في العيد ( 1 ).... مع علي مدكور

**طيف عابر** · 1 - 10 - 2008, 12:19 PM

مقدمة

في العيد احببنا ان نلتقي مع انسان مميزنتعرف به اكثر
هو صراحة انسان مجتهد

طموح

صبور الى ان يطفح الكيل وعندها تنقلب معه الموازين

مخلص جداً في عمله وبصمت

لا تهمه عبارات المدح والثناء بقدر ما يهمه العمل والجد في العمل

يحب دوماً التجديد والتطوير

مبدع في مجال عمله

يعمل ليل نهار من اجل رقي ونهضة ورفعة المنتدى

اكيد طبعا عرفتوه

اكيد هو مفيش غيره

علي مدكور

بصراحة الاسم بيخليك تفتكر انه عمره 30 او 40

طبعا هو لسه واصل 50 من كم شهر بس

ترحيب

السلام عليكم

بداية نرحب بك ونشكرك على قبول الدعوة
لأ ازاي ليا الشرف طبعاً

------------

ممكن نتعرف عليك اكتر

اسمي علي مدكور داخل على العشرين سنة اهو يا مسهل

--- ماذا يعني لك العيد

اهم ميزه في العيد سؤال العائله والاصحاب عن بعض ولمة العيد

--- كيف تقضي اول يوم في العيد
بصلي صلاة العيد وبعدي على قرايبي بعد الصلاة بعد كده مكمن انام شوية واخرج بليل انا واصحابي

--- هل تقبل على اكل الحلوى في العيد ام تحرص على عدم الاكثار منها
لأ عادي بس مش بكتر منها

حدثنا باختصار عن ماذا يعني لك رمضان وان كنت تعتبره شهر مميز ولماذا؟؟
انا بحب شهر رمضان جداً وبعتبره شهر مميز طبعاً في كل حاجة اهمها انه بيجمع العيله وبيقوي علاقتنا مع الله سبحانه وتعالي و فرصه يا حظ من اغتنمها
------------

--------------
حدثنا عن الاصناف التي ترغب بوجودها على مائدة الطعام يوميا
انا بحب السبانخ وطبعاً السلطة .. والأكيد أي لحوم

-----------------

((( عن المنتدى)))

كيف بدأت فكرة انشاء المنتدى ؟؟؟
هي الفكرة بدأت ان كان عندي منتدى قبل ده والمنتدى كان بدأ يكبر يوم بعد التاني بس كان اسمه صعب شوية فمكنش بيتحفظ بسرعة فكرت اعمل اسم يكون سهل في الحفظ فأخترت الاسم ده

ومن اول شخص ناقشته فيها ؟؟

مفيش شخص معين بس اتكلمت مع اصحابي فيه والحمد لله بدأنا تصميمه وبدأ يكبر يوم بعد يوم

ومن كان الاول في مد يد العون لك لتنفيذها واظهارها الى النور ؟؟

والله كل الأعضاء لأن المنتدى بدون أعضاء بيساوي صفر يعني الاعضاء هي اللى بتعمل المنتدى وطبعاً روح الأخوة والمحبة بينا بتفرق كتير في حبنا للمنتدى

هل ندمت يوما على انشاء المنتدى ؟ متى كان هذا ؟؟ ولماذا ؟؟

لأ الحمد لله لدوقتي مفيش وقت معين ندمت فيه على اني عملت المنتدى لأن اي حاجة شايفها غلط على الأقل بحاول اصحلها

هل هناك اعضاء او مشرفين معينين تود توجيه اي كلمة او عتاب لهم ؟؟

ما اكثر الاقسام التي تلفت نظرك ؟؟
هو طبعاً الاقسام المهمه في المنتدى عندنا القسم العام وقناة مصراوي كافيه خمسه فرفشة وباقي الاقسام بتكبر بردو الحمد لله

هل تجد صعوبه عند ترشيح مشرفين ؟؟
أكيد طبعاً لأن المشرفين واجهة للكافيه وبتبقي صعب لما ارشح واحد ومش يكون مشرف بعدها فلازم افكر كذا مرة قبل ما ارشح الشخص ده واحياناً بآخد رأي ناس معيين في العضو اللى هيترشح

وهل تتأنى في اختيارهم ؟؟؟
أكيد لأن زي ما قولتلك فوق ان بيكون صعب يترشح وميكنش مشرف بعد كده

هل ندمت يوماً على اختيارك لمشرف او مشرفه معينة ولماذا ؟؟؟
لأ

(( الحياة الاجتماعيه ))
ما دور العائله في نجاح علي مدكور ؟؟

انا عائلتي تعتبر كل حاجة في حياتي وبعد ما خلصت الثانوية العلاقة كويسه الحمد لله

كيف توفق بين الدراسه والعمل

بالنسبة للدراسة فانا قبل كده كنت مش مهتم بيها او بمعني اصح بدرس حاجة انا فاهمها كويس فالموضوع بيكون سهل وكنت بجيب تقدير الحمد لله بس السنة ناوي اهتم شوية ان شاء الله آما بالنسبة للعمل .. فأنا يعتبر اللى بعمله ده مش شغل بمعني الكلمة

بعتبره هواية او تسليه

ما مواصفات الفتاة التس ستحظى بلقب زوجة علي مدكور ؟؟

((مع الاعضاء))

شاركنا حكمة او حديث او قول اعجبك

اعمل لدنياك كأنك تعيش أبدا واعمل لآخرتك كأنك تموت غداً

وجه نصيحة للاخوة الاعضاء والمشرفين

اعمل لدنياك كأنك تعيش أبدا واعمل لآخرتك كأنك تموت غداً

**jewel_lowis** · 1 - 10 - 2008, 12:29 PM

لقاء جميل يا طيف
وبشكر على مدكور على كلامه الموزون

وكل سنه وانتم طيبين

**أحمد عمر** · 1 - 10 - 2008, 12:35 PM

لقاء ممتع ورائع مع عضو مميز

**Dr: Adnan** · 1 - 10 - 2008, 12:45 PM

كل سنة وانت طيب استاذ علي ومرسي طيف على اللقاء الطيب

**mona roshdi** · 1 - 10 - 2008, 12:49 PM

بصراحة الاسم بيخليك تفتكر انه عمره 30 او 40

***************
لقاء رائع مع انسان رائع يجبرك على احترامة
لما دخلت المنتدى وعرفت الاسم ((على مدكور))وتعليقاتة الرائعة والرزينة
كنت اعتقد انة فعلا تخطى الاربعين وبعد كدة عرفت سنة -- شعرت والله بفخر وتمنيت من الله تعالى دوام الرقى لهذة الشخصية النادرة الوجود
وكل اللى استطيع قولة ان فعلا النهاردة عيد لطلة على وكلامة الرائع بارك الله فيك طيف على الحوار والمقابلة الرائعة.