انا والغـــــــــــــــــــــ ـربه

[محسن البدراوى]

سنين الغربه جوايا
كما السجان
سنين قاسيه مهيش راسيه
مفيش فيها سوا الاحلام
وليل ظالم ماليش غيروا
يصاحبنى
بيخدعنى ويألمنى
ويرجع تانى يصالحنى
يصاحبنى ويظلمنى
يمد العون كلام معسول
وانا مسطول وبسمعلوا
وافوق تانى
الاقينى غريب عن كل احبابى
.............
سنين الغربه جوايا
بتحلفلى بانى زليل
عايش سواح بلا مرسى
ف حلم لقيط
تقلى العمر قضيتوا
ف بحر وبر
عايش عاجز عن النسيان
ومنتاش حرّ
اقول يا غربه دلينى
قليبى مات من الاوجاع
يا غربه اطوى سنين ليلى
واعيش مرتاح
يا غربه انتى اللى شيفانى
عايش ميت مع الماضى
يا غربه انتى اللى حملانى
على التفكير باوهامى
واتذكر هوا ليلها ف ايامك
فتاسرنى بمحاسنها ف احلامى
فاشتاق تانى لعنيها
وضمه رقيقه باديها
وسهره من خيال بوحى
تغنيلها
وتوصف بين نجوم عاشقه
مفاتنها
واغازلها
فترقص نجمه مطفيه على اديها
فتصبح نور على كفافها
وضىّ جميل
يسبحلوا كتير قناديل
وتيجى موجه من تاجها
تشق الليل
ونسمع فى سكون الليل غنا العصافير
فيحيا الليل بنص نهار
من المواويل
واقول تانى يا ليل طول
بعلو الصوت
ياليل طول حبيبى معايا
بيغنى اغانى الحب
يدق القلب
يطير يفتح
سما ابوابه
ويرسم بسمه ورديه على اعتابه
فليله ياغربه فعتابك بتكوينى
وانا المدبوح
وليه يا غربه عيزانى
اموت ناسى ليالى الحب
تقلى الغربه ليه ناسى ليالى البعد
وليه فاكر حبيب غادر
جرحلك قلب
وليه ناسى هروبك ليه
لشط بعيد
وليه عايش مع اوجاعك
عايش بتعيد
من الاحزان كما التجويد
بلاد الدنيا مش قادره على همومك
عايش تتشال كدا وتتحط
وتتخبط سنين مسجون
ورا قضبان من احلامك
عايش هايم ورا رموشها
كما المجنون عايش مقتول
ولا دارى بسموم طيشها
وبتخبى اهاتك ليه
يا بدراوى خلاص
القلب منك مات
وليه سهران وبتدارى
خلاص القلب متكفن
ف توب الويل ومتدارى
وقبر حزين فاتح بابه ولا دارى
بيدفن كل ايامك
ولا يرق لبسمة احلامك
ويزرع شوك
كانو غابات من الاوجاع
على كتافك
ياريت الحمل يتحمل من اكفافك
وياخده الموت
وتحيا تانى للدنيا سما وملاكوت
يموت الحلم ف ضلوعك
ولا بتموت افراحك واناشيدك
يا بدراوى
زرعت الحب فيك تانى
ف غربه براح
ياريت متكنش وحدانى
فسما الاحباب
وبدعيلك يدوم ليلك
مع الاحباب
وتتهنى بنهار باسم
على وشوشنا وعلى خدودك
فتلقى الحلم عاد تانى
وبيبوسك
ويتبسم
يا بدراوى
زرعت القلب فيك تانى
غنا وترديد
وخلى الغربه فى ايامك ليالى عيد
وعيش الدنيا من تانى
ولا تفكر ف حلم عنيد



........

[قمر النهار1]

سلمت ايدك /بدراوي
وعاش قلمك لينثر علينا من البستان
أجمل وأنقي العطور
التي تلتصق برداء مصراوي
شكرا لك ولحروفك الماسيه
دومت بخير

[محسن البدراوى]

اشكر لكى مرورك الطيب العطر
دومتى اختى الكريمه بكل خير
وربنا يزيد ويبارك بقا عندنا اتنين قمر النهار
ههههههههههههههه
بالتوفيق

[قمر النهار1]

لا شكرا علي واجب يا محسن يا بدراوي
بس انا قمر النهار و قمر النهار1
كنت بعدل بيانات بالمنتدي فعملت حاجه خلتني معرفش ادخل بنيمي الاصلي اللي هوه قمر النهار بس
وبصراحه كنت اتجننت بقالي يومين مش عارفه ادخل المنتدي وفي حاله زي الزفت
ربنا ميكتبها عليك
ويارب يشوفولي حل للموضوع ده والا
نجومي كلها هتروح هدر
هيا لسه هتروح مهي راحت واللي كان كان
أميره مبقاش ليها نجوم يا ولاد
ههههههههههههههههههههههههه هههه
بجد والله مخنوقه
عمتا بشكرك بجد/يا محسن
كلماتك جميله
ودايما متألق

[محسن البدراوى]

ممكن تسالى الاداره عن باسوردك القديم وتدخلى تانى بيه
وبجد اسعدنى مرورك تانى مره وبالتوفيق

[نسيم الذكريات]

[محسن البدراوى]

اشكر لكى المرور
وجمال الحضور
لاشراقتك سعاده فى النفوس
دومتى بالق
وبالتوفيق

[حرف مشتعل]

ملجم كلامى امام هذا الانسكاب المترف

والاصابع على رؤوسها تصفق

شاهده على الابداع

مودتى تسبق القلم

[شاعر س]

ربنا يهون عليك الغربه
بجد اكتر من رائع
دمت بكل جديد ومميز

[محمد أبراهيم]

تحاصرك
نفسك بتلك
الهواجس
كأنك تبحث عن
صوت
لك هامس
ياحبيبه العمر
سيمضى زمن الغربه
وسياتى ليحملك
بدراوى
على ظهر جواده
فارس
الرآقى...
محسن البدراوى....}
باعدت
الغربه جنان
الشغف
فوهبك البعد مسافات
واميال
فالقلب شطرين
انتصف
وآشوااقك
ناطحت الجبال
لوحه صاغت
الشوق
بلوحات الانتظار
لتهطل المشاعر
منها
انهارا وانهار
سيدي
حتما سيصلها
الاحساس
فعذب الحروف تتقاطر
كشلال
وستمتلىء سماءك بالحب
وسيضفي
حديثك على مسائها
الجمال
اخذتني حروفك
معها
في غربتك
فاصغيت باهتمام
وصلني من
السطور
صدى هذا الصوت
قلم كبير حقا
نراه براقا اكثر
كلما مرت عليه
الساعات والايام
والشهور





مودتى