جمعية الحياة الأفضل

[وليد الاسلام]

اقتراحى للحياة افضل اننا بمناسبة العيد نتجمع ولو يوم 3 فى العيد ونروح لمستشفى او جمعية او دار للايتام ونقوم بزيارتها واهدائهم لعب وملابس او عيديات وتكون مبادرة من اسرة مصراوى لفعل الخير ايه رايكم

[لؤلؤة]

طب والله فكرة ممتازة

وانا عن نفسي هكون أول واحدة


بس للأسف مش شايفة حد متفاعل مع الموضوع

[وليد الاسلام]

مهو احنا لازم نفعل الفكرة وانا عندى راى ابعتى لكل اصدقائكبالمنتدى الرابط علشان يشاركوا ابعتى ليهم رسائل خاصة وربنا يتقبل ويصحوا

[jewel_lowis]

لاء ازاى
والله احنا نفسنا نعمل كتير

انا شخصيا عضوه فى جمعيه رساله الخيريه
وهابدا ادى دروس للاولاد المحتاجين مجانا
الى مش قادرين يدفعو فلوس الكتب والدروس
وكمان بحاول امحو اميه كتير جدا من السيدات والشباب الى مااخدوش فرصه يتعلمو
ودى دعوه منى
لو تعرفو اى حد نفسه يتعلم ممكن تبعتهولى وانا ابدا معاه فورا

ويارب يجعلو فى ميزان حسناتى

وشكرا للفكره الهايله دى

[طيف عابر]

فكرة رائعه ومميزة لؤلؤة والله يبارك في جهدك وجهد كل من يشارك في فعل الخير

الحمدلله والله يقدرنا على فعل الخير يا رب

[لؤلؤة]

لاء ازاى
والله احنا نفسنا نعمل كتير

انا شخصيا عضوه فى جمعيه رساله الخيريه
وهابدا ادى دروس للاولاد المحتاجين مجانا
الى مش قادرين يدفعو فلوس الكتب والدروس
وكمان بحاول امحو اميه كتير جدا من السيدات والشباب الى مااخدوش فرصه يتعلمو
ودى دعوه منى
لو تعرفو اى حد نفسه يتعلم ممكن تبعتهولى وانا ابدا معاه فورا

ويارب يجعلو فى ميزان حسناتى

وشكرا للفكره الهايله دى

براااافــــو.. انتي انسانة هايلة يا أنوج


ومش معنى يعني انك مشتركة في جمعية رسالة انك متشتركيش معانا في جمعيتنا دي

يا ريت تكوني عضوة معانا ونشوفلك اقتراحات حلوة نعملها


وربنا يبارك فيكي ويجعل كل اللي بتعمليه دا في ميزان حسناتك

[لؤلؤة]

فكرة رائعه ومميزة لؤلؤة والله يبارك في جهدك وجهد كل من يشارك في فعل الخير

الحمدلله والله يقدرنا على فعل الخير يا رب

الله يخليكي يا طيف..


بس أنا عايزة كل اللي يدخل يقترح عمل خيري نعمله

وياريت نشجع بعض .. الخير جوّانا عايزين نساعد الناس

لو شوفتوا الناس الغلابة حالهم عامل ازاي صدقوني هيصعبوا عليكم أوي

أنا كنت امبارح بزور طفل يتيم عنده حوالي 8 سنين
لقيت مامته مريضة وملوش اخوات ولا اقارب ولا حد خاالص

والمكان اللي عايشين فيه حجرة واحدة فيها سرير صغير وطبلية (ترابيزة صغيرة) عليها لقمة ناشفة..

قلتله انتوا بتاكلوا منين.. قالي لما حد بيجيب لنا أكل ناكل ولو محدش جاب لنا حاجة مبناكلش

أنا بكيت أوي وأخدته في حضني.. عارفين قالي ايه!! قالي حاجة بجد قطّعت في قلبي


قالي الجوع عادي يا طنط أنا ممكن أستحمله.. ما انا طول عمري جعان


بس ابقى تعالي واسألي عليا والعبي معايا أنا مليش أصحاب ومحدش راضي يصاحبني أو يلعب معايا


الناس دي محتاجة اللي يطبطب عليهم ويحس بيهم..

الحكاية مش حكاية ماديات بس..

[وليد الاسلام]

بصى يا لؤلؤة انا بقترح انك تروحى لمستشفى او جمعية او دار ايتام وتحدد المكان وتشوفى ايه المطلوب وتقوليلنا عليه ونتجمع ونزوره مع بعض

[angham]

فكره جامده جدا وياريت اشارك معاكم لو الفكره اتنفذت

[وليد الاسلام]

يا مرحب بيكى يا انغام ونتمنى الفكرة تتنفذ بسرعة ونفوق بقى من الغمامة ونحس بكل الناس ونفعل الخير لانفسنا الاول