هل الهزار والضحك يفقد الشخص الهوية؟ولا ايييه؟

[-Nona-]

السلام عليكم ورحمة الله وبركاته



مرة واحدة صاحبتى كان عندها مشكلة



وللأسف مكنش ادامها غيرى


لأن انا الوحيدة اللى كنت متواجدة فى الوقت ده


وهى كانت على آخرها خالص يعنى




المهم قالت تحكيلى يعنى على سبيل الفضفضة مش أكتر



اتفاجئت بأنى



بسمعها

وبنصحها

وجبتلها أدلة من القرآن

والأحاديث


ومواقف من السنة والصحابة

وأقوال ماثورة


يعنى من الآخر
اديتلها نصيحة تمام



لقيتها بتقولى



ربنا يزيدك من علمه



بس انا مكنتش متوقعة ابدا انك كدة!!!!!!!!!!


قلتلها كدة ازاى يعنى




قالتلى





اصل انتى دايما بتضحكى وتهزرى


وبنحس انك وسطنا طفلة صغيرة


عمرى ما توقعت ان ممكن عقلك يكون كبير




افتكرت ان مرة كمان واحدة بحبها اوى قالتلى



انت بلا هوية


برضه علشان بضحك وبهزر طول الوقت




السؤال دلوقتى


هو الواحد علشان يكون بيعرف يفكر ودماغه كويسة


يفضل مكشر طول الوقت؟

لازم يقعد مرسوم كدة والعلم يبقى مكتوب على جبينه؟



ولا هى الناس بتاخد بالشكل الخارجى؟


مش المفروض اننا نختبر الشخص بمواقف
مش بنكتة!!



واخيرا


هل الضحك والهزار وخفة الدم تفقد الشخص هويته؟؟؟؟؟؟


محتاجة آارئكم

وأسفة ان الموضوع جه فى العيد sorry

كل سنة وانتم جميعا طيبين

[شيري]

انا احييكي انك فتحتي مثل هذا الموضوع
طبعا خفة الدم والروح لا تفقد الشخص هويته فانا مثلك كذلك احب الضحك والهزار كثيرااكن احب ان انصح صديقاتي واساعدهن في مشاكلهم بالعقل والجدية فانا اؤكد لك ان الضحك والهزار لا يفقد الشخص هويته
وكل سنة وانت طيبة

[jewel_lowis]

نونا
بصى
بصراحه الناس بتاخد بالمظاهر اوى
لكن طول عشرتك لاصحابك
والمواقف الى بتمر بيكم
هايعرفوكى كويس
ويعرفو عقليتك كويس
انا مثلا ناس كتير بتتعامل معايا فى الشغل او فى اى حته
والاقيهم بعد شويه كده
بيقولولى ايه
بصراحه احنا اول ماعرفناكى ماكناش طايقينك
وفكرينك مغروره
ومتعنطظه على الفاضى
لكن اول ماقربنا منك لاقيناكى واحده تانيه خالص وبنموت فيكى دلوقتى

وعلى فكره دى مشكله الناس
مش مشكلتنا

احنا على طبيعتنا
لكن هما الى بيحبو يتكلمو ويحكمو بالمظاهر وبس

واوعى تزعلى من حد فاكرك بتهرجى وبس
خليكى واثقه فى نفسك
وميهمكيش حد

المهم ان انتى اوعى تحكمى على الناس بالمظاهر

الناس كده كده هاتتكلم سواء وحشه ولا حلوه

مالقوش عيب فى الورد قالولو يااحمر الخدين

واسفه للاطاله

[-Nona-]

انا احييكي انك فتحتي مثل هذا الموضوع
طبعا خفة الدم والروح لا تفقد الشخص هويته فانا مثلك كذلك احب الضحك والهزار كثيرااكن احب ان انصح صديقاتي واساعدهن في مشاكلهم بالعقل والجدية فانا اؤكد لك ان الضحك والهزار لا يفقد الشخص هويته
وكل سنة وانت طيبة

شكرا يا شيرى على الرد وبجد كلامك كويس بس يا رب الناس تاخد بيه

واشكرك على المرور

[-Nona-]

نونا
بصى
بصراحه الناس بتاخد بالمظاهر اوى
لكن طول عشرتك لاصحابك
والمواقف الى بتمر بيكم
هايعرفوكى كويس
ويعرفو عقليتك كويس
انا مثلا ناس كتير بتتعامل معايا فى الشغل او فى اى حته
والاقيهم بعد شويه كده
بيقولولى ايه
بصراحه احنا اول ماعرفناكى ماكناش طايقينك
وفكرينك مغروره
ومتعنطظه على الفاضى
لكن اول ماقربنا منك لاقيناكى واحده تانيه خالص وبنموت فيكى دلوقتى

وعلى فكره دى مشكله الناس
مش مشكلتنا

احنا على طبيعتنا
لكن هما الى بيحبو يتكلمو ويحكمو بالمظاهر وبس

واوعى تزعلى من حد فاكرك بتهرجى وبس
خليكى واثقه فى نفسك
وميهمكيش حد

المهم ان انتى اوعى تحكمى على الناس بالمظاهر

الناس كده كده هاتتكلم سواء وحشه ولا حلوه

مالقوش عيب فى الورد قالولو يااحمر الخدين

واسفه للاطاله

واللهى يا انجى انا عمرى ماخد حد بالمظاهر

لكن المظاهر بيخادع كتير اوى

واشكرك على المرور وكلامك الجميل

[وليد الاسلام]

كتير من اصحابنا بعتقدوا لو هزرنا وضحكنا واخدنا الامور ببساطة ده معناه او دليل على تفاهة افكارنا او قلة خبرتنا او بمعنى هما مش منتظرين مننا اكتر من كده بس الاكيد والافضل اننا نتعايش مع الناس نضحك وقت الضحك ونبكى وقت البكاء الخلط بين الاتنين بيفقدنا هويتنا واحترامنا لانفسنا

[شيخ البلد]

اشكر لك هذا الموضوع الطيب ..
بس معظم العلماء و العباقرة كانو خفاف الظل جداً عندك وليم شكسبير مثلاً نادورنا إليما قالت عنه لم تراه مكتئباً غير فى غرفتة ... عبدالوهاب مطاوع مشهور بضحكتة وخفة دمة مجدى مهنا الشيخ لشعراوى بجلالة قدرة و غيرهم الكثير ... بال بالعكس اكثر لناس كأبا اقلهم وعياً ... انا اعرف ناس كتير مكشرين بس دا عشان هما مشفهمين ..... قصدى اقول ان الضحك و المرح لا يقلا ابداً من شئن المرء ما دام فى حدود المسموح المعقول ... و لا حرمك الله من خفت الظل ولا نور الوجة ولا من صفاء القلب و لا من طهارة الروح ..

[mona roshdi]

الهزار الزائد عن حدة يانونا بيفقد الانسة والسيدة جمالها ،وجمال المرأة فى حيائها
يعنى كل حاجة لها حدود--ولازم عرف امتى اضحك واهزر ..........
يعنى مش اكون وسط اولاد ومجتمع وافضل أضحك بصوت عالى وهزار وبعدين اقول هل الضحك والهزار وخفة الدم تفقد الشخص هويته؟؟؟؟؟؟
طبعا انا لو معرفتش أمتى أعمل كنترول على نفسى الناس مش حتحترمنى
وأكيد فى فرق كبير بين البنت والولد فى الضحك والهزارمش لازم أعمل مهرجة فى الجلسةعلشان الناس تقول دمى خفيف
وكمان مش تكونى معقدة لاء كلة بلحساب يانونا
موضوعك فعلا هادف

[-Nona-]

كتير من اصحابنا بعتقدوا لو هزرنا وضحكنا واخدنا الامور ببساطة ده معناه او دليل على تفاهة افكارنا او قلة خبرتنا او بمعنى هما مش منتظرين مننا اكتر من كده بس الاكيد والافضل اننا نتعايش مع الناس نضحك وقت الضحك ونبكى وقت البكاء الخلط بين الاتنين بيفقدنا هويتنا واحترامنا لانفسنا

هما مش كتير تقريبا كلهم مش عارفه ليه يمكن يكون الهزار والضحك عيب وانا مش عارفه

اشكرا يا وليد على المرور

[-Nona-]

اشكر لك هذا الموضوع الطيب ..
بس معظم العلماء و العباقرة كانو خفاف الظل جداً عندك وليم شكسبير مثلاً نادورنا إليما قالت عنه لم تراه مكتئباً غير فى غرفتة ... عبدالوهاب مطاوع مشهور بضحكتة وخفة دمة مجدى مهنا الشيخ لشعراوى بجلالة قدرة و غيرهم الكثير ... بال بالعكس اكثر لناس كأبا اقلهم وعياً ... انا اعرف ناس كتير مكشرين بس دا عشان هما مشفهمين ..... قصدى اقول ان الضحك و المرح لا يقلا ابداً من شئن المرء ما دام فى حدود المسموح المعقول ... و لا حرمك الله من خفت الظل ولا نور الوجة ولا من صفاء القلب و لا من طهارة الروح ..

كلامك صح لكن الناس الى حولينا نعمل فيهم ايه كل واحده وفكره

وتسلم على المرور