نداله فى نداله....ادخل وانا اخليك اندل واحد

[x×x 7o0odA x×x]

نفسك تبقى ندل!!!؟؟؟؟؟ اسمع وركز معايا فى المواقف دى كويس
وانشاء الله تبقى دكتوراه فى الندالة

فى المترو
=================
فى المترو وانت راكب المترو عادى زى مخاليق ربنا

لاقيت واحدة شكلها تعبانة وعماله ترسم على أى كرسى
ال يعنى تعبانة بجد وعايزة تقعد
المهم واحد عمل فيها أبن البلد الشهم وقلها أتفضلى يا ماما
رحت حضرتك زى البراشوت راشق على الكرسى
طبعا اول مبدأ من مبادىء الندالة انك تعمل عبيط
(( أمال بيطالبوا بالمساواة أزاى ))


===============
فى المترو
===============
طبعا اللى مركبش المترو بتاع خط حلوان المرج او شبرا المنيب
يبقى مجاش مصر من أساسه
المهم
حضرتك راكب فى المترو وطبعا فى محطات بيبقى المترو زحمة جدااااااااا
بتعمل انت ابن البلد الشهم
وتمسك الباب لاى واحد جاى علشان يركب
واول ميبقى خلاص هيركب بتقوم سايب الباب يقفل

===============
فى العزاء
===============
لو أنت وواحد صاحبك فى عزاء
أعمل أى حاجة تخليه يضحك وأول ما يضحك أعمل فيها الشاب الهمام
وقوله متخلى عندك دم يا أخى ويا سلام لو تكون بصوت عالى

=============
فى الشارع
=============
لو وانت ماشى فى الشارع قابلتك واحدة ست عجوزة
وقالت لك عدينى الشارع يا ابنى اللهى يسترك
طبعا بتأخدها وتعديها وتسيبها فى الجزيرة اللى فى نص الطريق وتعمل عبيط

============
فى النت
============

لو اتعرفت على مجموعة ناس عن طريق النت وحبوا انهم يشوفوا سحنة حضرتك
اتفق معاهم على الميعاد والمكان

ويا سلام لو تختار مكان مفيهوش اى حته ظل
والشمس تأكلهم
وتديهم بمبة وتفلسع ومترحش

============
فى البيت
============
أبوك بيتخانق مع امك كالعادة
تيجى أنت بقى علشان تهدى النفوس تقوله بينك وبينه
دى وانت مش هنا كانت بتقول عليك أنك راجل جربوع
لو كنت أتجوزت ابن عمى كان زمانه مهنينى
وأنك كنت بتبوس التراب اللى بتمشى عليه
وبعد كده تروح للحاجة الوالدة
وتقول لها دا بيقول عليكى انك كنتى هتموتى عليه
وكمان بيقول انك مكنتيش عجباه
وابوه هو اللى غصبه على الجوازة الفقر دى علشان ابوكى صاحبه

طبعا بعد كده ممكن يقتلوا بعض وهتعيش انت مستريح بقيت عمرك


=============
مع أصحابك
============

لو صاحبك غلبان أوى وملوش فى اى حاجة
وانتوا ماشيين فى الشارع زقة على اى بنت
وبعدين زعق له وقوله برضه مش هتبطل قلة الادب دى
قلت لك مليون مرة وانا ماشى معاك متعاكسش بنات

طلعا البنت هتديله باللى فى رجلها
وانت تسيبه وتخلع لان اول مهى هتديله باللى فى رجلها
الشعب كله هيبقى فى اللحظة دى ابن بلد وهيأكل علقة مكلهاش حرامى غسيل


===========
مع أصحابك
===========

لو صاحبك هو هو اللى فات بيحب واحدة جميلة أوى
أتعرف عليها أنت وظبتها وأديله أستمارة 6


===========
مع أصحابك
===========


لو انت وصاحبك ماشيين بالليل متأخر
وخير اللهم أجعله خير طلعت عليكم قبيلة من الكلاب الضالة
حاول بأى شكل من الأشكال أنك تهيجهم

وبعدها أجرى انت وهو بقى
علشان من حفر حفرة لأخيه وقع فيها

[حبيبة]

قمة الندالة
جامدين اوى يا حودا تسلم ندالتك يوووووووووووه قصدى تسلم ايديك
بس بجد احنا ليه لما بنبقي في عزا بنضحك

[x×x 7o0odA x×x]

ههههههههههههههه
مش عارف والله انا بضحك و خلاص غصب عنى بشوف كله زعلان بفضل اضحك على شكلهم
وتسلمى على الردود الجامده دى

[حبيبة]

صح غصب عننا انا بحاول ازعل نفسي بس مبعرفش
المهم تسلم انت ياعم
وكل سنة وانت طيب للمــــ5ـــــــرة

[x×x 7o0odA x×x]

ههههههههههه
وانتى طيبه للمره ال5 برضه
والله منورانى

[حبيبة]

منوراك برده هو انت سلم عمارة مطفي ولا شقة نورها مقطوع
وبعدين مالك بتقولها وانت قرفان كده لو مضايق خلاص هرد برده علي مواضيعك
عادى يعنى

[x×x 7o0odA x×x]

هههههههههههه
لا حلوه

[طيف عابر]

حلوة النداله يا حودا انت طلعت معلم بئة
مشكوووووووووووور وتسلم الايادي يا رب

لو اتعرفت على مجموعة ناس عن طريق النت وحبوا انهم يشوفوا سحنة حضرتك
اتفق معاهم على الميعاد والمكان

ويا سلام لو تختار مكان مفيهوش اى حته ظل
والشمس تأكلهم
وتديهم بمبة وتفلسع ومترحش

[jewel_lowis]

يابنى ...........يابنى
اعمل حاجه كويسه فى حياتك بقى
ههههههههههههههههههههههههه
كل سنه وانت طيب

[x×x 7o0odA x×x]

تسلمى على المرور الجميل ده
وكل سنه وانتى طيبه