حاجه غريبة جدا!!!!!!!!!!!!!!!!!!!!!!!!!

[وليد الاسلام]

السلام عليكم
من حوالى اسبوع كانت اختنا بنت الاسلام عامله موضوع هام وعاجل عن طلب بعدم دخول الشباب لقسم حواء للخصوصية وليها الحق فى ده وانا ايددت ده لانه فيه كلام بنات مبينفعشى نشوفه او نشاركهم فيه لكن لاحظت لما دخلت ركن ادم ودى اول مرة ادخله ان الى بيعمل اغلب المواضيع بنات فاستغربت جدا من الامر ومش لاقى تفسير ؟؟؟؟؟؟؟؟؟؟؟؟؟؟؟؟؟؟؟؟؟؟؟

[jewel_lowis]

ههههههههههههههههههههههههه ه
لا عادى دى
لما بنلاقى موضوع مناسب للشباب بنحطه هناك
اهو نفيد ونستفيد
وانا عن نفسى بنزل مواضيع هناك
عادى يعنى

[ROSE WHISPER]

شفت اخ وليد
يعنى كان معها حق تطلب الشباب يهتمو اكتر ويا ريتهم عنجد يهتمو اكتر اخ وليد بركن ادم
شكر كبير لملاحظتك

[طيف عابر]

هو عادة الشباب ما بيهتموا كتير يعملوا مواضيع حتى لو عن ملابسهم وازياء بتخصهم ولكن ممكن البنات يعملوا مواضيع تهم الشباب
والشباب يتابعوهم متلاً بالاراء والردود
تسلم وليد ملاحظة في مكانها بصراحة

[omaro]

المفروض ان اللى يدور على المساواه الان هم الشباب الغلابه مش البنات لانهم فى هذا الوقت اخذن حقهن تالت ومتلت اما احنا ياعينى فلا حول لنا ولا قوه اصبحنا فى مهب الريح يعصف بنا كيفما شاء
( ولا حول ولا قوة الا بالله العلى العظيم )

[بنت مصر]

كل موضوع بيكون باين من عنوانه
بس ممكن عشان نحل المشكله دي
يبقي العضو اللي يكتب ف قسم البنات موضوع يكتب خاص للبنات
يعني لو مثلا انا عايزه اتكلم ف حاجه تخص البنات بس ..اسميه خاص للبنات وهكذا الولاد
بس دي حاجه تعتمد ع الامانه
ومحدش بقي يقرا مواضيع متخصش جنسو عشان منحرجش بعض يا شباب

[ساندرا]

اخ وليد بارك الله فيك على الموضوع ويا ريت يلاقي تفاعل من اخواني الشباب
جزاك الله خيرا

[m.chezoo]

انا اعتقد بحاجة اسمها لاحياء فى العلم
يعنى اها هو ممكن يكون كلامكم كلام محرج شوية نوعا ما .... انما اعتقد انه لو اى ولد اتناقش باسلوب علمى وجاد وبعد عن التفاهه والسطحية وقتها يبقى الافاده اصبحت عامه
وممكن تستفيدوا بمعلومات انتم مكنتوش تعرفوها ..

واعتقد لو كده مكنش بقى فى دكتور خاص بامراض النسا ولا دكتورة خاصه باامراض الرجال
يعنى الموضوع طالما فى نطاق عام محترم يبقى مفيش فيها حاجة
لانها معلومات فى الاول والاخر
واعزرينى فى الاطاله

[Young DeviL]

والله يا وليد انا مكنتش بحب ركن ادم اساسا لانه مفيهوش حاجه ومفيهوش تفاعل بدأت احط انا حاجات تخص ادم لان الركن مفيهوش حاجات حلوه كتير وبيتهيقلي لو في تفاعل واهتمام من ادم مكانش ساب مكان لحوا انها تدخل اكتر منه كدا ولا ايه؟

ولو في موضوع مكتوب عليه بلاش دخول بنات مبدخلش دا غير لو كان في ركن من اركان التسليه وفعلا المفروض لو في موضوع يخصكو في ادم مش عايزينا ندخل فيه اولا اهتمو انتو بالركن اكتر وثانيا اكتبو بلاش دخول للبنات

[Treka]

انا قرأت كل الردود على التوبيك واكتر رد عجبنى ومقنع وينفع للطرفين ولا يضر حد فينا

هو الرد ده بجد هو ده الحل للمشكلة دى

انا اعتقد بحاجة اسمها لاحياء فى العلم
يعنى اها هو ممكن يكون كلامكم كلام محرج شوية نوعا ما .... انما اعتقد انه لو اى ولد اتناقش باسلوب علمى وجاد وبعد عن التفاهه والسطحية وقتها يبقى الافاده اصبحت عامه
وممكن تستفيدوا بمعلومات انتم مكنتوش تعرفوها ..

واعتقد لو كده مكنش بقى فى دكتور خاص بامراض النسا ولا دكتورة خاصه باامراض الرجال
يعنى الموضوع طالما فى نطاق عام محترم يبقى مفيش فيها حاجة
لانها معلومات فى الاول والاخر

ولو مفيش دكاتره يبقى عادى بردو ما دام فى نطاق محترم يبقى عادى ومفهاش حاجة
اوكـ يا جماعة انتوا رأيكم ايه ... ؟ ؟