هل طبــــــــــعك الصمـــــــــــت عنــــــــــد الالـــــم ؟؟؟

[sydney]

السلام عليكم
كتير منا ساعات كتير جدا الالم بيبقى جواه هيموته وبيفضل الصمت
ليه الانسان بيفضل الصمت .يمكن لانه حاسس انه الناس اللى هتسمعه مش هتفهمة ؟؟؟؟
ولا جايز يكون قلة ثقة فى الاخرين ولا تفتكروا زى ماقالوا انه الصمت ساعات ابلغ من الكلام
عاوزه اعرف راي اللى يقرا الموضوع هوه بيحب الفضفضة ولا بيمشى على مقولة اذا كان الكلام من فضة فالسكوت من ذهب
وليه الناس بتتهم الانسان انه بارد لمجرد انه يدارى شعوره المؤلم وميقولش لحد عليه
ارجو من حضارتكم اللى يقرا الموضوع يقول هوه بيفضل الصمت عن الالم ولا بيفضل الكلام والفضفضة والسبب ايه

[ساندرا]

انا ما بقدر اصمت وبنخنق لو ما قلت وفضفضت ومن شان هيكى بتلاقينى لازم يكون عندى حد اقله
يجزكى الخير سيدنى
حلو كتير متل كل مواضيعك

[Treka]

عايز اقولك حاجة يا سدنى
بصى مش كل المواضيع تتفضفض
ومش كل الاشخاص القريبين يتفضفضلهم
فاهمانى .. ؟؟ فا عشان كدة انا مقدرش اجاوبلك على سؤالك
عشان حسب الموضوع اللى جوايا .. وحسب الشخص بردو اللى قدامى
بس كدة دى وجهة نظرى وياريت تكونى قدرتى تفهمينى .. وشكراً على السؤال الجميل ده

[وليد الاسلام]

احيانا يا اختى الصمت بيكون ابلغ واحسن من الكلام لما نكون غضبانين والاه بنواجه سوء الظن ويا سلام لو كان سوء ظن ممن نحبهم ونحترمهم فلا نستطيع الرد الا بالصمت فهناك حكمة تقول اذا تساوت منفعة الكلام مع الصمت قالصمت اولى ان يتبع

[sydney]

اكيد فاهمه تريكه لان لازم تتولد الثقه اولا بين اللي بنفضفضلهم والثقه دلوقتي بقت نادره نوهبها لاي شخص وساعات كمان بنحس ان اللي ممكن نحكيلهم مش يقدرو يفهمونا ويفهمو اللي جوانا وكمان ممكن يكون الموضوع اللي محتاجين نتكلم فيه صعب نعبر بيه بكلامنا وصعب جدا يخرج في صوره كلمات لاي انسان قدامنا
عشان كده بنسكت..وطبعا الموضوع ده نسبي بيختلف من شخص للتاني...
واكيد انت شخصيه كتومه ..مش بتعبر عن اللي جواها لاي حد وده مش عيب بالعكس ساعات الكتمان بيكون افضل بكتير من الكلام والتعبير
والاهم انك اشتركت وقلت رايك وطبعا ده يسعدني ومنتظره منك مزيد من التفاعل

[sydney]

احيانا يا اختى الصمت بيكون ابلغ واحسن من الكلام لما نكون غضبانين والاه بنواجه سوء الظن ويا سلام لو كان سوء ظن ممن نحبهم ونحترمهم فلا نستطيع الرد الا بالصمت فهناك حكمة تقول اذا تساوت منفعة الكلام مع الصمت قالصمت اولى ان يتبع

مشكور وليد ع الرد وعايزه اقول ان اهم شيء اننا نحسن الظن في ربنا وكمان بالناس وكمان لان الرسول ص قال من كان يؤمن بالله واليوم الاخر فليقل خيرا او ليصمت
بس احيانا لما بنصمت واحنا في حاله غضب بياثر علينا احنا وعلي نفسيتنا في سبيل عدم سوء الظن بالغير وطبعا ممكن لو محتاجين نتكلم فاقرب شيء لينا اننا نواجه نفسنا ونفرغ كل الطاقه السلبيه اللي جوانا حتي لو اضطرينا نتسعين بالورقه والقلم
مشكووور كتير وليد واتمنالك التوفيق

[jewel_lowis]

انا شخصيا مش بقدر اكتم جوايا
اى حاجه مديقانى
اما بعيط
او بحكى مع حد
واكيد برتاح لما احكى مع حد
لان احيانا الحد ده يقولك حل للمشكله او يهديك
اويقولك كلام يقنعك
وشكرا على الموضوع الجميل

[مصر اغلى الاوطان]

عايز اقولك حاجة يا سدنى
بصى مش كل المواضيع تتفضفض
ومش كل الاشخاص القريبين يتفضفضلهم
فاهمانى .. ؟؟ فا عشان كدة انا مقدرش اجاوبلك على سؤالك
عشان حسب الموضوع اللى جوايا .. وحسب الشخص بردو اللى قدامى
بس كدة دى وجهة نظرى وياريت تكونى قدرتى تفهمينى .. وشكراً على السؤال الجميل ده

ده راييى انا كمان لانه فعلا ساعات انا بفضل الصمت فى الامور الموجعه

[yara]

دائمآ الزم الصمت عند الالم والحزن
لما بكون متضايقه اوى بتوضا واصلى واحكى كل شىء لربنا وانا ساجده
هو ساعات احس انى مثلا محتاجه حد اتكلم واحكيله ويرد عليا
بس انا دائمآ افضل الصمت
ده مش معناه ان مافيش حد احكيله اكيد فيه اصدقاء كتيره
بس مش عارفه اعتادت الصمت