اكتر حاجة البنت بتخاف منها

[رحيل الندى]

السلام عليكم ورحمة الله وبركاته

بجد من المواضيع المهمة والمشاكل اللى ممكن تواجه كل البنات

الخوف من ان حبيبها يسبها وليه بيسبها ؟








ليه الرجل ممكن يزهقويقول خلاص انا زهقت او مش لاعب

المشكلة عند كل البنات انهم بيقعدوا يبكوا على اللى فات

وينعلوا حظهم وقد ايه هما عملوا حاجات كتيرة عشان العلاقة

دى تنجح وقد ايه ان الرجل شخص ناكر للجميل وانهم مغلطوش

فى اى حاجة ودا طبعا مش صح


لو كل بنت فكرت شوية هتلاقى نفسها غلطانة فى حاجات كتيرة
يعنى مثلا الراجل بطبعته ملول ومش بيحب الست الزنانة او اللى وراه طول الوقت واحساسه بأنه مراقب من كتر اهتمامتها واتصالاتها ومتابعتها ليه يعنى حاجة كدا زى عسكر وحرامية


انا طبعا مش بقول ان البنت مش تهتم بالرجل او انها تهمله او

متهتمش بيه لكن ممكن تعمل دا بالعقل وميكونش زيادة عن

اللزوم ومن اكتر الغلطات اللى بجد كل اللى بنات بتعملها انها

بتخلى حبيبها هو العالم بتعها وانها تكون عايشه عشانه وبس

و تشوف انه انانى اوى انه مش عايش عشانها ومش مسخر

نفسه ال 24 ساعة عشانها دا طبعا مش صح

المهم



هتعملى ايه لو حبيبك جالك فى يوم وقالك خلاص انا مش لاعب او انا مش قادر اكمل او ان علاقتنا بقت ممله وانا خلاص مش هعرف اسعدك

هتستخدمى اى طريقة من دول ؟؟؟؟؟

1- هتعيطى وتبوسى اديه ورجليه عشان مش يسيبك وتحلفيه باليالى والعمر الغالى اللى قضتيه معاه وازاى ينسى الحب دا او يقول عنك وعنه كدا ومش دا كان الوعد اللى وعدانه لبعض ولا الحب اللى حبناه لبعض

ولا

2- بمنتهى البرود هتبصى ليه وتقول ليه اوكيه طالما انت

حاسس بكدا اكيد راحتك تهمنى ويمكن يكون عندى نفس

الاحساس ومخدتش بالى منه بس بما انك حسيت بالاحساس دا

الاول انا ممكن اسعدك انك تعدى من الموضوع دا و اننا ننهى

علاقتنا بسهولة ومتقلقش عليا هبقى كويسة واوعى تشغل بالك

بيا ولا هعمل ايه من بعدك انا دنيتى فيها ناس كتير




طبعا لو اخترتى اول واحد واعتمدتى على انك تحسسيه بالذنب

وانه ازاى بعد ما بعتى الكون بحاله هو هيبعك وازاى هو كان

دنيتك ومن بعديه هتعيشى مع مين ولمين ممكن يرجع بس

هيرجع عشان حاسس بالذنب ورجوعه دا مش هيدوم وهيكون

رجوع مقرف وكله خناقات وحاسس انه مجبور عليه مهما

عملتى عشانه

عمره ما هيحس بقيمتك حتى لو كان بيحبك بجد ودا لحظة

غباوة منه هتقلب معاه بغباوة اكتر او بعند


اما لو استخدمتى الاسلوب التانى هيتجنن وهيتغاظ اوى من

جواه وهيسأل نفسه هى كانت بتحبنى بجد ولا لاء ازاى كانت

بتحبى ومش فارق معاها بعدى وانا مش بقيت فارق معاها طيب

ازاى طيب يا ترى انا صح ولا غلط يا ترى هى مش عندها

مشاعر وقلبها جامد ولا مش فارق ويرجع يقول لنفسه لا

مستحيل اكون مش فارق معاه دا ياما سهرت الليالى عشانى

وكانت بتحبنى حب مالوش حدود وازى قلبها جامد دا انا اكتر

واحد عارفها طيب وبعدين هتلاقيه بيحاول يسعى ليكى وانه

يكون حواليكى طول الوقت زى ما يكون محاصرك وهيموت

ويفهمك وصدقنى دا بجد هيحصل

هنا السؤال يا ترى الخوف ليه ريحة زى الحب؟

يقال ان الخوف يأتى من نفس المنطقة التى يأتى منها الحب فى المخ

الرجل بيشعر بانزعاج شديد لما بيحس انه هيفقد المرأة

قلب الرجل و روحه و وجدانه زى الزرع محتاج ماء عشان يكبر

لكن فى نفس الوقت محتاج هوا عشان يتنفس لو البنت اديت

الراجل احساس بالطمأنينة المنتهيه وانها مستحيل تسيبه وانها

هتضيع من غيره وانها عايشه عشانه دا بالظبط زى ما تكونى

بتسقى الزرع ماء زيادة عن اللزوم وبالتالى هيموت

نصحتى لكل بنت حلو اوى انك تحبى حبيبك وتعيشى معاه احلى

قصة حب من غير حدود بس فى نفس الوقت لازم يكون ليكى

عالمك الخاص بيكى ممكن يشاركك هو فيه بس فى النهاية هو ليكى

بمعنى اوعى تخسرى اصحابك البنات او شغلك او حتى مواهبك

عشانه لو فيهم ضرر ليكى ماشى غير كدة اوعى لانه بسهولة

هيبتدى يحولك بالتدريج للعبته الصغيرة وبعد شوية هيمل

وهيقولك انتى لازم تتغيرى انا زهقت فى الوقت دا مش هتلاقى

حد حواليكى ولا حتى هتعرفى تغيرى من نفسك


الرجل دايما بيخاف من البنت ا للى

عندها عالم وناس تعوضها عنه ف بالتالى بيحاول بكل الطرق

انه يكسب ودها ويكون ولو حتى جزء من عالمها وبمرور

الوقت هتلاقيه هو اللى محتاجلك وبدل ما تكونى انتى اللى

بتعتمدى عليه هتلاقيه هو اللى بيعتمد عليكى



مش عارفه راى الشباب على التوبيك هيكون مؤيد ولا معارض

ادينا هنشوف وهنسمع ارائكم

فى انتظار مشاركتكم

[محمد أبراهيم]

نبض
حرفك وحديث
كلماتك
هو الرافد لاي
صفحه
كانه عيد الاعياد
يترك في المساحه
فرحه
فالياسمين تفتح بعطر بحروفك
تحيه
لك لروعه تواصلك ونقاء ودقه اسلوبك
وسحر قلمك وروعه
الفكره