قفلت باب القلب من خواطر عصام قمر

[عصام الدين محمد]

قفلت باب القلب عن أي نسمة حب


قفلت حتي عيوني وقلت أخد جنب


ولو صادفني اللي ممكن أميل إليه


أسهر ليلي أدعي ابعدني عنه يارب

********

ما تلوموش عليا أصل اللي شفته كتير

سلمت قلبي زمان وكنت لحبيبي أسير

يأمر ويتحكم وانجرح وألملم

وهان عليه قلبي دبحه زي الطير

********

معذور قلبي يخاف من كتر ما ف يوم شاف

وإزاي يآمن تاني ويساير قلوب ما تخاف

قلوب تعيش لحظتها وعارفة ايه سكتها

لو قلت وعدت فيها ما تكفيش الأوصاف

********

علشان كدة بقولك إمشي ومتحاولشي

غيرك ياما حاول وبردو ماوصلشي

وليه اسيب بر أمان وأنا الغرقان

بحر الهوي غدار لو نزلته مهطلعشي

*********

من خواطر عصام قمر

[حرف مشتعل]

ملجم كلامى امام هذا الانسكاب المترف

سلم البنان الخلاق

[عصام الدين محمد]

ملجم كلامى امام هذا الانسكاب المترف

سلم البنان الخلاق

اشكرك حلرف مشتعل علي مروركم الجميل وتعليقكم الأجمل
عصام قمر