:::::::::::::::::اسأله محرجه للبنات:::::::::::::::::

**~~x×x 7o0odA x×x~~** · 5 - 10 - 2008, 02:29 PM

تسلم يا زيد ربنا يخليك ليك وحشه يا مان

**mona roshdi** · 5 - 10 - 2008, 04:26 PM

10_لو بتجرى عشان تلحقى المترو قبل ميغلق الباب وانتى بتركبى قفل على النص بره؟؟؟؟

حصلت ياحودة معايا فى ترام الرمل وقفل الباب على رجلى وانا واقعة والكمسرى ولا هو هنا محطة بحالها لحد الباب مافتح بس قعدت اسبوع مش امشى

**~~x×x 7o0odA x×x~~** · 5 - 10 - 2008, 04:29 PM

هههههههههههههه لا جدعه

**~~x×x 7o0odA x×x~~** · 6 - 10 - 2008, 10:20 AM

**legendgirl** · 25 - 10 - 2008, 11:55 PM

13-انا حصلي الموقف ده بس كانت واحده ومعاها ولادها وكانوا تقريبا قاعدين ع رجلي وبعديها مركبتش ميكروباصات تاني 14- مش حلحق اعمل حاجه لاني حموت وبعدين انا حصاحب واحده بتشيل مسدسات ليه جايه من شيكاغو 6- حخاف علي نفسي ليزلطني انا كمان

**~~x×x 7o0odA x×x~~** · 25 - 10 - 2008, 11:57 PM

شكرا لمرورك يا جميل
نورتى التوبيك

**عاشقة الرومانسية** · 26 - 10 - 2008, 03:48 AM

1_لو راكبه عربيه كلها صبيان ومش معاكى مناديل ومناخيرك *****؟؟؟؟

مناخيرى ايه ؟؟ قولها وانا اجاوب
على العموم اكيد هسأل على منديل اومال اسيبها***؟؟؟؟
2_كل متعدى على حد يضحكوا وانتى مش عارفه ليه وفى الاخر اتضح ان الجيبه مقطوعه؟؟؟
هاعمل عبيطة حد لما اروح

اكيد هاطلب مساعده من اى بنوتة
بص هى على حسب القطعه

3_شاورتى لتاكسى واتفقتى معاه هيروح فين قالك اوك وبعد مركبتى قالك لا مش هروح اتفضلى انزلى؟؟؟
هانزل من كسوفى
بس هادعى عليه لحد لما اروح بيتنا وعلشان الدعوة تكون مكثفة هاروح مشى

4_لو الفيلم اللى بتحبيه بيبدأ ومخمختى وحضرتى التسالى وهتتفرجى النور قطع وقعد مده وبعدين جه فتحتى تلحقى من الفيلم حاجه لقيتى مكتوب "النهااااااااااااااااايه"؟ ؟؟؟
اول حاجة هاعملها ها اول حاجة
هاكل التسالى وهاستنى الفيلم اللى بعده
دى حتى روتانا سينما هاتعيده الصبح

5_لو صحيتى الصبح لقيتى واحد غريب نايم جنبك بعد دهشة طويله واسئلة عجيبه مالهاش عااازه عرفتى انه ابن الجيران وابوه طرده بالليل؟؟؟؟ " طبعا بتقولى دلوقتى يارب ينطرد كل ساعه"
ايه الهبل ده
دانا ابهدل الدنيا هو جاى
لغبطلى السرير
اكيد هاخد موقف بس لما يجى تانى

6_لو جالك واحد يخطبك كل متقدمى له حاجه يزلطها جبتى حاجه ساقعه رفع الزجاجه ومنزلهاش الا وهى عاريه من الداخل جبتى حلويات شمر ايده وقام بالصح؟؟؟؟
لو انا غبيه هاديله بوكس فى مناخيره وبعدين هاخليه يغسل الموااعين وينضفلى الشقة ويعمل اكل لبكرة
وبعد كده ممكن اسيبه يروح
ولو حنينه هاجيبله اكل تانى

7_لو عندك برد شديد وع الصبح ماما قالتلك يللى عشان هنضف النهارده يافتاه ؟؟؟؟
ببقى اقل من الجزمة وبنضف برضه

8_لو رقم غريب اتصل بيكى ورد عليكى واحد قالك انا صاحب خطيبك وقاللى اكلمك بداله عشان هو رايح مشوار مهم؟؟؟؟
هاشوفه عايز ايه

9_لو ماشيه فى ميدان عام وكلب حراسه سايب كل الناس وماشى وراكى تقفى يقف تمشى يمشى وراكى ؟؟؟؟
كويس اكيد هايكون حراسه خاصه
حودا انا مش قليله وانت عارف

10_لو بتجرى عشان تلحقى المترو قبل ميغلق الباب وانتى بتركبى قفل على النص بره؟؟؟؟
يالهوى بس على العموم انا مش بحب المترو اصلا

11_بتجرى عشان تسلمى على صحبتك اتزحلقتى على قشرايه موووز؟؟؟"يبدو ان صحبتك عينها وحشه"
والنعمه والنعمه اقطع علاقتى بيها ام عنين وحشة دى

12_واقفه فى اتوبيس راح قام لك شاب محترم وقالك اتفضلى وبعد خمس دقائق قالك لو سمحتى قومى عشان عاوز اقعد؟؟؟
حقه يا حودا

انا هاقوم بس هاعرى راسى وادعى عليه

13_لو ركبتى عربيه وفجأه ركب جنبك 1 بلدياتنا ومعاه اقفاص طيور وخضار وو........ وحط كل ده على رجلك وخنقك ؟؟؟
عااكله الطيور والحاجات اللى معاه دى بريشها وهاخليه يكاكى

14_لو قاعده مع صحبتك بتتصالحوا وفجأه اتعصبتوا صحبتك طلعت مسدس وضربتك 3 رصاصات هتعملى ايه!!!!
وانا بقى ان شاء الله حسيت بال 3 رصاصات ولا ايه
انت هانجت يا حودا ولا ايه

15_لو قاعد فى محاضره وواحد رخم من ورا عمال يحدف عليكى قشر ترمس ولب؟؟؟؟
هاخد منه الترمس واللب وها أكله القشر

16_كافيتريا الجامعه جبتى مشروب ساخن وعشان نيتك بلاك اندلق عليكى وبئه شكلك BAD؟؟؟
اكيد هاعمل انى فى حفله تنكرية واقلب عبيطة
بس اكيد لما يعدى الموقف ده مش هاروح المكان الوحش ده تانى

17_لو نازله من غير فلوس وخطيبك عزمك على كشرى او عصير قصب وهو جاى يحاسب طلع ناسى المحفظة فى البيت؟؟؟؟
كشرى وعصير قصب يا نهارى
وكمان خطيبى اكيد هامشى علشان ماعرفهوش

18_لو راكبه ميكروباص وجنبك ست كبيره اوى وبمعدل كل دقيقتين تبصلك اوى فى وشكككك وتقعد تضحك على اخرهاااااا؟؟؟؟؟
اعملها ايه هبله
بس على العموم انا لما بشوف حد بيضحك اوى بضحك انا كمان
يلا مصلحه هانقعد نضحك على بعض

19_لو دخلتى الحمام تاخدى دش ....سمعتى صوت عمال يقول ....يامعفنه يامعفنه يامعفننننننننهههههههه؟؟؟؟ ؟
هاقول طيب خلاص انا بستحمه اهو
او ممكن اسيب الحمام واخرج
واحلف ماستحماش تانى

20_لو صبحتى الصبح لقيتى فى قرار بيقول البنات من سن 17 سنه لحد 25 هيدخلوا الجيش؟؟؟؟؟

على اساس انى عبده

نايس توبيك يا حودا يا جامد

**~~x×x 7o0odA x×x~~** · 26 - 10 - 2008, 09:45 AM

المشاركة الأصلية كتبت بواسطة عاشقة الرومانسية