حالتك العاطفيه ايه النهارده؟

[x×x 7o0odA x×x]

الحالة العاطفية لجميع الناس الايام دى دايما مش مستقرة

تعالوا نخش هنا كل يوم فى التوبيك ده


ونقول حالتنا العاطفية ايه

هل هى مستقرة

غير مستقرة

مليانة بالخوف


وكل واحد على حسب حالته يقول

مع تحياتى
حودا الجامد

[حبيبة]

هى الحمد لله مستقرة بس زى أغلب الحالات العاطفية مليااااااااااااااانة بالخوف
وميرسي يا حوده عالتوبيك الحلو ده

[x×x 7o0odA x×x]

يا رب دايما تبقى مستقره
ميرسى ليكى يا آيه

[حبيبة]

ربنا يخليك يا حودا
هى الحمد لله مستقرة بس النهاردة واخدة علي خطري منه
وانت بقي حالتك العاطفية ايه؟

[x×x 7o0odA x×x]

الحمد لله ضايع

[x×x 7o0odA x×x]

انا مخنوق جدا البنت اللى كنت بحبها اتخطبت وعزمانى على الخطوبه

[asbicy cat]

متزعلش يا حوده بتحصل كتير
في احسن العائلات خليك جامد
واحضر الخطوبه عشان متزعلهاش

[x×x 7o0odA x×x]

ميرسى ليكى بس برضه مش هحضر وتزعل ولا تتفلق مليش دعوه

[حبيبة]

معقولة ؟؟؟

معلش يا حودا بس المهم نتعلم

بص يا حودا سيبك منها واحضر الخطوبة بس مش عشان متزعلهاش لكن عشان هي مش اخر بنت في الدنيا دى ممكن تحبها
وبص متقلش ضايع في حبك لان أكيد هتلاقي في يوم البنت اللي هتحبها او علي حسب وجهة نظري انك تحب صفات بنت فبالتالي تحبها
انت ارسم لنفسك شخصية وصفات ومعاملة معينة ولو لقيتهم في بنت حبها. لكن متحبش الاول وبعدين تتصدم، حدد الاول ان عايز ايه من حبيبتك ولو لقيت الحاجة دى اتوكل علي الله. واهم شيء في اي علاقة:
التفاهم وتوافق الطباع فبالتالي هتخدوا علي بعض وتكونوا اصحاب قبل ما تكونوا عشاق وانا شايفة ان الحب والارتباط الناجح من المهم اوى انه يقوم علي صداقة في الاول اللي هى نابعة من التفاهم وتوافق الطباع.
اه ومدورش علي اي حب لان ممكن حب يجيب وراه ألم وحزن لكن دور الاول علي السعادة اللي هتجيبلك الحب
لان السعادة دايما بتجيب الحب لكن الحب مش دايما بيجيب السعادة.
..
.
.
.
بس متتسرعش عليها هي هتيجى لوحدها وفي وقتها

.

ومعلش عشان طولت عليك
انا رغاية صح قول قول ومتتكسفش

[x×x 7o0odA x×x]

لا والله عيب عليكى وانا اقتنعت برايك وميرسى لاهتمامك