عايزه اتجوز

[yara]

واااااااااااااااااااااااا ااو
توبيك فى منتهى الروعه والجمال
بجد توبيك حلواوى
عامتا انا لسه قدامى شويه سنتين كليه كدا وبعدين نبقى نشوف واهو فيه ناس بتقلى فيكىمن نيللى كريم
وانتى بقى خدى باللك من فلوسك يا قمر
ويارب افرح فيكى قريب اقصد افرح بيكى
بس بعد الى انتى قلتيه ده كل البنات هتقول ايه؟!عريس يا ابووووى طوخه بس ماتعوروش يا ابووووى

[jewel_lowis]

هههههههههههههههه

جامدة يا انجى بجد ايه ده كله
جااااااااامدة
بس احنا كده اتعقدنا خلااااااااااااص
بس مواقف بتحصل بجد ولازم ناخد بالنا كويس
وانا والله متابعة معاكى وقريت كل اللي نزلتيه

يالا ربنا معاكى

ليه بس ربنا مايجيب عقد
بس دى مواقف حقيقيه
وبجد ممكن تحصل لاى حد منا
شكرا للمشاركه
وتابعينا

[jewel_lowis]

واااااااااااااااااااااااا ااو
توبيك فى منتهى الروعه والجمال
بجد توبيك حلواوى
عامتا انا لسه قدامى شويه سنتين كليه كدا وبعدين نبقى نشوف واهو فيه ناس بتقلى فيكىمن نيللى كريم
وانتى بقى خدى باللك من فلوسك يا قمر
ويارب افرح فيكى قريب اقصد افرح بيكى
بس بعد الى انتى قلتيه ده كل البنات هتقول ايه؟!عريس يا ابووووى طوخه بس ماتعوروش يا ابووووى

ههههههههههههههههههههههههه ههههههههه
مرسى ياقمر لمرورك
بس مش انا الى اتسرقت على فكره
على كل حال خلى بالك من نفسك
ويسلملى مشاركتك

[jewel_lowis]

التــــــــــــالت

الله يرحمك يا أنور و الله ليك وحشة

المهم ..بتقولكوا ايه...هي مين؟..آه آه نسيت أقولكم ..صحبة ماما طنط "حشرية" ..(اسمها شكرية ..حشرية ده النيكنيم اللي صحابها الأنتيخ بينادوها بيه ) جابت لي عريس

عريس ايه يا برايد ...راااااجل

أيوة طبعا ماهو لازم يبقى راجل امال هتجوز ايه..موتوسيكل؟

لأ قصدي هيبة كده و مركز عاقل وراسي و بيفهم في كل حاجه

عريس و بيفهم ؟..أشك ..الصراحة لسه ماقابلتش النوعية دي قبل كده ..عموما جايز

ماشي يا طنط حشـ..قصدي شكرية شكرية ..و ده هييجي أمتى و مع ميين؟..هيجيب مامته معاه

مامته؟هي هي هي..يا حبيتشي بقولك راااجل

أيوة يعني أبوه تكاثر ذاتيا و جابه لوحده؟؟...ما هو لازم يبقى له ام

لا يا برايد لازم تفهمي ده "مستكل" جدا و رأيه من دماغه و مابيديش ودانه لحد و معتمد على نفسه اعتمادا تاما

الله.."مستكل" و رأيه من دماغه و مابيديش ودانه لحد ..انا باموت في النوع ده

أحمد عبد العزيز في المال و البنون ..شريف منير في ليالي الحلمية..محمد رياض في أي حاجه مثلها قبل مايتجوز(الوحش)

الصراحة جسمي قشعر ..باموووت في النوعية دي..يا سلام بأه لو سنانه مزاحمه بعضها زي نبيل الحلفاوي و الا ودانه واقفه زي حمدي قنديل و الا بلغد زي عمرو موسى

الرجالة اللي ليهم شخصية و هيبه لازم يبقى ليهم ديفوهات زي دي و هو ده اللي بيميزهم..و بعدين انا اتعقدت من الناس اللي شكلها حلو ..أنا عايزة واحد وحش مش عايزة بتوع لجنة السياسات خلاص

و جه اليوم الموعود..نضاااافنا الشقة و نفضنا السجاد و غسلنا الستاير اللي كانت لسه مغسوله من يومين و كويت الطقم و لبسته و حطيت مكياج نص نص ..مش في الكواليتي .لأ في الكوانتيتي ..لو طلع من اللي مابيحبوش الميكاب الكتير و قلب وشه و امتعض ..أخش أغسل وشي واطلعله زي ما ربنا خلقني(هو اللي جابه لنفسه) ..أما لو كان من اللي بيحبوا التكني كالر ..عندي صباع روج بطعم الفراولة هاخش أكله كله ..ما حدش يغلطني بأه ..عروسة فول أوبشن أهه

قاعدين مستنيين سمعنا صوت رجلين ع السلم وهوب رن الجرس رننننة رزييييينة قووووي..يا سلام الكبير كبير برضه

دخل م الباب ..يااااسلاااام حاجه كده بتاع مترين و نص طول بعرض و عارفين كل الديفوهات بتاع نبيل و حمدي و عمرو ...ياسلام زي ماتكون أبواب السما كانت مفتوحة ..سنان ايه وودان ايه و لغد عسسسل ماحصلش تحس انه شايل فيه الخزين

لابس بدلة مقلمة تقليمة خفيفة كده و كرافته شيك و نضارة طبية ..ايه ده وزير المواصلات يا خواتي

واحنا كلنا لسه واقفين ع الباب بنبص لبعض ..وانا فرحانه قوي .الراجل هيبه كده و يخض و يحسس الواحده انها جنبه ولا حاجه ..يمكن تلاقي بنات كتير تقوللك لازم احس بشخصيتي ..لكن خدوها مني حكمة ..كل اما تقلب البنت و تنفضلها كل اما تنفض جيوبك...لأ لأ مش دي الحكمة ..سوري ..قصدي كل اما تنفض للبنت كل اما تقع فيك اكتر..ايوة ايوة هي دي ..احنا لسه واقفين ع الباب و ده مد راسه من جوة وبصلنا ..اتفضلوا يا جماعه واقفين بره كده ليه..اتفضلوا

اتحركنا كاننا تحت التنويم المغناطيسي و بابا بيبصلي نظرة معناها..ايه اللي انتي جايباهولنا يتأنزح علينا ده ..وانا ابصله نظرة معناها ..بحبه يا بابا .عاااااا...

دخل و قعد و حط رجل على رجل و احنا واقفين

بصلنا و ابتسم ابتسامه انيقة و هزلنا راسه اقعدوا اقعدوا

قعدنا قداموا مبهورين بنبصلوا زي ما مرات عم محمد البواب بتبص لجوزين الغوايش بتوع مرات عم مصطفى المكوجي

قاعد هو ع اكرسي اللي في وش الكرسي اللي انا قاعده عليه..قعد يبصلي كده و يبص للفازة اللي ع الترابيزة اللي في وسط الصالون و فجأه بدون مقدمات راح قايم شايل الفازة بالورد اللي فيها و حاطتها ع البوفيه..وقاعد تاني

بابا بصله و ال1111 ظهرت على وشة واضحة جلية _ملحوظة بابا بيظهر على وشة 1111 مش 111 زي الناس العادية خصوصا لما بيبقى متغاظ-بص لبابا و ابتسم برضه الإبتسامه الأنيقة:أصلي مش عارف أشوفها كويس..

دي طبعا اللي تبقى أنا..ومش عايزة نباهة هو كان شايف وشي يبقى كان عايز يشوف....يا نهار اسود ...و واضح ان بابا كمان وصل للنقطة دي بتفكيرة لأن حواجبوا كانوا خلاص قربوا يندمجوا و يبقوا خط واحد طويل فوق مناخيره اللي احمرت و بقه اللي كان مكرمش لأنه واضح انه بيجز على سنانه

ماما مدت ايديها و طبطبت على ايده يعني استنى لما نشوف أخرتها ايه

بابا بصلها يعني ده واضح انه بجح و عينه يندب فيها رصاصة

رفعت حواجبها واتنهدت يعني الرجالة كلها بقت كده ..جيل الدش يا سيدي

كل ده و اختكوا قاعده غرقانة في عرقها و هو مركز قوي مش عارفه في ايه؟...ومش عايزة أعرف

وفجأة برضه و بدون مقدمات تاني اتفتح في الكلام ..

لو سمحتي ممكن أعلق على حاجه ..وبيشاور

بابا اتحرك بتحفز عشان يقوم بتصرف أبوي لطيف و ينط في كرشه و ماما شايفاها بدأت تطلع رجلها من الشوز تحسبا لإحتمال استخدامها كدعم معنوي بابا يحتاجه

تعلق على ايه

ضوافرك

هااه؟

ضوافرك

مالها

انتي ليه بتقصيها مدوره مش عارفه ان المربعه هي الموضه

هي الموضه في الدهب ايه دلوقتي الأصفر والا الأبيض؟

بس اللون الأبيض اللي انتوا داهنين بيه الأوضه ده هايل و اللون اللي انتوا داهنين بيه البيت كمان

هو البيت ده تمليك والا ايجار؟

ايجارات الشقق بقت غالية قوي على فكرة اليومين دول

اليومين دول ساقعه شوية باين الشتا داخل بدري السنة دي

انتوا عارفين ان السنة دي سنة خبيثة أصل انا مواليد تسعه و عشرين فبراير وباحتفل بعيد ميلادي كل أربع سنين مرةهاهاها

..مرة واحد جه يقعد على قهوة قعد على شاي هاهاهاها

الشاي بتاعي خفيف يا طنط على فكرة و بمعلقة سكر واحده

ماما بعد ماتاكدت انه أهبل صدرتله الوش الخشب..الشاي خلص من عندنا يا حبيبي

الشاي خلص ..طب خلاص نخليها قهوة

هي القهوة اللي تحت البيت دي مش عاملالكوا ازعاج

اصل ازعاج الناس ده اسوأ حاجه في الدنيا خصوصا الكلام الكتير

كتير قوي المكياج اللي انتي حطاه يا آنسة..

آنسه انتي برضه ماقولتليش اسمك ايه ..الإسم دايما مهم

القسم بقه اللي جنبكوا ده بيحميكوا كويس بيخوف الحرميه يجوا الناحية دي..أصل الناس خلاص هتاكل بعض

هو انتوا هتاكلوا ايه النهارده انا شامم ريحةملوخية بالأرانب

الأرانب بقت سهلة دلوقتي على فكرة الواحد يدخل بميت جنيه في البورصة يطلعلوا بأرنب.. مليون يعني

مليون مرة أقول لطنط شكرية عايز عروسة مش عارف اتأخرت ليه على ماجابتني هنا

بابا فرمله :

أنا عارف...بره

نعم يا عمي قصدك السفر بره لأ انا مش ناوي أصلي

بررره..أطلع بره ماعندناش بنات للجواز

هاهاها ..بتهزر يا عمي ..أمال دي ايه..يا جماعه حد

يقوللي اسمها ايه ..هاتجوز واحده ماعرفش اسمها

انا قلت بره ماعندناش بنات للجواز

مش فاهم حضرتك بتتكلم بجد.بتهزر أكيد مقلب..

آه شوفتوا برنامج مقلب دوت كوم

و هنا قرائي الأعزاء وصل ارتفاع الضغط ببابا حدا لم تشهده البلاد من قبل و قام و هو الذي يبلغ طوله 170 سنتي و عمره 62 سنة بحمل البيه العريس المترين و نص ده هيلا بيلا من الصالون لباب الشقة و زقله ع السلم و سمعناه

بيتدحررررج دحرررجه رزيييينة جددددا

و العاقبة عندكم في المسرات

******************************

يتبع

[jewel_lowis]

شفتم العرسان
ههههههههه
تابعونا

[حبيبة]

ههههههههههههههه
حتى الدحرجة كانت رزينة
هههههههههههههههه

ونعم العرسان يا انجى

[yara]

ربنا يشفى ده اهبل ده ولا ايه
معلش يابنتى كلنا لها واهى ازمه وهتعدى
مشكوووووووووووووووووره
ان شاء الله متابعه

[jewel_lowis]

ههههههههههههههه

حتى الدحرجة كانت رزينة
هههههههههههههههه


ونعم العرسان يا انجى

ههههههههههههههههههههههه
تسلمى للمشاركه
وتابعينا

[jewel_lowis]

ربنا يشفى ده اهبل ده ولا ايه
معلش يابنتى كلنا لها واهى ازمه وهتعدى
مشكوووووووووووووووووره

ان شاء الله متابعه

ههههههههههههههههه
شكرا على المشاركه
وتابعينا

[m.chezoo]

طيب نتكلم بشكل عقلانى ...
طبعا كل البنات بقت مطيورة ومتصربعه على الجواز .. وده طبعا سبب حاجات غلط كتيرة فى المجتمع
اولها ان البنات الوقتى من لبخه اهلها عليهم ممكن يتجوزوا وهما 16 سنة

ممكن البنات تصدق اى حاجة الوقتى وتعمل اى حاجة حتى لو غلط وكله بسبب وهم الحب والجواز
وده بقى فى منه كتير من جواز عرفى وقضايا نسب وادينى زى ماتقولى قول

بيتهيالى البنات لو ركزت فى مستقبلها وقربت من ربنا وامنت ان اللى ربنا كاتبه ليها هو اللى هيكون حتى لو بعد ايه
الموضوع ممكن ييتحل نسبيا

ولالالالالالالالالازم البنت تقرب من ربنا وتعمل باللى امرها بيه
لان البديهات والمانيكيير والجينزات والكلام ده كله مش اللى هيجوزها

اللى هيجوزها اخلاقها وايمانها وسمعتها الطيبة
وربنا يجوووووووووووووزكم كلكم