مغامرات (الحورتجى) ....... الجزء الاول >> هتموت من الضحك
انهاردة جيبلكو قصة من قصص الحورتجى
الحورتجى دة واحد ضايع بمعنى الكلمة عندو 29 سنة ولسه فى تانية اعدادى و منفصل عن مراتو لانو ليلة الدخلة اتلخبط بينها وبين اختها وانتو عارفين الباقى بقى.
ابوه مات بسببو ابوه كان بيملا مية للعربية وفاتح الكبوت وشغال زى الفل وفجاة االحورتجى راح مطلع ايدو من الشباك ومفلسع السجارة فى قفى ابوه ابوه جتلو هستريا الهرش وراح قالع ملط السجارة اتظفلطت من الامبليظ دخلت فى الكبوت وولع فى وش ابوه بعد مكان هو خرج يجيب كوكاكولا يهضم السجارة جى لقى ابوه بيولع وبيستنجد بيه قالو (والله لو عملت قرد منا مديك بق...فكك من الحورتجة بتاعتك دى)
ومات المسكين وروح بيقول لامو اعمليلى اكل بتقولو اما ييجى ابوك قالها ابويا مات انجزى انا جعان طبت ساكته.
مش حوارنا انهاردة المهم دى شوية معلومات عن الحورتجى
الاسم:حظاظة عبد الكريم عقب الباب
السن:29 سنة
المؤهلات:9 سنين فى اولى اعدادى و 8 فى تانية ولسه مكمل
الحالة العاطفية:اعذب وهيدنو اعذب وحياة امى مهيتجوز

الجزء الاول:باخد اللى انا عاوزه



صحى حظاظة من النوم الساعة 8 الصبح كعادتو(حظاظة نشيط وبيهتم بالمواعيد اوى اوى) مع انو نايم 6 الصبح بس كلو الا انو ياخر معاد الصحيان المهم صحى الساعة 8 دخل فضا المخزون وخد دش وطلع الساعة 12.45 من الحمام بعد ماخوه غرق الصالة كلها المهم خرج من الحمام اخوه بيقولو انا مش منبه عليك مليون مرة تخلص الحمام بدرى عشان انا بقوم ميت من الزنقة قالو مهو انا دخلت الحمام لقيت المواسير ضاربة رحت مطلع الموبايل واتصلت بعم سعيد السباك قلتلو ييجى يصلحها قالى انو مش فاضى لان عم عبد المتقال المنجد مات فى حادئة توكتوك التوكتوك خبط فى قطر فالقطر خرج عن مساره واتقلب على عم سعيد اللى كان ماشى عالمحطة مع خطيبتو البت سعاد بتاعت يوم التلات اللى فات مع انها مبتطيقوش وبتحب الواد سمعة القهوجى اللى هو رفع قضية حجر على ابوه عشان بيشرب سجاير كليوباترا فى البيت مع ان الكليزباترا مضرة بالصحة بس ابوه ملوش زنب لان عم عبد الله بتاع الفول مبيجيش قبل 1 الضهر عشان الحمار بتاعو بينام متاخر بعد ميشوف المسسلسل بتاع احمد مظهر اللى بييجى على بانوراما دراما هتسيب علامة فى بيتك راح اخوه قايلو بس اخرص وراح مطلع مسدس 6630 وضرب نفسو طلقة فى ركبتة جتلو سكتة قلبية ومات المهم لبس حظاظة هدومة واتصل بالماو بتاعو عبدو بستلة قالو انا هستناك عالقهوة الساعة 3.36 (مش قلتلكو مظبظط ودقيق فى مواعيو)
وصل حظاظة للقهوة على 5.30 كدة دخل وقعد وطلب شيشة كرفس وحلبة كنز وقعد مع الماو بتاعو يلعبو السمكة والصياد عشان زهقو من الشطرنج والعاب الاطفال دى بعد مخلصو الجيم جه السباك عشان يحاسبهم عالمشاريب دار الحوار دة بينهم
القهوجى:الحساب يا حظاظة بيه
حظاظة:الحساب فى الاخرة مش فى الدنيا
القهوجى:انا اقصد حساب المشاريب
حظاظة:يعنى وصل غبائك لانك عاوزنى احسبلك المشاريب بكام؟ ماجى اشتغل بدالك احسن
القهوجى:لا انا حسبتهم(فى سرو>اللى ينعل ابوك ابن كلب)
حظاظة:ايوة ولما انت حسبتهم جايلى ليه؟
القهوجى:عشان اخدهم منك يا....باشا
حظاظة:طب ويعنى مفيش حد فى القهوة غيرى تاخد منو ؟ متاخد من اى حد تانى يا حلوف
القهوجى: مش انت اللى شربتهم يا.....بيه؟
حظاظة:وهو معنى انى شربتهم يبقى انا اللى احاسب؟؟؟
القهوجى:تقصد ايه؟
حظاظة:ايه الغباء دة انت شكلك جديد هنا ياد انت ابن مين ياد؟
القهوجى:انا ابن عم عيد بتاع الشباشب؟
حظاظة:عم عيد اللى اتجوز نادية بتاعت الفجل؟
القهوجى:لا عم عيد اللى اتجوز سيدة بتاعت الطماطم
حظاظة:ايه دة هو سيدة اتجوزت؟ يا خاينة دنا كنت لسه بصيع معاها امبارح
القهوجى بعد مدمه حمى:نعم؟؟ سيدة مرات ابويا بتلف على حل شعرها؟
حظاظة:انت لسه عارف؟ دنا معاها من واحنا قد كدة
طار القهوجى عالبيت ونسى طبعا الحساب وحظاظة خد بعضو وخلع ومدفعش حاجة...
نتقابل فى جزء تانى
المهم عجبتكو ولا لا؟