جمعية الحياة الأفضل

[لؤلؤة]

الجمعية دي عبارة عن حاجات كويسة هنحاول نعملها مع بعض


عايزين نغير الحياة للأفضل


وان شاء الله هنقدر...


الجمعية هدفها اسعاد الناس وذلك من أجل حياة أفضل





طبعا انتو عايزين تعرفوا هيه الجمعية دي هنعمل فيها ايه

أنا أقولكم..


كل عضو من أعضاء الجمعية هيقترح اقتراح (عمل خير) واحنا نحاول نعمله


واللي يعمل العمل دا يدخل المنتدى ويقول انه عمله عشان يشجع باقي الاعضاء


يعني مثلا أنا بقترح ان كل واحد فينا يقوم دلوقت وياخد وجبة لاطعام عائلة أيتام أو مساكين


وانا أول واحدة هعمل الحكاية دي أول ما أقوم دلوقت حالا

نفسي أشوف ردود بتقول أنا عملت كدا وكنت فرحان وانا برسم البسمة في عين الطفل دا والأم دي


نفسي نحس بالناس الغلابة


ومنتظرة اقتراحات منكم عشان نعملها..


أتمنى الموضوع يتثبت

[mona roshdi]

بارك الله فيك لؤلؤة الفكرة اكيد ممتازة انك تحسى بليتيم
وعلى فكرة انا قبل ما اقرأ موضوعك ، امس علمت ان فى اسرة والعائل بتاعهم موظف محترم بس اصيب وليس لدية عمل او مصدر رزق نزل النهاردةالساعة 3 واشتريت لهم اشياء للفطاء ودة عمل انسانى مش لازم للأيتام بس والله يالؤلؤة فى ناس واسر كتير مش عندها مصدر للمعيشة ودة انا بحسة وربنا يقدر كل انسان على المساعدة آسفة على الاطالة 0

[لؤلؤة]

برافو عليكي


ربنا يقدّرك على فعل الخير


ها.. فين باقي الاعضاء..


عايزة اسمع انكم عملتوا زي مُنى

فيه حاجات كتييير لسة عايزين نعملها

[وليد الاسلام]

انا زرت مستشفى ابو الريش للاطفال انا ومجموعة من مدونى النت ووزعنا هناك ملابس وعيدية ولعب كان يوم رائع بجد

[لؤلؤة]

برافــو..


وانا ان شاء الله هعمل زيك وهروح أنا وزميلاتي النهاردة ملجأ الأيتام ونحاول نسعد الأطفال ونوزع عليهم ملابس العيد

أشكرك على الفكرة الرائعة

[خاطر]

انا بقى قاعد فى بيتنا
ومعملتش حاجه خالص
ينفع ابقى معاكم

[لؤلؤة]

أكيد طبعا يا خاطر

مبروك للجمعية انها كسبت عضو زيك


ياريت بقى تقدر تسعد النهاردة ولو طفل يتيم ولو تقدر يا ريت تجيب له ملابس للعيد.. دا اللي هنعمله النهاردة

[لؤلؤة]

النهاردة عايزين نغير حاجات مش حلوة بنعملها في حياتنا

يعني مثلا اللي بيشرب سجاير يقرر دلوقت حالا انه معدش يشرب

واللي بيكلم بنات في التليفون او بتكلم شباب يقرروا انهم معدوش يكلموهم


أي عادة مش كويسة عايزين نغيرها ومن النهاردة


وانا هبدأ..


أنا مكنتش ديما بلبس الحجاب (يعني شوية كدا وشوية كدا)

ومن النهاردة لأ دلوقت معدتش هقلعه أبدا


يا ريت اشوف ردود بتقولوا فيها أنا كنت بعمل حاجة مش كويسة وان شاء الله معدتش هعملها تاني خاالص

[وليد الاسلام]

ربنا يوفقك ويتقبل منك ويعم الخير على كل اعضاء مصراوى ودى صرخة لانشاء قسم للاعمال الخيرية همتكم معايا فى طلب انشاء القسم

[لؤلؤة]

ياريت والله يكون فيه قسم لأعمال الخير

فيه خير كتير جوّا الناس بس مفيش حد بيشجعهم



أشكرك جدا لاهتمامك ..

وان شاء الله عايزينك المرة الجاية تقترح علينا عمل خيري جديد نعمله