كان صدفة غريبة جدا..أنا كنت مُشتركة في مسابقة للذكاء والصفحة هنجت مني فبعمل باك لقت مكتوب مصراوي كافيه وأنا بصراحة عندي فضول رهيب وشدني الأسم فدخلت لقيته كافيه لذيذ جدا والناس اللي فيه ألذّ فقررت اني أشترك فيه رغم ان عمري مااشتركت بمنتديات خالص
ومن اول شخص تعرفتي عليه هنا
والله يا طيوفة أنا اتعرفت على أعضاء كتير هنا أول مدخلت المنتدى يعني مثلا اتعرفت عليكي وعلى يارا وحبيبة وهموسة وبصراحة لقيتكو بنات زي العسل ودمكم زي السكر
ومن كان الاول في مد يد العون لوساعدك على الاستمرار
بصراحة الأعضاء كلهم شجعوني على الاستمرار في المنتدى بسبب احترامهم وطريقتهم اللذيذة جدا في الكلام
هل هناك اعضاء او مشرفين معينين تودي ان توجهي اي كلمة او عتاب لهم ؟؟
لأ مفيش أي حد شفت منه حاجة تستحق عتاب وكلهم ناس زي الفل
ما اكثر الاقسام التي تلفت نظرك ؟؟
قسم الفرفشة والألعاب بالاضافة للمواضيع اللي بتشدّني في جديد الكافيه
هل تجدي صعوبه عند الرد على بعض المواضيع ولماذا؟
لأ.. لأني برُدّ باللي انا حاسة بيه وأكيد دا مش حاجة صعبة. يعني لو الموضوع حلو بقول انه حلو لو مُؤثر بقول انه مؤثر وكدا يعني لكن لو معجبنيش بصراحة بخرج من غير ماأرُدّ عشان مزعّلش حد
هل ندمتي يوماً على انضمامك للمنتدى ولماذا ؟
لأ.. لأني قابلت ناس فيه كويسة أوي ومحترمين جدا ولقيت أصدقاء صعب انك تلاقيهم في أي مكان
*** عن رمضان ***
حدثينا باختصار عن ماذا يعني لك رمضان وان كنتي تعتبريه شهر مميز ولماذا؟؟
رمضان شهر كريم وانا بعتبره شهر مميز جدا وبهتم ديما اني أدعي دعوة كل يوم قبل الفطار لكل المسلمين ان ربنا ينصرهم على أعدائهم ويشفيهم يا رب وياريت كلنا نفتكر ندعي ديما للاسلام والمسلمين
------------
هل تهتمي بالعشر الاواخر من رمضان عادة ؟؟
أكيد طبعا بهتم بالعشر الاواخر من رمضان لأنهم أهم الأيام وفيهم العتق من النار وأكيد كلنا نتمنى اننا نُعتق من النار..
وكيف تقضي ايامها ولياليها --- بالتفصيل
بقضيهم بتذلل وخشوع لله.. وبداوم ديما على صلاة التراويح في المسجد.. أما بالتفصيل بقى فأنا بقرأ القرآن الصبح أول مابصحى من النوم وبعدين بساعد ماما شوية وبعدين بروح جمعية الأيتام اللي أنا عضوة فيها وبنوزع الطعام على الأيتام والناس المحتاجة وبحس بسعادة تامة لما بعمل كدا.. وبعدين برجع طبعا هبطانة جدا من اللف فبرتاح شوية أنام مثلا أو أقعد على النت وطبعا بعد كدا بنفطر ههههههه .. انتي اللي قلتي بالتفصيل.. المهم وبعدين بروح المسجد اصلي التراويح مع ماما وأختي وبصراحة انا مكنتش بقيم الليل بس ان شاء الله ناوية اني أواظب عليه في العشر الأواخر
------------
هل تهتمي بان تكون نوعية الطعام المقدم على الافطار متنوع ومتعدد ام ان هذا شيء ثانوي لا يهمك
لأ.. أنا مش بهتم عامة بالأكل.. وأي حاجة نعمة من ربنا وبتبقى زي العسل
--------------
حدثينا عن الاصناف التي ترغبي بوجودها على مائدة رمضان يوميا
أهم حاجة السلطة.. أنا مُدمنة سلطة
-----------------
** الحياة الاجتماعيه **
ما دور العائله في نجاحك وتشجعيك
ماما وبابا ديما بيشجعوني ولولا تشجيعهم دا أنا بعترف اني كنت هفشل بالفعل لأني دخلت كلية مكنتش حبّاها وهيه كلية الهندسة و كان ميولي طب وطبعا كنت مُحطّمة جدا ومكنش عندي رغبة اني أذاكر فبابا شجعني وقالّي مش مهم ايه الكلية اللي تدخليها المهم تثبتي نفسك فيها والحمد لله ذاكرت وجبت أول سنة جيد جدا والسنةدي جبت امتياز والفضل لربنا في المقام الأول ولبابا ربنا يخليه في المقام التاني
كيف توفقي بين حياتك والمنتدى او النت عموماً
أنا بعيش حياتي عادي خالص ولما ببقى فاضية بقعد على النت
**مع الاعضاء**
شاركينا حكمة او حديث او قول اعجبك
اياك والكلام وأنت غاضب فسوف تقول أعظم حديث تندم عليه
وجهي نصيحة للاخوة الاعضاء والمشرفين
عامل الناس كما تُحب أن يُعاملوك
وياريت يا جماعة كلنا نساعد الأطفال الأيتام ونحس بيهم
وجهي نقد لاحد الاعضاء او المشرفين دون ذكر اسم
مفيش
وجهي شكر لاحد الاعضاء او المشرفين
أحب أشكر طيف على مواضيعها المُتميّزة وربنا يوفقها
ربي يسلمك هاد من زوئك بس
امنيه منك قدميها هدية لاحد الاشخاص او للجميع
كما تحب
أتمنى يارب ان كل الأعضاء يكونوا سعداء لأنهم فعلا ناس زي العسل وتستحق كل خير
الف شكر على اللقاء
ألف شكر ليكي انتي يا قمــــر
المشرفه المميزه للأسلامي العام والصوتيات والمرئيات الاسلامية
احد مؤسسي الموقع
فرصه طيبه للغايه انا نتعرف ع لؤلؤه من قريب اتحتيها لينا طيف
اتصور اننا كسبنا عضوه ع قدر كبير من الاحترام و نحن سعداء بذلك
رمضان كريم
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
زى السكر يالؤلؤه والله
حلقه جميله وكلامك اجمل
وحوارك ممتع ياطيوفه
شكرا ليكم
عضو متميز
الف شكر طيف على الموضوع المميز واللي بصراحة الواحد بحس انه يعرف الشخص الضيف من زمان والف شكر لؤلؤة على الاجابات الصريحة والرائعه وانا اخذت هاي الجمله ويا ريت الاخت طيف تعمل على تنمية الفكره ويكون للمنتدى جمعية اسمها جمعيه الطفل اليتيم ونقدم لهم اللي ربنا يقدرنا عليه وانا اول واحد فيكمالمشاركة الأصلية كتبت بواسطة طيف عابر
نجم مصراوي
أنا هنا آهو
أنا بشكركم جدا على الكلام الجميل دا
بشكرك يا منى وعايزة اقولك انك انتي اللي عثل وانا بمووت فيكي
وأشكرك يا أحمد على زوقك
ومِرسِي أنوووج انتي اللي ثُكر
وألف شكر ليك انت يا زيد
ومليون مِرسي يا طيوفة على البرنامج العسوول دا اللي بيقرّبنا من بعض
بنت الاسلام
لقاء حلو كتير مع عضوه احلى
يجزيكى الخير لؤلؤه على اجابتك واللقاء الجميل
بارك الله فيك طيف لقاء جميل جدا
مع عضوة جميلة مشرفة مصراوي
وربنا يوفقك لؤلؤة
وكل سنة وانتي طيبة
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
