حركات البنات الربع كم

[x×x 7o0odA x×x]

حركات البنات الربع كم:
=============
1- أنا ميهمنيش أى حاجة ولافلوس ولا حاجة فى الدنيا المهم أنت وبس أنا راضية بجحر المهم أكون معاك
(وبعد اسبوع واحد اتفرج يامعلم)
2-لو فضلت زعلان منى كده انا هموت نفسى
(ابقى قابلنى..ال اموت نفسى ال)
3-هستناك طول العمر يا حبيبى مهما حصل
(والواحد يسافر وهوا مطمن يرجع يلاقيها متجوزة وعندها عيلين)
4-انا جايلى عريس ومش عارفة اعمل ايه معاهم فى البيت
(وهيا أساسا ماحدش معبرها غيرك)
5-النهاردة أسعد يوم فى حياتى
(يوم ماعرفته , يوم ماخطبها , يوم.... على اساس ان حياتها كلها يوم واحد)
6-أنا روحى بتتسحب منى لما بفكر أننا ممكن نسيب بعض
(معظمهم بيسيبوا بعض ومسمعناش عن حد منهم مات)
7-ماتصلتيش بيا ليه ياحبيبتى ...ماعييش رصيد
(بتلمحله علشان يشحنلها)
8-ماردتيش ع التليفون ليه ياحبيبتى..كنت قاعده مع ماما
( اكيد منفضاله ومش عاوزه تكلمه هاتغلب يعنى لو قامت من جنبها وردت عليه)
9-هاتتقدملى امتى
(بتتقال بمعدل 19 مرة فى الدقيقه)
10-انا بغير عليك
(تخنقه وتطلع عين اهله وتكرهه فى حياته وفى الاخر بحبك وبغير عليك)
11--كنت مع مين انا كلمتك وماردتش
(ممكن يكون فى الحمام او ماسمعش بس تلاقى وش على طول انت كنت مع واحده تانيه)
12-ايه رأيك فيا النهارده
(سؤال كل يوم)
13-انا هاقفل الموبايل بقى علشان داخله انام
(تشغل الشريحه التانيه وتكلم الواد الجديد الى اتعرفت عليه)
14-طب الموبايل هايفصل شحن سورى ياحبيبى سلام دلوقتى
(اقفل بقى غرمتنى ..دى كلها مكالمه)
15- طب سلام دلوقتى اخويا جيه
( ايه الرغى ده خرمتلى ودانى)
16-على فكرة .. انت اول ولد اعرفه و اديله تليفونى و اخرج معاه .. انا عمرى ما عملت كده ابدا
(ياراجل...أشمعنى ودانه زرقا)
17-انا مش فاهمة ليه الولاد بتبص للشكل و الجسم بتاع البنت ؟؟ بجد الولاد دول عينيهم زايغة اوى و سطحيين موت
(وهيا تلاقيها 24 ساعة متنحه فى صورة احمد عز)
18 - انا لما اتجوز لازم اشتغل .. مش بحب قعدت البيت
(علشان ماتطبخش ياباشا)

[LOLO]

معرفش ليه واخد فكره غلط علينا وعموما مش كلهم لكن معظمهم

[x×x 7o0odA x×x]

ههههههههههههههه
ميرسى يا لولو ومتزعلوش انا بهزر

[-love-]

انت عندك عقدة من البنات كله مش كلهم كدة

[x×x 7o0odA x×x]

لا والله ده هزار بس ومحدش يزعل

[x×x 7o0odA x×x]

[ريم]

-ماتصلتيش بيا ليه ياحبيبتى ...ماعييش رصيد
(بتلمحله علشان يشحنلها)

على اساس انه بيعرف يشحن لنفسه
يابنى دول بيتصلوا بالبنات ويقوللهم اشحنولى
لا بس جامد التبويك تسلم يا حوده

[x×x 7o0odA x×x]

ربنا يخليكى يا ريم

[gihadgogo]

انت اكيد فى واحدة عقدتك وطلعت عنيك وبتطلع عقدك علينا

[x×x 7o0odA x×x]

هههههههههههههه
يعنى مش بالظبط بس انا بحب اهزر معاكم