كلام جميل
وكلام معقول
مقدرش اقول حاجه عنه
ومنتظره راى الشباب
كلاكيت تاني مرة – على طرابيزة فى النادي- هو باصص فى الارض- وهى مبحلقه فيه )
سلوى : هاااا يا مدحت كلمتهم فى موضوعنا
مدحت : كلمتهم بس للاسف مش موافقين
سلوى: وانت قولت ايه ؟
مدحت : مقولتش
سلوى : وناوى على ايه ؟!
مدحت: مش عارف
سلوى : طب لما تعرف تباه تقولى
( وتتركه سلوى وتنصرف غاضبة )
-----------قطع----------
لو أنت مكان مدحت تعمل ايه ! .. وهل ده يعتبر ضعف شخصية من مدحت قدام اهله .. وهل من الممكن أنك تتجوز واحدة اهلك مش موافقين عليها حتى ولو كان ده ممكن يغضبهم .. والأهم من ده كله هل أنت شايف ان من حق اهلك انهم يدخلوا فى اختيار شريكة حياتك ؟!
طب تعالوا نتكلم واحدة واحدة
دلوقتى مفيش حد يقدر يجبر شاب انه يتجوز واحدة هو مش عاوزاها .. وغالبا الشباب اللى بيتحججوا بموضوع إن الأهل مش موافقين ملهمش رغبة جادة فى إتمام عملية الزواج أو بمعنى اصح عاوز يفلسع بطريقة تحفظ له ماء وجهه..لكن ده ميمنعش أن فيه فعلا شباب مش بيحبوا يتجوزوا دون رغبة أهاليهم ومباركتهم للزيجة دي .. وهنا وفى أحوال كثيرة قد يحصل الاختلاف بين وجهات النظر .. بين وجهة نظر الأب أو الأم ووجهة نظر الابن .. وما بين الاختلاف بين وجهتين النظر تظهر معها الشعارات فالاب والأم يرفعوا شعار (( إديها خبرة .. يعنى إحنا اكثر منك خبرة وتجارب ولازم تسمع الكلام )) .. ويرفع الابن شعار (( هو انا اللى حتجوز ولا أنتوا؟! )) .. ويحصل الاصطدام بين وجهات النظر .. ويقع الشاب فى حيرة بين اهله وبين قلبه .
شوف يا برنس.. القضية دى أولا وأخيرا مفاتحيها فى إيدك إنت ..فى كيفية إتخاذ القرار فى موضوع خطير زى موضوع الإرتباط .. وتكون محدد لنفسك منهج تفكير سليم ماشى عليه فى إختيار شريكة حياتك .. فتكون محدد المواصفات اللى أنت عاوزاها من تكافؤ فى كل شىء علمى ونفسى واجتماعي ودينى وكمان شكلى ، والشكل ده مسألة نسبية وبترجعلك إنت .. بعدين تقارن كل المواصفات اللى انت عاوزها وتعملها إسقاط على شريكة حياتك .. وتشوف هى دى ولا مش هي .. لان يا باشا لازم يكون إختيارك ناتج عن العقل والقلب مع بعض .. مينفعش يكون واحد فيهم بس ..بعد كده اسمع لوجهة نظرأهلك والأسباب اللى هم إستندوا عليها فى عملية الرفض دي ..وماذا تعنى ( غير مناسبة ) من وجهة نظرهم ..فإذا وجدت ان فتاتك بها كل مواصفات أحلامك اللى انت حددتها بالعقل والقلب .. ووجد ان رأى أهلك فيه نوع من الإعضال وعدم الموضوعية فى الرفض إذن يكون رأى أهلك رأى إستشاري فقط .. فزواج الرجل لا يحتاج إلى ولي ولا يشترط الشرع أن يوافق والد أو والدة العريس على العروس ..لكن البيت السعيد لا يمكن أن تكتمل فرحته من غير عدم رضا كل الاطراف عن الزيجة دى يا باشا ..
علشان كده لازم تتجنب الصدام مع أهلك وخصوصا فى البدايات ..لأن ديما البدايات بتكون فيها المشاعر متوترة والنقاشات بتكون حادة وعصبية نوعا ما ..وحاول أنك تتكلم مع أهلك برفق ولين حتى لا تقع فى العقوق المنهى عنه شرعا .. وفى نفس الوقت ابحث عن حد تثق فيه ويكون له تأثير على أهلك وتجعله يكلمهم فى موضوعك ..وأخيرا ليس لك إلا الحوار مع اهلك ويكون نفسك طويل فيه حتى تقنعهم .. وتقولهم انك حتتحمل تبعات اختيارك .. لكن يا باشا متنساش حاجات مهمة إنك تتعامل مع وجهات نظر اهلك فى العروس بموضوعية وتفكر فيها وان الجواز بغير رضا الأهل لا يُفضل إلا إذا كان رأيهم ظالم وفيه إجحاف، وبعدين حتى لو اتجوزت من غير رضا اهلك إياك ثم إياك إنك تقاطعهم حتى ولو هم قاطعوك لأن فى الغالب تصرفهم ده حيكون رد فعل مؤقت
كلام جميل
وكلام معقول
مقدرش اقول حاجه عنه
ومنتظره راى الشباب
هههههههههههههههههه يابنتى انسي ان الشباب يردوة لاان ده الى بيحصل فعلا
عثل عثل
وربنا عثل
الله ينور يا توتا ع التوبيك الجميل دهغسلا سنانيييييييييي
يوم ما رحت وغبت عني قولت لا..... الحياة من بعد منك مش حياه .....اتري كل اللي افتكرتو مستحيل ......بعد راح كل الجراح راحت معاه ....البحث على جميع مواضيع العضو بنت مصر
اكيد كل ما ورد ذكره صحيح وحجج بس صدقيني لو مقتنع ما ر يهتم ورح يقنعهم طبعا
تسلمي يا مريومتي
انا فعلا واقعة في نفس المشكلة بالظبط بس انتى عارفة أهله رافضينى ليه عشان هو دكتور وأهله عايزين يجوزوه دكتورة وخاصة مامته وأنا مش دكتورة انا في كلية تربية وعلي فكرة عام يعنى مدرسة ثانوى عام يعنى مؤهل عالي ومحترم كمان لكن مامته شايفة ان انا قليلة أوى بالنسبة له
بالله عليكو ده مش ظلم وانا بجد مش عارفة أعمل ايه ؟
ده أصلا ولا مامته ولا حد من أهله شافنى عشان يحكم عليا لكن والدته بتقوله ازاى تبقي دكتور وتجوز واحدة مش دكتورة وواخدة كلية كده وخلاص وبيقولها ان هو عايزنى وان انا فاهماه ومناسبة ليه وبيحاول يقنعها حتى علي الاقل انها تشوفنى وبعدين لو لقت فيا عيب تقولوه عليه لكن هى بتقوله انت مش هتجوزها ومن الاخر انت تجيب لي دكتورة من أي حتة المهم تكون دكتورة وخلاص وهي اصلا حاطها عينيها علي دكتورة جارتهم ده اللي عرفته بعد كده منه
انا مش عارفة اعمل ايه وخاصة كمان ماما وبعض اقاربي عارفين الموضوع ده وانا خايفة الموضوع لاقدر الله ينتهى بسبب والدته وكده يعنى ساعتها هقول لاهلي ايه؟ أهلي دول عارفين ان والدته عايزة دكتورة بس هما حاسين انه كويس بس طبعا برده قلقانين وماما بصراحة ساعات بتقول لي كده
انا بقي مش عارفة هل هو ممكن يكون بيضحك عليا بس انا مش حاسة بكده خالص لكن كلام ماما او اي حد من رأي ماما بيقلقنى اوى ومع ذلك ماما بتحبه أوى بس هى خايفة عليا مش أكتر
معلش انا رغيت كتير بس بجد مش عارفة أعمل ايه؟
خايفة بعد ماحبيته واستمرنا مع بعض واكيد هنستمر تانى يجى بعد كده يقول لي مش قادر اقنع اهلي بيكى
ياتري ساعتها هقول ايه ؟ كداب وكان بيلعب بيا ولا فعلا حبنى بس هو مش عايز يغضب أهله
وللأسف انا فعلا حبيته ومش قادرة أقطع علاقتى بيه لغاية مثلا ما أشوفه هيعمل ايه؟
ربنا يخليكوا اللي عنده حل ولا قابل مشكلة زى دى يقول لي اعمل ايه؟
وبعدين فين الشباب عايزة أسألهم انتوا ممكن أمهاتهم تجوزكم غصب عنكم؟
الذين يشاهدون الموضوع الآن: 1 (0 من الأعضاء و 1 زائر)