قهوتنا على الانترنت
ابحث عن :  
صفحة 1 من 2 12 الأخيرةالأخيرة
النتائج 1 إلى 10 من 13
  1. #1
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي لا للحرب الـآهليه

    أثار
    قرار المشير محمد حسين طنطاوي رئيس المجلس الأعلى للقوات المسلحة
    بدعوة مجلس الشعب للانعقاد
    يوم 23 يناير القادم
    قبل يومين فقط من الذكرى الأولى لثورة 25 يناير
    والتي حددها البعض موعداً لقيام الثورة الجديدة

    مخاوف الكثيرين من امكانية حدوث صدام دموي بين القوى الاسلامية الفائزة بالأغلبية
    في البرلمان وخاصة الاخوان والسلفيين
    وبين القوى الثورية الداعية للثورة الجديدة التي ستطالب
    بإسقاط حكم العسكر
    هذه المخاوف عززتها تصريحات اللواء عادل عمارة
    عضو المجلس العسكري
    بأن هناك مخططاً لإسقاط الدولة
    وحرق مجلس الشعب لتطرح تصريحات سيناريو تتخوف منه القوى السياسية الداعية
    للنزول يوم 25 يناير
    وهو أن يتم دعوة مجلس الشعب للانعقاد يوم 23 يناير
    بأغلبيته المكونة من الاخوان والسلفيين
    ثم يتم حرق مجلس الشعب صباح يوم 25 يناير
    عن طريق الطرف الثالث
    الذي
    يتهمه المجلس العسكري دائما
    بما يؤدي الى صدام كارثي بين الاخوان والسلفيين من جهة
    والقوى الثورية من جهة أخرى
    بعد أن يتم توجيه تهمة احراق مجلس الشعب لثوار التحرير
    لتبدأ
    شرارة الحرب الأهلية بين القوى الاسلامية والثوار
    وقد يكون هذا السيناريو مبرراً كافياً للمجلس العسكري
    لفرض
    الاحكام العرفية
    وتندلع الفوضى وتتم اراقة الدماء بين القوتين
    ما يؤدي الى تسهيل مهمة
    العسكرى
    في مد فترة حكمه لما بعد شهر يوليو القادم
    وتأجيل
    الانتخابات الرئاسية المقرر عقدها أواخر يونيو
    بعد استخدام الإخوان والسلفيين ومتظاهري العباسية كذراع عسكرية
    لمواجهة
    ثوار التحرير يوم 25 يناير القادم

    سيناريو
    الصدام بين القوى الاسلامية والقوى الثورية يوم 25 يناير القادم
    واعلان الحرب بين شرعية مجلس الشعب وشرعية ميدان التحرير
    يتخوف منه العديد من القوى الثورية مثل الاشتراكيين الثوريين وحركة 6 أبريل
    والجمعية الوطنية للتغيير
    وائتلاف شباب الثورة والعديد من الحركات السياسية
    الداعية
    لنزول الميدان يوم 25 يناير القادم للمطالبة باسقاط حكم العسكر
    والتبكير بإجراء الانتخابات الرئاسية أواخر يناير
    على أن يتم الاعلان عن رئيس الجمهورية في 11 فبراير القادم
    وهو اليوم الموافق لخلع مبارك
    وهو الطرح الذي يصطدم مع الحركات والقوى الاسلامية
    والتي رفضت رحيل المجلس العسكري قبل الموعد الذي حدده باجراء الانتخابات الرئاسية
    قبيل أواخر يونيو القادم
    مبررين
    ذلك بأن رحيل العسكري مبكراً
    سيؤدي
    الى حدوث حالة من الفوضى وسيتم اسقاط الدولة
    والواقع يؤكد أن المستفيد من ذلك الصدام هو المجلس العسكري لأن الصدام المتوقع بين تلك القوى سيؤدي الى اطالة بقائه في السلطة لأطول فترة ممكنة
    لذلك
    جاء مخطط اسقاط الدولة الذي تحدث عنه اللواء عادل عمارة
    مخطط اسقاط الدولة الذي أعلن عنه عدد من قيادات المجلس العسكري
    قد يكون صحيحاً حسبما أعلن عدد من القوى الثورية الذين أكدوا أن اسقاط الدولة
    يعنى حدوث حالة من الفوضى في البلاد للوصول الى الحرب الأهلية
    قد يأتي إما من الطرف الثالث الذي يعلمه المجلس العسكري
    ويغض الطرف عنه
    وإما من المجلس العسكري نفسه الذي سيحاول هدم المعبد على من فيه لإصرار القوى الثورية على رحيله
    ومحاكمة المشير طنطاوي
    والفريق سامي عنان
    وجميع قيادات المجلس العسكري على قتل أكثر من مائة شهيد عقب تنحي المخلوع
    محمد الجمل
    عضو حركة 6 أبريل
    يؤكد ان المجلس العسكري سيستخدم الاخوان والسلفيين ومؤيدي المجلس العسكري
    ممن يطلقون على أنفسهم ثوار العباسية
    ليكونوا الذراع العسكري للمجلس العسكري للإصطدام بثوار 25 يناير
    في ميادين مصر المختلفة
    لافتاً الى أن المجلس العسكري لن يكرر نفس أخطائه السابقة باستخدام قوات الشرطة العسكرية
    لمواجهة الثوار
    ولذلك فإنه سيحاول أن يستخدم
    مدنيين
    ليكونوا الذراع العسكرية له لمواجهة الثوار
    من متظاهري العباسية والاخوان والسلفيين الذين سيحاولون الاصطدام بثوار التحرير
    بما سيشعرون أن ما حققوه من انجاز ونجاح في الوصول للأغلبية في البرلمان
    قد يكون بلا فائدة في ظل استمرار حالة الشرعية الثورية
    وشرعية ميدان التحرير
    وأكد الجمل أن المجلس العسكري لديه قائمة لعدد من النشطاء السياسيين
    والصحفيين يصل عددهم الى 100 شخص تقريباً
    سيقوم بتصفيتهم جسدياً خلال حالة الفوضى والاصطدام المتوقع بين القوى الاسلامية والثورية
    مشيراً الى أن المشهد يوم 25 يناير القادم سيتحول الى صدام دموي
    بعدما سيحاول المجلس العسكري توجيه تهم البلطجة للثوار
    وتحريض نواب الاخوان والسلفيين على الثوار للاصطدام بهم
    لتكون المعركة
    بين القوى الشرعية المتمثلة في نواب مجلس الشعب وبين مجموعة البلطجية والعملاء والخونة
    مشيراً الى أن المجلس العسكري
    سيحاول استغلال مجموعة توفيق عكاشة
    رئيس قناة الفراعين
    والذي يتزعم مؤيدي العباسية لتحريضهم ضد متظاهري وثوار التحرير ليكون المشهد أقرب لموقعة الجمل التي حدثت يوم 2 فبراير الماضي قبل تنحي الرئيس المخلوع بتسعة أيام
    وتوقع الجمل
    أن تكون النتائج كارثية على مصر
    إذا نفذ العسكري مخططه لإجهاض الثورة بهذا الاسلوب
    مشيراً
    الى أن مصر ستدخل اذا حدث ذلك في حرب أهلية دموية بين القوى الثورية والاسلامية
    إمام محمد فواز
    عضو حركة 6 أبريل
    الجبهة الديمقراطية أكد أن سيناريو صدام الاخوان والسلفيين
    مع القوى الثورية الداعية للنزول يوم 25 يناير المقبل وارد بنسبة 70٪ مشيراً
    الى أن المجلس العسكري سيحاول استغلال الاخوان والسلفيين لمواجهة ثوار التحرير
    المطالبين برحيله لافتاً إلى أن ذلك السيناريو قد يحدث في حال عدم حدوث صدام
    بين الاخوان والسلفيين والمجلس العسكري قبيل يوم 25 يناير
    خاصة
    فيما يتعلق بتشكيل الحكومة المقبلة
    وتشكيل اللجنة التأسيسية لصياغة الدستور الجديد للبلاد
    وإذا كانت حركة 6 أبريل
    جبهة طارق الخولي
    لا تستبعد سيناريو أن يكون هناك مخطط لإسقاط الدولة
    من قبل المجلس العسكري ذاته
    بمساعدة الإخوان والسلفيين فإن حركة 6 أبريل جبهة أحمد ماهر
    توقعت
    أيضاً نفس السيناريو
    حيث اشارت انجي حمدي المتحدث الاعلامي للحركة
    إلى أن المجلس العسكري قد يستخدم الاخوان والسلفيين لمواجهة ثوار 25 يناير القادم
    وذلك بعدما فشل في مواجهة الثوار بالشرطة العسكرية
    وبعدما انتقدته العديد من الدول الاوروبية والمنظمات الحقوقية الدولية
    مؤكدة أنه في حالة حدوث هذا السيناريو فإن المجلس العسكري سيتحمل المسئولية كاملة عن سقوط أي شهيد جديد من جراء اصطدام الاسلاميين بالقوى الثورية
    أما الجمعية الوطنية للتغيير
    فأكدت انها تتوقع تحريض الاخوان والسلفيين ضد ثوار 25 يناير القادم
    أيضاً
    لتكون بداية لحرب مدنية تعقبها حرب أهلية
    وصولاً لفرض الأحكام العرفية
    وهو ما أكده الدكتور أحمد دراج المنسق العام للجمعية الوطنية للتغيير
    مشيراً الى ان بيان المجلس العسكري الذي
    أكد
    وجود مخطط لإسقاط الدولة يدل على أن هناك مخططاً لدى المجلس
    تتم صناعته لإجهاض الثورة، لافتاً الى أن دفع القوى الاسلامية
    للاصطدام بالقوى الثورية ستتم صناعته عن طريق طرف سيقوم بتحريض المجلس العسكري
    ضد الثوار وتحريض القوى الاسلامية ضد الثوار
    في نفس التوقيت مشيراً الى انه من المتوقع استهداف بعض الشخصيات والنشطاء السياسيين خلال تلك الاحداث والاشتباكات المتوقع حدوثها يوم 25 يناير
    وأكد دراج أن هناك من سيحاول استغلال متظاهري العباسية
    الداعين لبقاء المجلس العسكري بحجة الاستقرار لإحداث حالة الفوضى في البلاد يوم 25 يناير القادم
    وذلك عن طريق الصدام المباشر بين متظاهري العباسية ومتظاهري التحرير
    مشيراً الى أن ذلك قد يؤدي لحدوث حرب أهلية تمكن المجلس العسكري من فرض الأحكام العرفية
    لالغاء الانتخابات الرئاسية وفرض حكمه على مصر أطول فترة ممكنة
    أما عامر الوكيل
    المنسق العام لتحالف ثوار مصرفأكد أن سيناريو اصطدام الاخوان والسلفيين مع القوى الثورية وارد وذلك بعد اعلان قيادات المجلس العسكري عن وجود مخطط لإسقاط الدولة وأن هناك من يدبر لحرق مجلس الشعب
    مشيراً الى أن البعض يتخوف من قيام الطرف الثالث المجهول
    دائما بحرق مجلس الشعب صباح 25 يناير
    ليكون هناك مبرر للاخوان والسلفيين للاصطدام مع ثوار التحرير
    باعتبارهم بلطجية ومخربين
    لافتاً الى أن المجلس العسكري مكشر عن أنيابه خلال الفترة السابقة
    بقيامه بحملة اعتقالات واسعة للعديد من ثوار التحرير بخلاف قتله لأكثر من مائة شهيد حتي الآن منذ تنحي مبارك عن الحكم.
    عبدالله الأشعل المرشح المحتمل لرئاسة الجمهورية
    اشار الى أن اصدار العسكري قراراً بعقد أولى جلسات مجلس الشعب يوم 23 يناير جعل الجميع يتخوفون
    من أن يكون هناك مخطط لإجهاض ثورة 25 يناير القادمة
    باستخدام القوى الاسلامية الحاصلة على الأغلبية في البرلمان للاصطدام مع القوى الثورية
    مؤكداً ان المجلس العسكري باختياره يوم 23 يناير لانعقاد مجلس الشعب يكون اعطى رسالة مباشرة للشعب
    بشكل عام وللقوى الاسلامية بشكل خاص مفادها إما أن يختاروا بين شرعية مجلس الشعب المنتخب
    أو أن يختاروا شرعية ميدان التحرير.
    وطالب الأشعل بافتتاح مجلس الشعب يوم 15 يناير
    قبل الثورة بعشرة أيام لتجنب الصدام بين الاسلاميين والقوى الثورية مشيراً الى أن اعلان المجلس العسكري
    عن مخطط حرق مجلس الشعب يؤكد وجود نية لتنفيذ مخطط اسقاط الدولة
    عن طريق العسكري نفسه الذي قد يغض النظر عن الطرف الثالث
    الذي سيحرق المجلس لتبدأ المعركة بين القوى الاسلامية والقوى الثورية يوم 25 يناير،
    أما الدكتور عمار علي حسن
    الخبير بمركز الأهرام للدراسات السياسية والاستراتيجية
    فأكد أن استخدام الاخوان والسلفيين في مواجهة المتظاهرين قد تكون فكرة مطروحة
    مشيراً الى أنه مع ذلك لا يعتقد أن السذاجة السياسية قد بلغت حدتها عند الاسلاميين ليتم استدراجهم للاصطدام مع الثوار
    ولفت عمار إلى ان الاخوان والسلفيين
    دائما ما يتركون الثورى الثورية المدنية في حالة صدام مع العسكري
    ليحققوا هم المكاسب ويجنوا الثمار
    موضحاً
    ان الاخوان والسلفيين اذا اصطدموا مع ثوار التحرير يوم 25 يناير
    فإنهم سيخسرون الشعب كله
    وسيلحق
    بهم
    العار
    السياسي
    طيلة
    تاريخهم

  2. #2
    تاريخ التسجيل
    7 - 5 - 2011
    ساكن في
    اسيوط_البدارى
    المشاركات
    891
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    انا بتفق معاك او الاصح مع الخبر يا اخ محمد
    ان كل ما تم ذكره من مخططات صحيح
    وان مصر على مهب اندلاع حرب اهليه
    ولاكن ليس المجلس العسكرى السبب فيها
    ولا حتى القوى الاسلاميه
    هو المخطط المرسوم عايز يفهمنا ان ده هو السبب
    لاكن السبب الحقيقى هو ان مصر لازم تدخل فى صراعات داخليه
    واستنذاف لقواها الداخليه والمدنيه والعسكريه قبل 2015
    هتقلى واشمعنى التاريخ ده اللى انت محدده هقلك انا محددتش حاجه
    دى امريكا اللى حددة التاريخ ده لاكتمال مخططها واحتلال مصر فى التاريخ
    ده
    ولو مش مصدقنى اقرى مقالات مصطفى بكرى االاخيره او حاول تعرف التحقيقات فى كل القضايا
    من الثوره حتى الان وصلت لايه
    ثانيا انت بتقول كل ده علشان المجلس العسكرى يقعد فى السلطه
    تقدر تقولى فايده واحده للمجلس العسكرى هيستفادها لو قعد
    انا مش شايف غير انو ممكن يكون خايف من المحاكمه
    بس برضو شايف انو سهل ميثبتش عليه حاجه زى ما هنشوف ده فى قضية مبارك
    واسهل حاجه دلوقتى الفبركه وموت القضايا
    ده لو فعلا هما متهمين بده لان فيه ناس هتشيل ده كلو من العساكر الغلابه والظباط
    تالت حاجه مصلحة مين البلد تدخل فى حرب اهليه
    هتقلى العسكرى تانى هقلك لا لان الناس دى لو عايزه تحكم اكيد هيكونو عايزين يحكمو فى استقرار
    لان الحرب الاهليه هتدخل دول فى شئون مصر وهيبقو دايما تحت ضغط من بره وساعتها الحكم هيكون زى
    قطعة من النار وهما قاعدين عليها
    ويمكنك القياس على ذلك فى كل الامور اللى ذكرتها
    طيب هتقلى من هو الطرف التالت وليه العسكرى ساكت او مش قايلنا مين
    مش يمكن السكوت هنا احسن من كشف اوراق لاعدائنا وساعتها هيفهمو اننا راصدينهم وهيغيرو خططهم ويكون من الصعب كشفهم مره تانيه
    طيب ليه مش قابضين عليه يمكن علشان ضغوط خارجيه او مصلحت مصر دلوقى او فى الوقت ده متقتضيش ااننا نخسر الغرب او بعض الدول بالذات لو وجهنا اتهمات بدون ادله قاطعه
    لان هما بيخططو بس والايدين بتاعتهم فى مصر هما مصريين فمنقدرش نوجه اتهامات وخلاص
    وبعدين من الناس اللى اتقبض عليهم فى المطارات اكتر من مره معاهم اسلحه لو تعرفهم قولى وقلى كانو ليه فى مصر
    انت عارف انك لو قبضت على قضيه مره وبالصدفه يبقى اكيد فى عشره محدش عرف عنهم حاجه
    يعنى الموضوع ده حصل كتير وبالصدفه اكتشفنا واحده
    اخيرا مين من مصلحتو مصر تدخل فى احرب اهليه
    لو بره مصر انا هسيبلك الرد تقلى مين مصلحتو كدا
    لو جوه مصر هقلك اكيد 6 ابريل وبعض منظمات حقوق الانسان اللى امريكا مواعداهم بامتيازات ومناصب
    وبتمولهم حاليا بالاموال
    بجد انا نفسى اتكلم اكتر من كدا وددى وجهة نظرى
    ارجوا اان تتقبلوها وان لم يكن فارجو المناقشه
    دمتم فى رعاية الله وحفظه

    لاتشكو للناس جرحا أنت صاحبه ******* لايشعر بالجرح إلا من به ألم

    البحث على جميع مواضيع العضو محسن البدراوى

  3. #3
    تاريخ التسجيل
    7 - 5 - 2011
    ساكن في
    اسيوط_البدارى
    المشاركات
    891
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    ؟؟؟؟؟؟؟؟؟؟؟؟؟؟؟

    لاتشكو للناس جرحا أنت صاحبه ******* لايشعر بالجرح إلا من به ألم

    البحث على جميع مواضيع العضو محسن البدراوى

  4. #4
    تاريخ التسجيل
    7 - 5 - 2011
    ساكن في
    اسيوط_البدارى
    المشاركات
    891
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    اعتذر لمقاطعتك
    او لوجودى المتكرر
    ولاكنى احتسب الموضوع جلّ
    ارجو ان تتقبل وجودى
    بس انا جيت النهارده علشان اطرح عليكم الفيديو ده
    وعايزكم تركزو فيه كويس
    علشان تعرفو حجم المؤامره
    وعن فكرا مش معنى كلامى انى بدافع عن المجلس العسكرى
    او مبارك ربنا ياخدو
    انما انا واثق اننا مستهدفين فعلا
    يلا نشوف الفيديو

    لاتشكو للناس جرحا أنت صاحبه ******* لايشعر بالجرح إلا من به ألم

    البحث على جميع مواضيع العضو محسن البدراوى

  5. #5
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    حيسخطوك يا قرد
    و تبقى ايه .. غزال
    ما انت قرد فى كل الاحوال ..
    طب ليه مش عاوز تعيد الموال ..
    ليه عاوز تستسلم لقيودك و ترجع فى عهودك ..
    ليه عاوز تبطل تعزف من تانى على عودك ..
    نسيت ؟
    نسيت مينا و محمد و ما حلاها الثورة بين الاتنين ..
    واه ياليل .. آه يا عين ..بس راحت العين واستشهد الاتنين ..
    و رجعوا سلسلوا القرد من تانى و اللى اتغير بس الشكل مش المعانى...
    مع ان الثورة ياناس تغيير مش بس أمانى .. و حنقول تانى و تانى ..
    مين مع مين ومين على مين و مصر رايحة لفين ؟
    ايييييه .. ما حدش جاوب يعنى ؟
    ماجوبتوش يا حضرات ..خلاص ما بقاش عندكوا يقين ..طب ليه بعد ما عرفتوا كل حاجة فى 25 يناير
    رجعتوا مش عارفين ..؟
    اقولكم انا الاجابة..ليه خبنا و بقينا مش عارفين
    ما احنا اتقسمنا و بقينا اتنين .. بعد ما كنا واحد .. خلونا اتنين ..
    لما بذروا فينا فتنة ديــن .. باستفتاء غزوة صناديق .. لما خبوا البوتاجاز و الدقيــق ..
    لما شقوا ما بيننا فاصل .. اعلان دستورى و نواصل..
    فتحوا بالخرطوش و المصفحات بين الشعب الواحد طريق .. ..
    حطوا عصام شالوا شفيــــق .. و اتملت الدنيا زعيق .. تخوين ..
    و ده بيزنبأ التانى اسفين ...
    ده بياخد من السعودية و الشقيقة الكبرى القطرية ..
    طب ما انت قبضت م الامريكان و الصهيونية ..

    ده بتاع حركات و ده مهووس ستات ..
    و ايه اللى نزل البت دى التحرير ..تتسحل و لا تتحرق حتى .. بت مش مستحية
    ده مدسوس و ده زى السوس و ده مأجور و ده طرطور ..
    و آآآآآآآآآآآآآآآآآآآآآآآآآ آآه
    يا بلد ليه ما عملتوش دستور .. وبقينا نصين ..تلاتة اربعة ستيين ..
    و بنسأل مصر رايحة لفين ؟
    تقول للناس فوقوا بصوا ع العراق و السودان ليه ما نبقاش زى ماليزيا ليه ماعندناش اردوغان ..
    و كله فى وادى .. و تغورى يا بلادى ...
    دول عملوا احتفالية فى كل مقر و تورتاية للاخوات و للاخوة اللى ساعدوا كتيير ..
    طب ليه بنطنش التزوير .. ييييه حتبوظ علينا فرحتنا .. اهو انتوا كده نكديين
    و مقرفين يا بتوع التحرير ..
    الشعب قال كلمته ايه اللى كايدكم هوعاوز كده .. يعنى مين غير ذمته ؟!! ياخونا احنا مش بنتهم جزافا ..احنا معانا تقارير
    ..
    محمد محمود صلطح راح ينتخب ابن الدايرة فى تلاتين دايرة و محمد عيد صحصاح بعد ما ضرب عشرين صوت نام فى بيت امه مرتاح .. و الدنيا براح .. طب ليه النيابة مش بتحقق ..
    دى وقائع .. حقايق ..لازم القضا فيها يدقق ..
    نهاراسود .. تسعة مليون صوت متزور .. الله اكبر ..
    احنا كده حنتغير ؟
    و الجلسات بتجرى و الحكم المقدر ..اعدام مبارك و العادلى ... لولولولو ى ..
    بالذمة حيتعدموا .. ظلمناهم .. برضه يا جدع بلدنا حلوة لسه فيه عدالة
    انت يابنى عبيط .. دى هبالة .. حكم ابتدائى مغلوط ..
    الاستئناف حيقول المظبوط ..
    ده سجن 10 سنين و ده سجن مدى الحياه و ده تنساه ...
    احنا بنقفل دلوقتى بايدينا و سنانا اللى عاوزين يخربوها و ينزلو التحرير تانى يوم خمسة و عشرين .. اصلنا ناقصين ..
    مش فيه عجلة انتاج واقفة نشغلها ..
    ننفخ العجلة .. نزيت العجلة ..
    و لا حنفضل كده محتاسيين ..
    عاوزين ننقل السلطة بس محتاجين يا خونا التطمين ..
    لا حد ينكش ورانا و لا يطلع ورق م الكراتين مين قال امين ..
    نط غزلان و قال وراكوا اخوان يدوكوا الطمان احنا مسئوليتنا التأمين ..
    بس لازم تردولنا الدين .. تخلعوا لمؤاخذة منها سكيتى وتسيبونا احنا نظبط لجنة الدستور ...
    بس قبل ما تمشم فيه كام حزب وكام واحد ممكن علينا ينبــــر..
    ربنا يستر ... لا لا .. و لا يهمكم احنا عنينا ليكم ..
    احنا نلمهملكم ع العنبر ..
    اللى حيفتح بقه حندوسه و اللى يأيد العباسية حنبوسه ..
    حلخملكم ده و حزبه فى قضية سب اديان ..
    و ده حطلعلكم كام مستند يدينه بانه تلقى اموال و ادى البيان ..
    و نشغللكوا الشعب فى شوية كراكيب تقع على دماغه م الدواليب ..نروشهم ..
    و الاعلام الفضائى يسخن و الصحافة تكتب العنوان ..
    الحقوا يا خونا جماعة النهى عن المنكر فى الشوارع بتجرى و را النسوان ..
    و يفضل الشعب يسأل مصر رايحة على فين ؟
    و القرد خلاص قال و قال و قال بس لمين .. النهاية .. جبلاية ..
    لا فيها قصور و بحور ولا نور فيها بس موزة و سودناية ..
    و القرد كل ما يحاول يخرج على الحجر ..ينضرب بحجر.. يقع .. يتشال ..
    مرة بايد قاسية تسحله و مرة بايد محتال .. طب ليه مش عاوز تعيد الموال ..
    حيسخطوك يا قرد حتبقى ايه .. عمرك ما حتبقى زى البيه ..
    ياريت تفهم ان 25 يناير كمالة ثورة
    احـــــــ
    مش ـــــتفال

    التعديل الأخير تم بواسطة محمد أبراهيم ; 11 - 1 - 2012 الساعة 04:24 AM

  6. #6
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي


    حوار بين مواطن شريف وثائر
    كان هناك مواطن الشريف جالسا كعادته بعد صلاة المغرب على المقهى وقد ارتدى جلبابه المريح..
    راح ينفث دخان الشيشة باستمتاع ويرشف من كوب الشاى بالنعناع..
    فجأة وجد أمامه شابا يرتدى بنطلون جينز وبلوفر ابتسم الشاب وناوله ورقة
    وقال:
    الثائر أدعوك يا حاج إلى التظاهر السلمى يوم ٢٥ يناير حتى تتحقق أهداف الثورة
    ألقى
    المواطن الشريف بالورقة على المنضدة وصاح بانفعال:
    يا أخى حرام عليكم.. كفاية بقى توليع فى البلد. إنتم عاوزين إيه..
    ؟
    السياحة وقفت.. عجلة الإنتاج اتعطلت.. خربتم البلد الله يخرب بيوتكم
    ابتسم الشاب
    الثائر
    فبدا كأنه معتاد على هذه الاتهامات وقال: بدل ما تشتمنى ممكن نتناقش بهدوء؟
    قال
    المواطن الشريف اتفضل بس عاوز أقولك كلمة..
    لن أسمح لك أبدا بإهانة الجيش المصرى خير أجناد الأرض

    قال الثائر
    الجيش المصرى ملك الشعب كل بيت فى مصر فيه ضابط أو عسكرى أنا عمى ضابط وابن خالى ضابط.. أنا أحب الجيش وأحترمه زيك بالضبط لكنى أعترض على قرارات المجلس العسكرى
    هز
    المواطن الشريف كتفيه وقال إنت بتستعبط؟
    المجلس العسكرى هو قيادة الجيش لو اعترضت عليه يبقى أنت بتسىء للجيش

    الثائر
    أنا لا أعترض على الجيش ولا أسىء إليه أبدا المجلس العسكرى يمارس دور رئيس الجمهورية يبقى من حقى أعترض على أدائه السياسى
    قال
    المواطن الشريف أهو ده اللى انتم فالحين فيه.. الكلام الكبير اللى ماحدش يفهمه
    قال
    الشاب الثائر بهدوء: اسمع يا حاج نفترض إن أسنانك وجعتك ورحت تتعالج عند دكتور أسنان هو نفسه ضابط فى الجيش لو الدكتور ده كسر لك ضرسك وبهدل بقك مش يبقى من حقك تروح لدكتور تانى
    المواطن الشريف طبعا..
    الثائر ولما تسيب الدكتور ده يبقى انت بتسىء للجيش؟
    المواطن الشريف لا طبعا.. مال الجيش ومال أسنانى؟

    الثائر
    أهو ده نفس المنطق بتاعنا إحنا بنعترض على الدور السياسى للمجلس العسكرى
    ولا نعترض أبدا على الجيش نفسه
    جذب
    المواطن الشريف نفساً عميقاً من الشيشة وقال بهدوء
    يابنى إنتم عاوزين إيه بالضبط مش حسنى مبارك انخلع وبيتحاكم
    ؟
    الثائر خلع مبارك لوحده ما يعملش تغيير مبارك كان ممكن يموت أو يحصل عليه انقلاب
    الأهم من مبارك تغيير النظام نفسه هدف الثورة إن بلدنا تبقى دولة محترمة وإن المصرى ياخد حقوقه وتبقى عنده كرامة والكلام ده لسه ماحصلش
    ؟
    وطبعا.. نظام مبارك زى ما هوما فيش حاجة تغيرت قيادات الشرطة هى هى اللى قتلوا المتظاهرين لغاية دلوقت ما فيش واحد منهم اتحاكم
    بجد القضاة اللى زوروا الانتخابات أيام مبارك لسه فى مناصبهم جهاز أمن الدولة زى ما هو
    المواطن الشريف ما يمكن التغيير ييجى شويه شويه
    الشاب الثاثر إحنا بقى لنا سنة وماحصلش أى تغيير
    المواطن الشريف طيب مش احنا انتخبنا مجلس شعب عشان يتكلم باسمنا
    الشاب الثائرانتخابات مجلس الشعب لم تكن مزورة لكنها لم تكن نزيهة
    المواطن الشريف ليه..؟
    الشاب الثائر
    الأسباب كثيرة.. المادة الرابعة من الإعلان الدستورى بتقول: ممنوع تكوين ممارسة أى نشاط سياسى أو تكوين أحزاب سياسية على أساس دينى قل لى يا حاج.. هم الإخوان والسلفيين أحزاب دينية ولا مش دينية؟
    المواطن الشريف
    طبعا أحزاب دينية أمال إحنا انتخبناهم ليه؟
    عشان ناس صالحين وبتوع ربنا
    الشاب الثائرالمجلس العسكرى خالف الإعلان الدستورى اللى عمله وتحالف مع الإخوان والسلفيين وترك لهم الفرصة لكى يرتكبوا كل المخالفات فى الانتخابات من غير ما يعمل لهم حاجة
    المواطن الشريف يعنى بذمتك الإخوان مكانوش هيكسبوا فى كل الأحوال؟
    الشاب الثائر طبعا الإخوان كانوا هيجيبوا نتيجة كويسة لأن لهم شعبية ولكن الانتخابات كانت معمولة عشان الإخوان والسلفيين ياخدوا الأغلبية
    المواطن الشريف اسمع بقى.. أنا اتخنقت منك بجد.. مافيش حاجة عاجباك.. يعنى نعمل إيه فى مجلس الشعب.. نقاطعه هو كمان؟
    الشاب الثائر من أجل مصلحة مصر لابد أن نتعامل مع مجلس الشعب المقبل لأنه برغم كل التجاوزات هو الهيئة الوحيدة المنتخبة

    نظر المواطن الشريف إلى الشاب كأنه لا يصدقه وقال: طيب.. عاوز تعمل مظاهرة يوم ٢٥ يناير ليه.. ما تسيب مجلس الشعب يتصرف
    الشاب الثائر يا سيدى مجلس الشعب غير مضمون لأنه تشكل فى ظل اتفاقات وصفقات مجلس الشعب ممكن يطالب بأهداف الثورة وممكن يتفق مع المجلس العسكرى علينا عشان كده لازم ملايين الناس تنزل فى مظاهرات سلمية يوم ٢٥ يناير عشان تأكد إنها متمسكة بتحقيق أهداف الثوره
    يتبع

    التعديل الأخير تم بواسطة محمد أبراهيم ; 11 - 1 - 2012 الساعة 05:39 AM

  7. #7
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    المواطن الشريف مش فاهم..
    الشاب الثائر بص يا حاج.. لو أنت موكل محامى فى قضية وأنت مش مطمئن له بتعمل إيه؟
    المواطن الشريف ألغى التوكيل
    الشاب الثائر لو فيه ظروف تمنعك تلغى التوكيل تعمل إيه؟
    مش تروح معاه المحكمة عشان تتأكد إنه هيتصرف صح
    المواطن الشريف طبعا..
    الشاب الثائر
    أهو أنا قصدى كده.. لازم نأكد تمسكنا بأهداف الثورة ابتسم
    المواطن الشريف
    وقال: لا مؤاخذة يابنى.. الكلام أخدنا.. أنا نسيت أسألك تشرب إيه؟
    بدا الامتنان على وجه الشاب وطلب فنجان قهوة مضبوط
    قال المواطن الشريف: إوعى تفتكرنى فلول.. والله العظيم أنا مع الثورة
    الشاب الثائر أمال ليه مش عاوز تدافع عنها؟
    المواطن الشريف
    أنا خايف بلدى تخرب.. خايف مصر تبقى زى الصومال.. يعنى إنت عاجبك حالة البلد دلوقت؟
    بلطجة وقلة أدب وفوضى وكساد ووقف حال..
    الشاب الثائر مصر أيام مبارك كانت برضه فى الحضيض.. كانت الناس بتموت فى طوابير العيش والبوتاجاز.. إنت أكيد فاكر.. بالإضافة لأن الثورة ما حكمتش ولا يوم واحد.. المسؤول الوحيد عن تدهور البلد المجلس العسكرى اللى بيحكم البلد.. لو كان نفذ أهداف الثورة وغير نظام مبارك ما كانتش الحالة بقت كده
    المواطن الشريف.. إزاى..؟
    الشاب الثائر نفترض إنك ضابط أمن دولة وبقى لك عشرين سنة بتعذب فى الناس وتهتك أعراضهم.. نفترض إنك مسؤول كبير وحرامى.. يبقى مصلحتك إنه يحصل تغيير وتيجى حكومة محترمة تقوم تحاكمك على جرائمك ولا مصلحتك إنك تعمل فوضى؟
    المواطن الشريف
    لا طبعا مصلحتى إنى أولع البلد
    الشاب الثائرأديك قلت بنفسك.. السبب فى كل المشكلات إن المجلس العسكرى حافظ على نظام مبارك... بدت الحيرة على وجه
    المواطن الشريف
    وقال بصوت خافت كأنما يحدث نفسه والله يابنى الواحد ما بقى عارف الحقيقة فين أنا لما أشوف التليفزيون أتأكد إنكم مخربين ومجرمين لكن كلامك بصراحة معقول
    بص أنا عندى سؤال محرج شويه..
    الشاب الثائر... اتفضل.. المواطن الشريف..صحيح إنتم بتاخدوا تمويل من أمريكا؟
    ابتسم
    الشاب الثائر وقال: يا حاج بقى لو بناخد تمويل كانت تبقى حالتى زى ما انت شايف.. أنا أصلا مهندس كمبيوتر وبعد الثورة الشركة اللى كنت شغال فيها قفلت.. دلوقت بآخد مصروف من أهلى لغاية لما ألاقى شغل تانى.. الحمد لله أنا مش متجوز وحملى خفيف
    المواطن الشريف أمال إيه موضوع التمويل؟
    الشاب الثائر..فيه منظمات بتتلقى تمويل من الخارج لكن التمويل قانونى وبعلم الحكومة
    المواطن الشريف.. قانونى يعنى إيه؟
    إزاى ناس وطنيين ياخدوا فلوس من الخواجات؟

    يتبع

  8. #8
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    الشاب الثائر عاوز أقولك إن كل الشباب اللى عملوا الثورة رافضين التمويل وما أخدوش جنيه واحد المواطن الشريف أهو انت كده بتتكلم صح و من حق المواطن أنه يعرف مصادر التمويل لأى منظمة تعمل فى مصر.. ومن حق المجلس العسكرى إنه يفتش عن التمويل ويعلنه
    الشاب الثائر كفارة.. أخيرا وافقت على حاجة عملها المجلس العسكرى؟
    طبعا من حق المجلس العسكرى إنه يراقب تمويل المنظمات الأهلية
    لكنه
    للأسف لا يراقب أبدا تمويل الإخوان والسلفيين..

    المواطن الشريف إزاى بقى؟
    الإخوان والسلفيين دول ما شاء الله
    معاهم فلوس كتيرة جدا..
    دول كانوا عندنا
    هنا بيوزعوا كل حاجة.. زيت وسكر وأنابيب بوتاجاز وقماش ولحمة..
    الشاب الثائر
    طيب مش من حقنا نعرف كل الفلوس دى جايبينها منين؟
    المواطن الشريف من حقنا..
    بس إيه الحل دلوقت
    ؟
    البلد تنقسم نصفين: إنتم فى ناحية والمجلس العسكرى فى ناحية
    ؟
    الشاب الثائر إحنا مصممين على تحقيق أهداف الثورة وأولها المحاكمات..
    المواطن الشريف.. محاكمات مين؟
    الشاب الثائر
    .. إنت عندك أولاد يا حاج..
    المواطن الشريف عندى بنت فى ثانوية عامة وولد فى إعدادى
    الشاب الثائر ما حصلش إن حد حاول يعاكس ابنتك؟
    حصلت مرة واحدة ونزلت عليه كسرته من الضرب..ضربته ليه
    ؟
    المواطن الشريف اللى ييجى جنب أولادى آكله بأسنانى..
    فتح
    الشاب الثائرحقيبته وبدأ يعرض مجموعة من الصور على المواطن الشريف الذى بدا عليه التأثر
    وقال:
    المواطن الشريف إيه ده.. يا نهار إسود.. إزاى ده يحصل؟
    الشاب الثائر
    دى بعض الصور للبنات اللى اتسحلت وأعراضهم انتهكت على يد أفراد الشرطة والجيش.. ده غير اللى استشهدوا واللى عينيهم راحت..
    إنت ما شفتش الصور دى قبل كده
    ؟
    المواطن الشريف الحقيقة أنا مابقراش جرائد والصور دى ماجتش فى التليفزيون..
    الشاب الثائر نعلم جميعا فساد الاعلام والتليفزيون لانهم يضللون الشعب
    بتزييف الحقائق تفتكر لما أهل الشهداء والمصابين يطالبوا بمحاكمة اللى قتلوا أولادهم يبقوا غلطانين
    ؟
    المواطن الشريف
    من حقهم

    الشاب الثائر
    طيب ولما يكون الأفراد اللى قتلوا تبع المجلس العسكرى
    مش المفروض

    اللى يقوم بالتحقيق هيئة محايدة برئاسة قاضى مستقل
    ؟
    المواطن الشريف
    هو ده عدل ربنا
    الشاب الثائر عل أبنتك بتستعمل الكمبيوتر؟
    المواطن الشريف طبعا دى شاطرة جدا
    الشاب الثائر خد السى دى وخليها تفرجها لك عشان تعرف إحنا ليه بنطالب بمحاكمة اللى قتلوا الشباب وهتكوا أعراض أخواتنا..
    تناول
    المواطن الشريف السى دى ووضعها بعناية فى جيب الجلباب
    ثم وقف
    الشاب الثائر وقال: أشكرك ياحاج على القهوة..
    المواطن الشريف أنا اللى أشكرك
    الشاب الثائرممكن تنزل معانا يوم ٢٥ يناير؟
    المواطن الشريف إن شاء الله أنزل معاكم..
    احتضن
    الشاب الثائر المواطن الشريف ثم صافحه بحرارة ومضى فى طريقه
    الديمقراطية هى الحل


  9. #9
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي






    يوم25 يناير2012
    مش نازل اخرب بلدي
    مش نازل احرق بلدي
    مش نازل اعتدي علي حد
    انا نازل احمي جيش بلدي من مجلس بيورطة
    ... ... انا نازل عشان مفيش حاجة اتغيرت
    انا نازل عشان حق الشهداء مجاش
    انا نازل عشان مسرحية المحاكمة لسة مخلصتش
    انا نازل عشان شوهوني وقالوا اني عميل
    انا نازل يوم 25 وفاتح صدري للرصاص
    انا نازل عشان اموت ومصر تعيش





    التعديل الأخير تم بواسطة محمد أبراهيم ; 11 - 1 - 2012 الساعة 05:54 AM

  10. #10
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي





    السادة القضاة
    فى المحاكم منعوا التصوير داخل
    «القاعات»
    وفى الانتخابات منعوا التصوير داخل
    «اللجان»
    الحمد لله أن
    الأفراح لا تقام تحت إشراف
    قضائى




 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©