أنا وهو ومراته الجزء االاخير جيهان النمرسى

[جينا]

أ

جلست سماء فى أعياء شديد بعد أنهيارها من مكالمة منى زوجة رامى الأولى
لاتستطيع التفكير أو التركيز وتسأل نفسها ماذا فعلت فى دنياها حتى يكون قدرها رجل مثل رامى
ولما لم تفكر جيدا عند الارتباط والزواج منه هل تهاونت باسم الحب هل هو بهذا الذكاء
والمكر حتى يستطيع ان يخفى حقيقته أم هى البلهاء التى يستطيع اى شخص أن يخدعها
جلست تراقب تقرير رسائلها الى الان لم تصل اى رسالة له وطالما لم تصل الرسائل يبقى أكيد الموبايل مغلق انها تنتظر اتصاله بفارغ الصبر تنظر للموبايل وتنتظر لايوجد أمل
يرن التليفون انها منى ترد سماء
ايوة يامنى خير
ايوة يامدام سما رامى وصل بالليل ومعرفتش اكلمك وقالى البنت تعبانة ولا دى حركة من حركاتك وشتمنى وضربنى وخد منى البنت وخرج وغاب ورجع وقالى يانهار اسود دة بينه تحت اقفلى دة جه دلوقتى عامة هو قالى انه هايفتح الموبايل اتصلى بيه مع السلامة
وفجأة سمعت سما وصول الرسايل لرامى أكيد فتحه تحدث نفسها أكلمه ولا انتظر مش عارفة اتصرف يرن التليفون رقم رامى مش قادرة ارد اعمل ايه
ترد سما على التليفون ايوة يارامى
رامى ايوة ياهانم ايه الرسايل اللى انتى بعتيها دى
سما انت فاهم انت عملبت ايه انت كداب
مش عاوز كلام كتير انا مش ناقص انتى عرفتى ايه ممكن افهم
انا عرفت كل حاجة
خلاص مش عرفتى عايزة ايه تانى
انا مش عاوزة حاجة منك عاوزاك تطلقنى
حاضر اى خدمة تانية لا مش عاوزة اشوفك طول عمرى
خلصنا ياستى وفهمت مع السلامة
ويغلق رامى الخط فى وش سما وسما تحاول الاتصال ورامى يغلق الخط
بكت سما وقالت صحيح واطى ياريتنى ماحبيتك ولا عرفتك دة جزائى
لم تستطيع سما الصمت ففكرت ببعث رسالة الى رامى وخصوصا ان تليفونه مازال مفتوحا
ولكن ماذا تكتب له فكرت كثيرا ولم تجد غير حديث الرسول صلى الله عليه وسلم فكتبت له قال رسول الله صلى الله عليه وسلم
آية المنافق ثلاث اذا حدث كذب واذا أؤتمن خان واذا خاصم فجر صدق رسول الله
وانت كلامك ليه وحديثك وحياتنا كلها كذب يامنافق
وانا أمنت على نفسى وقلبى وحياتى وانت خنت يامنافق
ولم أكذبك فى شىء ولم أخونك بشىء وتهجرنى وتخونى وتخاصمنى بكل الفجور
حسبى الله ونعم الوكيل فيك لم ولن اسامحك منك لله
ربنا ينتقم منك
وجلست سما تبكى بعد ارسال الرسالة واطمئنت انها وصلت له لكنه لم يرد
ولم تنتظر سما منه الرد وحاولت سما أن تنزع من ذاكرتها التفكير فى مصيبتها ولو حتى لبعض الوقت ولكنخا فشلت بكل الطرق وتمر الايام وهى تفكر وتدمع عيناها ولا تستطيع رغم احتقارها له ان تكف عن التفكير فيه وفى كلماته وفى مواقفه ولم تكف عن ترديد كيف خدعنى ؟
وفجأة يدق جرس الباب وتسمع شغالتها تنادى فى واحد عايزك يامدام
تجرى سما نحو الباب لتجد رجل يسألها حضرتك سما منصور
ايوة خير
يرد اتفضلى امضى هنا
تنظر سما للورقة وهى تعلم جيدا ان رائحتها الغدر والخيانة انها ورقة طلاقها من رامى
مضت على الورقة بكل ثبات واغلقت الباب كما أغلقت حياتها مع هذا الخائن
يرن التليفون وترد ايوة يامنى كلها شوق لمعرفة نتيجة رسالتها كلها فضول لتعرف ماذا يفعل
منى ايوة يامدام سما انا عارفة ان رامى طلقك لكن اقسم لك هو بيحبك ويحترمك حضرتك مستغربة لكنه ضربنى وقالى انى بنقل ليكى كل اخباره وقال انا عارف انك بتكلميها والله عينى وارمة ومش شايفة وفى الاخر سابنى بعد تليفون من صابرين
انا هاجيب له خاله الكبير ويتكلم معاه انا مش كل حاجة اتشوه منه ويسيبنى لدى ودى انا زهقت
لو كدة اخد بنتى واهرب منه وهو روحه ببنته
تحدث سما نفسها ربنا يخليها لك عندك اللى تقدرى تخليه بيه جنبك طول العمر
طيب هو راح لصابرين اه انا متأكدة انه سهران معاها واتجوزها
يالا ربنا ينتقم منه عامة اصبرى عشان خاطر بنتك اصبرى مهما لف او دار هايرجع لك عشان انتى ام بنته وحياته كلها معاكى وانتى اللى بتصبرى عليه وهما يعمل بتسامحيه
طبعا يامدام سما مش ابو بنتى
طيب شوفى هاتعملى ايه ولو احتاجتى حاجة كلمينى
انتى طيبة اوى يامداد سما ربنا يعوضك خير انتى تستاهلى واحد احسن من رامى والله ماكدب فى اى كلمة وصفك بيها
خلاص يامنى تصبحى على خير
وتجلس سما تفكر بكلام منى وتعلم جيدا ان كل صلتها برامى انقطعت ولن ترجع
ولكن مالسر الذى يجعلها تجرى وراء اخباره هل مازات تحبه ام انها تريد مشاهدة نهايته
وتريد ان تشمت فيه لم تحاول سما ان تجد الاجابة ولكنها واثقة كل الثقة انها ليست النهاية
نامت سما وهى تغرق فى دموعها لم تكن تعلم انها تحبه كل هذا الحب
استيقظت سما على تليفون منى
ايوة يامنى
اسفة يامدام سما صحيتك لا ابدا خير
عندى ليكى خبر حلو
خير يامنى
امبارح كلمت خال رامى وجالى وكلم رامى واتجمعنا فى بيتى
ورامى حلف على المصحف انه ماتجوزش صابرين وانه مجرد خروج وفسح معاها هى واخوها
وقال انها كانت عاوزة تتجوزه عشان الجنسية وتعطيه فلوس كتير لكنه رفض وكانت هاتموت عليه وعطيته فلوس اجر بيها محل كبير وعطيته فلوس يشترى عربية وانتى صدقتى انها اديته كل الفلوس دى بدون ماتتجوزه
وليه لا يامدام سما ماهو مابينهم شغل وعامة هى سافرت وهو باس راسى قدام خاله
وقال لى انا تعبتك كتير معايا واتحملتي كتير حقك عليه وانا اوعدك انى هاعيش ليكى ولبنتنا بس
انتى عشرة عمرى وانتى الوحيدة اللى ببقى بطبعتى معاكى
عنده حق يامنى وطبعا سامحتيه
صدقيه انتى الوحيدة اللى بيحبك يامنى
اما انا كنت مجرد انبهار عيشة جديدة ودنيا جديدة عليه
يالله ربنا يسعدكم طالما رجع لبيته وليكم من فضلك ماتتصليش بيه تانى
خلاص الموضوع خلص
بس انا يامدام سما بترجاكى متدعيش عليه وتسامحيه
بالسهولة دى يامنى
طيب انتى حياته معاكى وبيعتذر لك ويبوس راسك
اما انا قفل التليفون وطلقنى حتى من غير كلمة اسف
وعايزانى اسامحه
اقولك ايه
خلاص من فضلك الموضوع خلص
وتمر الايام وتحاول سما ان تمحو من ذاكرتها ايامها مع هذا الزوج الكاذب
وتعلم جيدا انه لن يكون الحمل الوديع مع زوجته
وان الايام ستثبت ذلك
وتصحو سما وهى تريد الخروج اليوم ستلبس اجمل ثيابها وتتحلى بأجمل مصوغاتها
تفتح سما علبة المجوهرات اين ذهب سوارها الالماظ لقد تركته بعد اخر سهرة مع رامى بالعلبة
العلبةفارغة يانهار اسود سرق الاسورة
يبقى حكاية صابرين اى كلام عشان يبرر ظهور الفلوس عنده
سما تتصل بمنى
ايوة يامنى قولى لجوزك مش مسامحاه الحرامى النصاب سرق اسورتى منه لله
ليه بيكسر كل شىء ليه بيسيب كل الذكريات سودة وحقيرة
اسمعى ياسما رامى لاممكن يسرق
الكداب يعمل اى شىء
طيب استنى هو مش موجود دلوقتى وحياة بنتى لأقلب الشقة وان كانتمعاه والله مانا عايشة معاه ماحصلتش للسرقة
بس انا متاكدة ياسما انه مايعملهاش
والله لما خسر فلوسه كلها وكنا مش لاقيين ناكل وبنام على البلاط معملهاش
انا مش مصدقة
طيب اقفلى وهاخليه يكلمك حالا
سما مش عاوزة اكلمه يرجع الاسورة
سما تغلق الخط
وبعد عشر دقايق يرن التليفون نمرة غريبة
سما بصوت باكى الو
رامى ايوة ياسما
قبل كل شىء اقسم بالله اقسم بالله اقسم بالله
وحياة بنتى ماعمرى سرقتك ولا استحليت فلوسك
وكان قصادى بالاف بشنتطك وانتى راجعة من البنك والله مافكرت بيوم اسرقك وكنت باخد اللى تسمحى بيه وانتى كنتى عارفة ظروفى وعارفة خسارتى
لكن عمرى مافكرت انى اسرقك وعمرى ماغلطت بحقك غير انى خبيت عليكى انى متجوز
واقسم بالله قلت كدة لانى بحبك ولو عرفتى انى متجوز كنتى هاتبعدى عنى والف مرة حاولت اصارحك لكنى خفت حتى لما عرفتى ماقدرت اواجهك
وحياة بنتى بحبك ولا حبيت غيرك
من فضلك مش عاوزة اسمع اى حاجة
طيب الاسورة انتى ادتيها لمامتك عشان القفل يتصلح عند الصايغ
افتكرتى
سما تصمت ولا ترد
رامى انا عارف اما تكونى متوترة بتنسى
سما انا اسفة
رامى انا مش حرامى ياسما
لكن كداب وخاين
كداب اه خاين لا
اقسم بالله صابرين شغل انتى اللى بتسمعى للناس
رامى انا مش متصلة اعاتب انت دمرتنى وخلتنى اشك بكل الناس واكره كل الناس
عامة مش مسمحاك وربنا هاينتقم منك لخداعى واوعى تفتكر انى صفيت او ممكن انسى غدرك بيه
رامى سما بحبك
سما اسف
تغلق سما الخط وهى تردد منك لله منك لله

د.جيهان النمرسى
والجزء الاخير
من انا وهو ومراته

[بك أستجير فمن يجير سواك]

رووعه د/ جيهان
سلمتى وسلم يمينك
اسعد الله قلبك
كل الشكر والامتنان
على روعهـ طرحك
وروعهـ مانــثرت ..
دائما متميز في الانتقاء
سلمت وبارك الله فيك

[نسيم الذكريات]