يوميات شاب روش طحن ...حكايه روشه طحن

[x×x 7o0odA x×x]

كان يوم خميس


الساعه10 الصبح و صاحبنا بيقوم من النوم

ليه؟؟؟

علشان يلحق الكليه بتاعته (( طبعاً مش المحاضرات ))

صاحبنا في كلية تجاره انجلش

المهم .......

قام من النوم و علي حمامه الظريف (( طبعاً نايم بالشورت ))

اخد الدش (( الشاور )) بتاعه و غسل سنانه ب (( سيجنال 8 ))


و بعدين خرج علي اوضته تاني ليه ؟؟

علشان يلعب شويه سويدي علشان الفوقان و الصحه


المهم لعب شويه و بعدين بداْ يلبس هدومه

فتح الدولاب و طلع (( البادي الأحمر و الشراب الأحمر و الكوتشي الأحمر))

و ماتنسوش (( البنطلون الباجي الأحمر ))

((((((( الي هوه وسطه تحت الركبه ب 5 سم ده )))))))

المهم لبس و خلص اللبس بتاعه و راح وقف قدام المرايا حوالي ساعه و نص

ليه (( اصله كان بيضرب جيل و كان بيحاول يوقف شعره )) المهم الحمد لله شعره وقف و بقه تمام

بص لنفسه شويه في المرايه و كان مبسوط اوي بنفسه

و حط البرفان الي بيجيب لأخر الشارع

الساعه دلوقتي 1 الظهر

نزل و بعد ما اخد مصروفه الي باباه سايبهوله علي الكومودينو

و نزل من البيت (( علي فكره باباه سايبله30 جنيه مصروفه في اليوم ))


قبل ما يمشي عدي علي السوبر ماركت الي تحت البيت و اشتري علبة مناديل

و كمان اشتري علبة سجاير (( مارلبورو ابيض )) علشان الصحه برده

و بعد كده شاور للتاكسي بطرف ايده كده

و ركب (( الجامعه لو تسمح يا اونكل ))

نزل قدام الجامعه و كانوا اصحابه و صحباته واقفين مستنينه

هاي يا مشمش ازيك

الحمد لله انا كويس المهم انتي يا نونه

كويسه

اخبار الشله ايه

كلهم قاعدين مستنيينك جوه

يلا نخش بقه

اوك يلا بينا (( اوف ايه الشمس ديه ))

المهم دخلوا الجامعه و علي الكافيتيريا عدل

لقيوا الشله كلها هناك

هاي

هاي

هاي

سلموا علي بعض و بوس و احضان كأنهم ما شافوش بعض من 10 سنين

صاحبنا :: انا مخنوق و عايز اشرب النيسكافيه بتاعي

المهم جاب النيسكافيه وشربه و قضوها هزار و تهريج و ضحك و لعب و جد و حب

خلصوا و الساعه 7 المغرب

طلعوا و روحوا كل واحد علي بيته

صاحبنا روح لا مذاكره ولا نيله قلع هدومه و اخد الدش و نام لحد الساعه 10

قام من النوم علشان يخرج و فتح الدولاب و طلع منه

(( البادي الأصفر و الشراب الأصفر و الكوتشي الأصفر ))

(( ما تنسوش برده البنطلون الباجي الاصفر ))

(((((( و برده وسطه تحت الركبه ب 5 سم )))))))

و نزل بعد ما اخد فلوس من مامي حوالي 50 جنيه

و ركب التاكسي

"" علي الديسكو لو سمحت ""

و وصل و قابل كل اصحابه و دخلوا الديسكوا و هاتك يا رقص و معاكسة بنات

لحد ما الواد يا عيني تعب و نفسه اتقطع

قرر انه يروح بدري (( زي كل يوم ))

و هوه مروح و في التاكسي

كان في كمين علي الطريق

التاكسي وقف و الضابط سأله عن بطاقته (( طبعاً مفيش بطاقه ))

الضابط نزله و لقاه كده مش علي بعضه

قاله انت ياد شارب ايه

و مالك كده مش علي بعضك

ربنا يحرقك (( مليتوا البلد ))

و هنا

و بعد كل الي حصل

و فين و فين

صحي من النوم

و قرر (( انه مش هيتفرج علي افلام رعب قبل ما ينام و يقضيها كارتون احسن ))

((( علشان الكوابيس الي بتجيله دي )))

هههههههههههههههه
متنسوش الردود

[x×x 7o0odA x×x]

[x×x 7o0odA x×x]

القصه حلوه والله فين الردود

[gihadgogo]

انت بتشتغلنا يعنى بقى بعد ده كله وفى الاخر تقولى بيحلم بس على العموم هى حلوة والله

[x×x 7o0odA x×x]

ههههههههههه
تسلمى على المرور الجميل ده

[×X× sHeKo0o0o ×X×]

هههههههههههه
تسلم يا غالى على التوبيك الجميل ده
و على الاشتغاله الشديده دى

[nehal----nunu]

لوووووووووول اول توبيك اشوفهولك بجد دمك خفيف

[x×x 7o0odA x×x]

ميرسى ليكى منوره الموضوع والله

[x×x 7o0odA x×x]

[x×x 7o0odA x×x]