مع انجى في رمضان ...

[طيف عابر]

يمكن هي جديدة لكن اتوقع نشيطة جداً ونشاطها ملحوظ
كمان من الاعضاء يلي بسرعه اندمجوا معنا
مواضيعها وردودها جميله وممتعه

عرفتوها

اها


فعلا هي

انجى


** ترحيب **

السلام عليكم
وعليكم السلام ورحمه الله وبركاته

بداية نرحب بكِ ونشكرك على قبول الدعوة
وحد برده يقدر يرفض دعوتك ياقمر
مرسى ليكى واهلا بيكم
ممكن نتعرف عليكي اكتر
اكيد
انا اسمى انجى زى ما انتم عارفين
سنى...ولا بلاش (بس لسه صغيره)
بشتغل مدرسه علوم فى مدرسه لغات خاصه
وبعد الظهر طالبه فى كليه التربيه(دراسات عاليا)وكده يعنى
** عن المنتدى**

كيف ومتى كان انضمامك للكافيه
بصراحه انا كنت قاعده مره على النت وكنت زهقانه
فلاقيت احمد التيتى (هو كان زميلى فى الكليه وكمان قريبى على فكره)بس من بعيد
ههههههه
المهم
قلت له معندكش موقع حلو كده
طبعا قالى:ابتدينا الاستغلال بقى
ههههههههههههه
وبعدين بعتلى اللينك
وسجلت
وده من خمس ايام بالضبط
16\9\2008
وبصراحه مليتم عاليا حياتى من يومها


ومن اول شخص تعرفت عليه هنا
بصراحه مش فاكره

ومن كان الاول في مد يد العون وساعدك على الاستمرار
اعتقد انه انتى
لان تعليقاتك كانت ومازلت بتفرحنى جدا
وكمان التيتى لما دخل وبعت رساله الترحيب وكلكم رديتم فرحت جدا جدا بكلامكم وشجعنى اكتر


هل هناك اعضاء او مشرفين معينين تود توجيه اي كلمة او عتاب لهم ؟؟
حاليا لا لانى لسه جديده
واعتقد انه مفيش حد وحش بالعكس كل الاعضاء بيحبو ا الكافيه كانه بيتهم بالضبط
ما اكثر الاقسام التي تلفت نظرك ؟؟

هو الى انا بحبه اوى حواء
لانى كنت باخد كورسات فى التجميل وعندى معلومات كتير اوى والحمد لله

والى بحبه اكتر طبعا الركن الادبى
يعنى زمان كان عندى مواهب دفينه معرفش هاتطلع فى يوم ولا لاء
وكمان كل موضوعات رمضان جذابه جدا جدا
يعنى مقدرش احدد بالضبط عشان كل ركن فى حاجه مميزه

هل تجدي صعوبه عند الرد على بعض المواضيع ولماذا؟


ايوه
لان فى حاجات من وجهه نظرى مش محتاجه تعليق
وانا مش بحب اقول اى حاجه وخلاص

هل ندمتي يوماً علىانضمامك للمنتدى ولماذا ؟

لا
لانى حاسه ان ده بيتى بجد انا بخلص كل الى ورايا وارجع بسرعه عشان اكون وياكم
مش بقولك مليتم عاليا حياتى


** الحياة الاجتماعيه **

ما دور العائله في نجاحك وتشجعيك
تشجيعى على ايه بالضبط
يعنى لو فى حياتى العمليه والشغل والدراسه طبعا بيشجعونى(احيانا)لما بوصل لمرحله الياس والاحباط
كيف توفقي بين احياتك والمنتدى او النت عموماً
والله انا قبل ما اشترك فى المنتدى ماكنتش بعد على النت اصلا
مع انى بقابل الكمبيوتر فى الداخله والخرجه
لكن دلوقتى على الرغم من الحاجات الكتير الى بعملها فى حياتى بيكون عندى وقت فاضى للمنتدى
الحمد لله

**عن رمضان **
************



حدثينا باختصار عن ماذا يعني لك رمضان وان كنتي تعتبريه شهر مميز ولماذا؟؟

رمضان بالنسبالى رحمه من ربنا لانه احيانى وبلغنى رمضان
وطبعا مميز جدا فى كل حاجه كفايه الاحساس الداخلى بالسعاده
علشان
اوله عتق واوسطه مغفره واخره رحمه
وربنا ينولنا التلاته
هل تهتمي بالعشر الاواخر من رمضان عادة ؟؟ وكيف تقضي ايامها ولياليها --- بالتفصيل
بصى ياسيتى
انا طبعا بهتم بيهم جامد لدرجه انى مش بلاقى وقت للنوم
ويومى كالاتى
الصبح بروح الشغل من سبعه ونص الصبح اكون فى المدرسه
وبعدين اعدى على جمعيه رساله لانى عضوه فيها
وبعدين اعدى على الكليه
وبعدين ارجع مش بيجلى نوم بقعد على النت لحد الافطار
وبعد كده يدوبك بنزل اصلى التراويح وارجع
اما بقعد حبه على النت او اشوف التلفزيون
وبعدين انام ساعتين كده
واصحى اتسحر
وانزل اصلى التهجد الساعه تلاته لحد الفجر وبصلى الفجر وارجع (طبعا مع ماما وبابا)
طبعا بيكون خلاص على الشغل ومش بعرف انام
وبصراحه يومى ده بيكون طول رمضان مش العشره الاواخر بس
لانى التهجد عندنا بيبدا من اول يوم فى رمضان
ومش بحب اضيع ولا يوم يعنى ماحدش ضامن يعيش لاخر رمضان
وربنا يدمها عاليا نعمه ويثبتنى اكتر يارب
هل تهتمي بان تكون نوعية الطعام المقدم على الافطار متنوع ومتعدد ام ان هذا شيء ثانوي لا يهمك
ثانوى جدا جدا
الموجود باكله
بس الحمد لله
ماما ربنا يخلهالنا بتبقى عارفه اننا صايمين وجاعنين جامد فبتعمل حسابها

حدثينا عن الاصناف التي ترغب بوجودها على مائدة رمضان يوميا
لا مفيش حاجه معينه




**مع الاعضاء**

شاركينا حكمة او حديث او قول اعجبك
يوم لك ويوم عليك

وجهي نصيحة للاخوة الاعضاء والمشرفين
اتمسكو بالدين اكتر واوعى حد يقول انا ميه ميه محدش كامل

وجهي نقد لاحد الاعضاء او المشرفين دون ذكر اسم
لا مفيش حد عمل حاجه مش عاجبانى(لحد دلوقت)

وجهي شكر لاحد الاعضاء او المشرفين


بشكرك ياطيف جدا جدا
وبشكر الاستاذ على مدكور
وبشكر كل المشرفين والاعضاء الى اتعرفت عليهم والى لسه متعرفتش بيهم
وبشكر كل الناس الى دخلت وقرات مواضيعى وعلقت عليها

امنيه منك قدميها هدية لاحد الاشخاص او للجميع
بتمنى لكل الناس الستر والصحه والرضا والقناعه

الف شكر على اللقاء
مرسى ليكى ولكل اهل الكافيه
واسفه على التطويل انا عارفه انى رغايه
بس سعيده جدا انى كنت معاكم
شكرا
وكل سنه وانتم طيبين

[mona roshdi]

انجى انسانة لزيزة جدا وحبوبة ونشطة جدا
وتعليقاتها خفيفة ومن النوع اللى تدخل القلب على طول وانا من اول يوم حبيتها
موضوع جميل واختيارك ياطيف لأنجى رائع
بارك الله فيك طيف

[jewel_lowis]

انجى انسانة لزيزة جدا وحبوبة ونشطة جدا
وتعليقاتها خفيفة ومن النوع اللى تدخل القلب على طول وانا من اول يوم حبيتها

اقتباس

انا مش اد الكلام الحلو ده كله ياماما منى
بس بجد انا كمان حبيتك اوى
عشان كمان اسمك على اسم مدرستى الاولى (مس منى)ربنا يرجعهالنا بالسلامه هيا دلوقت فى الكويت ربنا يكرمها يارب
كنت بحبها اوى زى اختى الكبيره
واسمحيلى حضرتك كمان تكونى اخت كبيره
عشان انا معنديش اخوات بنات
وشكرا بجد لتعليقك السكر ده

[ساندرا]

لقاء كتير حلو مع بنت كويسه وحبابه
يجزيكى الخير انجى على اجاباتك الحلوة واهلين فيكى معانا

[jewel_lowis]

لقاء كتير حلو مع بنت كويسه وحبابه
اقتباس

شكرا يا قمر ومرسى ليكى

[mona roshdi]

الفراشة الجميلة أنجى..... انا اطلقت عليك كدة من خلال تنقلاتك الجميلة بين اقسم المنتدى و انا مش بقول كلام من عندى انا بقولك احساسى اللى عمرة ما كدب انت انسانة مشاعرك وكلامك رائع عرفتك من خلال كتاباتك اللى عسل مش ذى العسل
وانا سعيدة انى اكون اخت لك لان انا برضة مش لى غير اخ واحد فقط ياريت نكون اصدقاء بشكرك من كل قلبى

[MagMan]

ههههههههههههههههههههههههه هههههههههههههههه
اخيرا عرفت اسمك ...

بجد لقاء جميل جدا وانت انسانه جميله وكلامك حلو سكر زياده ...

واكيد طيف يعني مش هتجيب حد نص نص ...

[أحمد عمر]

واكيد طيف يعني مش هتجيب حد نص نص ...

لا عادى ما فيش انسان معصوم

بهرج طبعا
لقاء جميل طيف و اقتناء للعضو مميز

[jewel_lowis]

الفراشة الجميلة أنجى..... انا اطلقت عليك كدة من خلال تنقلاتك الجميلة بين اقسم المنتدى و انا مش بقول كلام من عندى انا بقولك احساسى اللى عمرة ما كدب انت انسانة مشاعرك وكلامك رائع عرفتك من خلال كتاباتك اللى عسل مش ذى العسل


اقتباس

بجد مش عارفه اقولك ايه على الكلام الحلو ده
غير
جزاكى الله كل خير

[jewel_lowis]

اخيرا عرفت اسمك ...

بجد لقاء جميل جدا وانت انسانه جميله وكلامك حلو سكر زياده ...

واكيد طيف يعني مش هتجيب حد نص نص ...

اقتباس


شكرا ياماجمان بجد على المجامله الرقيقه دى
وطبعا طيوفه كل الى بتجيبه سكر زيها مش بقول على نفسى والله بس لاء على كل الى بتختاره طيف

بس هو انا كنت مخبيه عليك اسمى ولا ايه
لو بصيت فى التوقيع تحت هاتلاقيه موجود فى كل الموضوعات من زمان
وشكرا لمرورك