صفات فى البنات متقدرش تستغنى عنها

[x×x 7o0odA x×x]

صفات فى البنات طبع بعيد عنك
وربنا يسترها يا رب ويعدى اليوم ده على خير

الصفه الاولى

اللسان

البنت ربنا واخد منها كل حاجه ومديها لسان زى الحربايه_ والعياذ بالله_

لو فكرت انك تتريق على واحده اكيد مش هتسلم من لدغتها يلا تستاهل
وخاصه لو كانت عامله التحجيبه سبانش احذر من دول
كفاية ان اطول لسان فى العالم لإمرأة

الصفه التانيه

التناكه

البت من دول تلاقيها مناخيرها فى السما على ايه يعنى
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا
وتلاقيها بصتلك بطرف العين كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك
تعالى بقى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بقى تسألها عن محاضرات وكلام فارغ وهى هتستهبل وتعمل انها مصدقه ال يعنى مفيش طلبه غيرها فى الدفعه

الصفه التالته

الشياكه

الشهاده لله يعنى البنات دلوقتى بدأوا يهتموا بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه

تسألها ياخويا رايحه فين تقولك رايحه اشترى ميكب

يا حاجه داحنا فى رمضان

بس بكره الكليه

اه اذا كان كدا معلش

بعد الجواز بقى لو
لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا حاجة ( ياعم ده مستحيل طبعا شكل البنت معروف بعد الجواز شبشب مقطوع ما خلاص الزبون وقع)

يمكن يا عم متتشائمش

الصفه الرابعه

احتقار الرجل

ماتفهمش يا اخى الستات والبنات بيحتقروا الرجاله كدا متفهمش ليه
على اساس يعنى انهم ولاد ناس واحنا ولاد .......................
ناس تانين ؟
بس العرق الفرعونى نقح عليا فى الايام اللى فاتت وافتكرت السبب
فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم
وهوده السر فاكرينا عبيد عندهم حضاراتهم !!!!!

الصفه الخامسه

الاجتماعيه

البنت اجتماعيه بدرجه جيدة جدا

فى ثانيه كدا تلاقيها رمت ودنها فى اى حوار وماتسيبوش الا ما تجيب اخره

وطبعا بإجتماعيتها دى بتعرف تجيب اطراف الموضوع من كل الناس

[x×x 7o0odA x×x]

[طيف عابر]

بصراحة رغم انه الموضوع ضدنا الا انه كتير حلو ومتتع
تسلم الايادي حودا ومشكور جدا

خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم
وهوده السر فاكرينا عبيد عندهم حضاراتهم !!!!!

[x×x 7o0odA x×x]

ميرسى يا طيف على روحك الرياضيه

[LOLO]

دايما كدة يا حوده ممرمط البنات بكلامك دة بس بجد الموضوع جميل ميرسى ليك

[x×x 7o0odA x×x]

هههههههههههه
معلش يا علا انا اسف
انا عشان بحبكم بتكلم عليكم
وميرسى ليكى

[LOLO]

عارفين والله ومواضيعك كلها جميله اتكلم ولا يهمك

[x×x 7o0odA x×x]

ربنا يخليكى يا لولو
ميرسى

[mona roshdi]

بجد كل كلمة قلتها حلوة حلوة وموضوع رائع
اللى يشوفة يحس انك دخلت جوة دماغ البنات وعرفت بيدور اية
رائع ياحودة ومشكور جدااااااا

[x×x 7o0odA x×x]

ميرسى يا منى على الكلام العسل ده