قهوتنا على الانترنت
ابحث عن :  
النتائج 1 إلى 5 من 5
  1. #1

    سؤال بالله عليكم ساعدونى....فيدونى بارائكم ووجهة نظركم بارك الله فيكم

    انا عندى 22 سنه حبيت شخص من ع الفيس واتعرفت عليه واعجب بشخصيتى وبكلامى وانا كنت بتكلم معاه ف حدود الاصدقاء مش اكتر بس اتفجأت بعدها بكلامه انه بيحبنى فاستغربت من كلامه ومش كنت مقتنعه ان ممكن يكون ف حب من ع النت والكلام دا وانا ف الفتره دى كنت بره مصر لما رجعت قبلته واتعرفت عليه وجها لوجهه ولقيته انسان كويس ومحترم جدااا (الانسان بيبان) واتكررت مقابلتنا كتير وانا ف الاول مش كان ف دماغى الموضوع بس بجد لقيته انسان محترم فقولت ليه لا بس بعد ارتباطنا بشهر تقريبا اعترفلى بحاجه كان مخبيها عليا (انه اصغر منى بحوالى 4 سنين) بصراحه اتصدمت وكنت ف حالة زهول شديد وتعبت اووووى وقالى انا خبيت عليكى الموضوع دا ف الاول لانى كنت خايف تضيعى منى بس بصراحه ضميرى انبنى وحاسس انى عامل جريمه وانك لازم تعرفى وقالى لازم تقدرى صراحتى دى معاكى انا اه غلطت ف الاول انى مش عرفتك بس كان كل همى انى خايف انك تسبينى وبصراحه انا حاولت انى ابعد عنه بس مش قدرت لانى حبيته بجد وكمان لانى عارفه ان حوار السن دا مش هيوافقو عليه ف البيت فى حين انى خلصت كليتى وهوا لسه ف اولى هندسه وبيتقدملى ناس كتير وبرفضهم بسبب الحوار دا وطبعا عمرى مااروح اقولهم ف البيت عندى انى اتعرفت علي الشخص دا من ع النت لانهم هيرفضوووووا خاااااااااالص بالله عليكم عايزه اعرف ايه رايكم ف الموضوع دا وانا كدا صح ولا غلط؟؟؟؟؟؟؟ لانى بتعب لما الاقى اى حد يقولى مفيش اصلا حب من ع النت وفى نفس الوقت هوا عايز يثبتلى عكس كدا تماما ويقولى قوليلى اعمل ايه اثبتلك بيه لو عايزانى اكلم ماما وافهمها انى بحبك وان انتى بقيتى ليا ومش اقدر استغنى عنك اعمل كدا بس انا اللى رافضه الحوار داوهوا من ناحية الماديات متيسر يقدر يخطب يعنى وكدا .............. بس كل سؤالى ان حوار السن دا عادى والوسيله كمان اللى عرفته بيها عادى؟؟؟؟؟انا اسفه انى طولت عليكم بس كنت عايزه اجمع كل نواحى الموضوع او التساؤلات اللى ممكن اى حد يكون عايز يعرفها

  2. افتراضي

    بصي يا حبيبتي بالنسبة للحب فبيجي بمختلف الطرق ملوش حدود بس حكاية انك اكبر منو اكيد هيبقي تفكيرك انضج وده ممكن يعمل مشاكل بعدين انتي بتقولي لسة مخلصش تعليمة يا تري هتستنية 4 سنين علي ما يخلص صلي استخارة وفكري بتأني وان شاء الله ربنا يقدملك الي فيه الخير

  3. #3

    افتراضي

    اقتباس المشاركة الأصلية كتبت بواسطة هميس مشاهدة المشاركة
    بصي يا حبيبتي بالنسبة للحب فبيجي بمختلف الطرق ملوش حدود بس حكاية انك اكبر منو اكيد هيبقي تفكيرك انضج وده ممكن يعمل مشاكل بعدين انتي بتقولي لسة مخلصش تعليمة يا تري هتستنية 4 سنين علي ما يخلص صلي استخارة وفكري بتأني وان شاء الله ربنا يقدملك الي فيه الخير
    اوكى انا كدا فهمت ان حوار النت دا عادى لان ف ناس كتير بتبقى فكراه حب من ورا الشاشه وخلاص تانى حاجه حوار انى فكرى انضج من فكره بسبب فرق السن فبصراحه انا حاسه ان تفكيره ناضج جداا واسلوبه وطريقة حواره كويسه خااالص والا كنت انا لحظت عليه حاجه زى دى وبصراحه انا صليت استخاره فيه وحاسه ان لحد الان مستريحه له وانا سيباها لله لانه كله ف الاول والاخر نصيب وشكراا ع اهتمامك وردك وجزاكى الله خيراا

  4. افتراضي

    اقولك على حاجه يا قمر انا عن نفسي رومانسيه جدا وبالنسبه للطريقه مش مشكله خالص لان الانسان اللى هتقبليه في اى مكان اكيد موجود على النت برده انا قصدى اقول ان اللى موجودين على النت هما اشخاص وناس فعلا وموجودين في الحقيقه موضوع انه ممكن يكون بيكدب مثلا دى بتتعرف مع الوقت وكدا كدا لو اتعرفتى على حد وهو كداب في الحقيقه مش هتفرق نت او غيره انا عايزه اقولك ان موضوع النت دت مش بقى مشكله طالما انتوا وصلتوا انكوا فهمين بعض خلاص انما بالنسبه لسن اللى هيعترض اهلك واهله ويمكن من طرف اهله اكتر من اهلك بس لو هو فعلا بيحبك هيقدر يقنعهم انا اعرف ناس كتير بيكون الفرق بنهم خمس سنين كمان ومن ناس قريبين منى كمان مش بعاد فمتستغربيش القصه عايزه اقولك انك تلاقي حب في الزمن دا هو اللى معجزه من المعجزات وانك تلاقي حد صادق معاكى وقلب تكون نغمتك زى نغمته بتعزفوا على وتر واحد هى اللى مش موجوده خالى بالك من نفسك ومن حبيبك واتاكدى اكتر وخالى الموضوع رسمى ومتخبيش حاجه

  5. #5
    تاريخ التسجيل
    21 - 12 - 2011
    ساكن في
    المنصورة
    العمر
    32
    المشاركات
    333
    النوع : انثيEgyptالفريق المفضل  : الزمالك

    افتراضي

    الحب مش ليه مكان ولا زمان
    الحب عن طريق النت او عن طريق الفون
    او عن طريق الجامعه او جيران او قرايب ......

    فى الاول وفى الاخر دا
    حـــــــب
    مش ليه غير معنى واحد واحساس واحد

    انتى حبيتى انسان ومتاكده انه بيحبك يبقا مش فى حاجه اسمها عن طريق اية ؟؟

    اما بالنسبة للفرق فى السن فاانا شايفه انه عادى بردة هى مش بالسن
    و
    سيدنا محمد عليه افضل الصلاة والسلام تزوج من السيدة خديجه وهو اصغر منها بكتيرررر

    تمسكى
    بحبيبك لانة شكلة بجد بيحبك وحافظى عليه
    وربنا يوفقك فى حياتك ياقمراية ويسعدك
    وتيجى هنا قريب وتعرفينا انك اتخطبتى


 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. وفاة مايكل جاكسون(صورة مايكل داخل الاسعاف)
    بواسطة ملكة القلوب في المنتدى صور
    مشاركات: 24
    آخر مشاركة: 28 - 10 - 2010, 05:24 PM
  2. يعنى ايه فلان طين (valantine) بس بلغة الشباب البيكى بيكى
    بواسطة xXx SHaDY xXx في المنتدى خمسة فرفشة
    مشاركات: 8
    آخر مشاركة: 8 - 8 - 2010, 12:16 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©