20 جمله معظم الشباب بيقولوها للبنات

[x×x 7o0odA x×x]

السلام عليكم ورحمة الله وبركاته

1- حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2- يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)



3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14- ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)


هههههههههههههههه
اكيد طبعا مش كل الشباب كدة

[خاطر]

حرااااااااااااااااااااااا اااااااااام عليك
انتا معانا ولا معاهم
اكيد انتا اللى بتعمل كده
هههههه

[x×x 7o0odA x×x]

هههههههههههه
لا والله يا مان انا غلبان
بس حبيت اكتب عن الولاد شويه عشان البنات متزعلش
وشكرا يا حبيب هارتى

[x×x 7o0odA x×x]

[gihadgogo]

ايوة كدة اعرف ان الله حق وان مش البنات بس اللى وحشين

[x×x 7o0odA x×x]

هههههههههههه
ميرسى وشكرا لمرورك الجميل ده

[emy]

يمكن مش كل الولاد كده بس هوالاغلب دلوقتي كده ربنا يهديكوا
ده من اجمل المواضيع يا حودا ميرسي بجد .

[x×x 7o0odA x×x]

تسلمى يا ايمى ربنا يخليكى

[-Nona-]

انت كتبن الموضوع ده علشان تعرفنا انك مش عندك عقده من البنات خالص هنعديها بس بقى اكتب الى بعملوا الشباب يا مان
ههههههههههههههههههههههههه ههههههههههههههههههههههههه ههههههههههه

ماشى هتعديها بس ياريت موضيع كتير عن الى بيعملوا الشباب خف على البنات شويه
ههههههههههههههههههههههههه ههههههههههه

الموضوع جميل يا حودا
و تسلم الايادى

[x×x 7o0odA x×x]

ميرسى ليكى يا نونا وتسلمى على مرورك الجميل ده
وانا والله مش متعقد من البنات دى هى بنت واحده وراحت لحالها