قهوتنا على الانترنت
النتائج 1 إلى 4 من 4

الموضوع: بحبك

  1. افتراضي بحبك

    بحبك يا ام طيف سارح
    رمشك حده سيف جارح
    ما بين ريقك رحيق معسول
    وتفاح الخدود طارح
    بحبك حب خلانى اغنيلك
    وانديلك
    واسهر ليل طويل ورا ليل
    استنى مراسيلك
    بحبك يالى لون عينك
    بلون البحر اسرنى
    اسافر كيف انا بلدى
    وشطك لسه اسرنى
    بحبك رغم كل جراحى وألامى
    سنين عايش غريب وحدى
    ولا غيرك ف احلامى
    بقول الأه
    واخطى فوق ظلام الليل
    اقول يمكن تكون سمعاه
    اغنيلك كمان مواويل
    واستنى على شطك
    هواكى يشفى كل عليل
    انا لفيت على شطك
    وعشقك علتى ونارى
    جوا القلب انا حاطك
    وقلبك سكنتى ودارى
    نسيت الكل ما نسيتك
    وعشقك فيا كيف السيف
    يا مين يعرف طريق بيتك
    ما هوا العشق مش بالكيف
    اسيبك مين هتقبلنى
    حروفك فيا مكتوبه
    ومين عنك هتشغلنى
    ومين تبقالى محبوبه
    ان حبك ملينى جراح
    ورغم الجرح انا عاشقك
    معاكى الأه هنا وافراح
    وقلبى للهوى سابقك
    بحبك لما تبتسمى
    وتترسمى كما الغزلان
    بحبك لما بتخطى
    وبتدوسى على الأحزان
    بحبك لما تهوينى
    واحبك لما تجفينى
    واحبك لما بسهرلك
    ونار هجرك بتكوينى
    بحبك يالى ضيك كيف قمر
    ملهوش اوان وزمان
    بحبك يالى نور عينك
    بينور ف كل مكان
    بحبك

  2. #2
    تاريخ التسجيل
    7 - 5 - 2011
    ساكن في
    اسيوط_البدارى
    المشاركات
    891
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    الله الله الله روعه
    ابارك واهنى لك صعودك السريع لقمة التألق
    كلمات روعه لمست منى القلب والوجدان
    كانت فين الحجات الحلوه دى
    اخيرا اتمنى لك التوفيق
    ودمت بألق
    محسن البدراوى

    لاتشكو للناس جرحا أنت صاحبه ******* لايشعر بالجرح إلا من به ألم

    البحث على جميع مواضيع العضو محسن البدراوى

  3. #3
    تاريخ التسجيل
    29 - 8 - 2010
    ساكن في
    بين الامل والرجاء
    المشاركات
    7,293
    مقالات المدونة
    1
    النوع : انثيEgypt الفريق المفضل  : الاهلي

    افتراضي

    ما اعذب قطرات المداد التى خطت تلك الحروف

    فاقت كل شيىءجنالا وعذوبه

    كن بالعلا ابدا

    وطبت
    رب انى مسنى الضر وانت ارحم الراحمين

    البحث على جميع مواضيع العضو حرف مشتعل

  4. افتراضي

    الرائع هو تعليقك اخى محسن
    شكرا لكلامك اتلجميل

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©