عشر طرق عشان تعكنن على مراتك

[Ahmad Misk]

عشر طرق عشان تعكنن على مراتك
1-
اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة
طبعا يُراعى ترك آثار سمنة على الارض مع ترك التلاجة مفتوحة وقشر البيض فى الحوض
*******
2-
اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله
ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب
ملاحظة : اغلب النساء ذوو ثقافة كروية ضعيفة
*******
3-
الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
*******
4-
فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
*******
5-
لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
*******
6-
ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده
*******
7-
لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
*******
8-
لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
*******
9-
لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟
*******
10-
وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني
*******

[emy]

سوري يعني ده يبقي زوج بارد ولو انا اتجوزت واحد عمل معايا كده هرميه من البلكونه اكيد طبعا او هحطله سم في الاكل ههههههههه هو اللي جني علي نفسه .

[jewel_lowis]

لا تعليق

[Ahmad Misk]

سوري يعني ده يبقي زوج بارد ولو انا اتجوزت واحد عمل معايا كده هرميه من البلكونه اكيد طبعا او هحطله سم في الاكل ههههههههه هو اللي جني علي نفسه .

ههههههههههههههههههههههههه ه

حلوه الحلول الجذريه ديه

تسلمي على الرد

نورتي

[Ahmad Misk]

لا تعليق

ههههههههههههههههههههه

تسلمي على الرد يا إنجي

[No TiMe]

لو كل واحد في بيتو كدا كان كل الناس طفشو من بعض وحلو الموضوع دا ويا ريت تجيب نكد كمان

[Ahmad Misk]

لو كل واحد في بيتو كدا كان كل الناس طفشو من بعض وحلو الموضوع دا ويا ريت تجيب نكد كمان

ههههههههههههههههههههههههه ههههههههههههههههههههه

ده انت تؤمر

هههههههههههههههههههههههه

[x×x 7o0odA x×x]

تسلم يا مان على التوبيك الجامد ده
نايس يا برنك

[-Nona-]

ههههههههههههههههههههههههه هههههههه

واللهى لو اتجوزت واحد بشكل ده هيموت هيموت محروق مقتول هيموت

[evil heart]

تسلم يا مان علي الموضوع الجميل ده
ومنتظرين منك المزيد