قهوتنا على الانترنت
موقوف
قصة عبير و حسام و النت2008
قصة من نسج الخيال
بس ممكن تحصل فى الحياة
القصة هتكون معانا على اجزاء
نبدأ بالجزء الاول
تخيلـوا معي
بنت جاية لأمها تقولها ان فى واحد متقدملى
أكيد ان امها بتفرح
بس المشكلة بقى بعد ما تسأل الأم بنتها :
عرفتيه من فين يا بنت ؟
ترد وتقول : من النت يا أمـي
طبعــا الأم ...
وخصوصا انها لا تفقه أى شىء فى الكمبيوتر
سوى أنه جهاز يلعب عليه الأولاد ...!!!!
تعالــوا نشوف عبير
وهيا بتقول لأمها ان فى عريس
تركت عبير الكمبيوتر التي تقضى عليه معظم وقتها فجأة
وصرخت بصوت عالى
مااااما ..... يا ماماااااااااااااااا .....يا ماماااااااااااااااا
الأم : فيه إيه يابت بالراحة إخواتك نايمين
عبير: معلش يا ماما أصلى فرحانة ....
فرحانة اوي اوي
الأم: خير يا بنتى فرحينى معاكي كدا ربنا يفرح قلبك
عبير: عريس يا ماما عريس
الأم فرحة : يا ألف نهار أبيض يا ألف نهار مبروك
لولولولولولولولولولولولول ولولى
وبعد دقيقتين أحضان وقبلات تذكرت الأم
الأم: ألا قوليلى يابت
عريس مين دة اللي هيتقدملك
وماقلتليش من ساعة ما جيتى من الجامعة ليه ؟
عبير: لأنى لسة عارفة دلوقتى حالا يا ماما
الأم بإستغراب: عارفة دلوقتى حالا؟؟؟؟؟؟
عارفة منين يابت دة انتى لسة قايمة دلوقتي من قدام الكمبورور....
عبير ضاحكة : كمبورور ايه بس يا ست الكل
اسمه كمبيوتر
الأم:مش مهم
المهم عرفتيه ازاى ؟ ومين أصلا العريس دة يعنى جاى منين؟
عبير:من النت يا ماما
ظلت الأم المسكينة تنظر لابنتها باستغراب
وهى تراجع كل ما تعرفه من كلمات
ولم تجد لكلمة النت أثر بينها
فسألت عبير..........
الأم: النت ؟ ودى تبقى فين دى يا بت؟
عبير: فين ازاى يا ماما؟
الأم: يعنى فينها من امبابة الى احنا فيها؟
تركبيلها مترو ولا اتوبيس ولا تأخديها تاكسى
اوعى يابت يكونوا بيروحولها بالقطر؟
عبير ضاحكة : ايه يا ماما اللى انتى بتقوليه دة؟
مترو إيه وقطر إيه!!!! دة النت
الأم: أيوة يا بنتى عرفنا انه الزفت
بس دة موقعه فى انه بلد بالظبط ؟
عبير:فى كل البلاد يا ماما
الأم باستغراب : انتى اتهبلتى يا بت؟
يعنى إيه فى كل البلاد؟
عبير: يا ماما النت دة عبارة عن كمبيوترات كتير
في العالم وفيه معلومات كتير اوى
الأم:معلومات ايه يابت انتى
هو انتى هتتجوزى دايرة المعارف ؟؟؟؟؟؟
عبير:المهم يا ماما ان فى واحد متقدملى عن طريق النت
الأم: ودة اتقدم ازاى يعنى؟؟؟؟؟
عبير: بعتلى إيميل
الأم فى ذهول: ايميل؟
بعتلك إيميل جارنا المسيحى؟
وإزاى يا بت تقبلى تتكلمى مع الى اسمه إيميل ده
وهو مين عشان الزفت بتاعك ده يبعته لينا!!!!!
عبير فى سرها طب افهمها ازاى دى بقىىىى ؟؟؟
عبير:يا ماما اهدى إيميل جارنا مين بس ...!
الأم: مش انتى اللى بتقولى يابت
عبير:إيميل يعنى جواب بس على النت
الأم: برضه هتقوليلي عالزفت
يابنتى أنا مش فاهمة البتاع الى بتتكلمي عليه دة
عبير:النت دة ياماما حاجة فى الكمبيوتر
ممكن نبعت فيها رسائل لناس برة
ونستقبل منهم رسائل برضه دة غير حاجات كتير
الأم:أنا ماليش فى الكلام دة
اللي انا عايزة أعرفه هو مين ومعاه شهادة ولا لأ ؟
واصله ايه وفصله ايه ؟؟
عبير:هو اسمه حسام
وطالب فى هندسة حاسبات و
قاطعتها الأم : طالب؟؟؟؟؟؟؟؟؟؟
عبير: أيوة ياماما بس فى آخر سنة
الأم : بصى أنا ماليش دعوة بالموضوع دا أنا هتصل بأبوكي وهو يتصرف
اتصلى بيه انتى عالموبايل وأنا أكلمه
زمانه عالقهوة
فى الجزء القادم هنشوف ابو عبير لما رد عالموبايل كان رد فعله ازاى؟
انتظرونا
مش هنزل الاجزاء الجاية اللى لما اشوف الردود
ويلكم
حودااااااا
الجامد
موقوف
مصراوي على حق
موقوف
انشاء الله يا علا
ميرسى
موقوف
الجزء الثانى
وفى قهوة المعلم حسنين
رن الموبايل بتاع عم حلاوة العنتبلى الجزار اللى هو ( ابو عبير )
حلاوة العنتبلى وبصوت خشن: أيوة مين ؟
الأم : أنا يا معلم
العنتبلى: عاوزة إيه يا ولية ؟؟؟؟؟
الأم: تعالى يا خويا شوف بنتك جايلها عريس من النت
العنتبلى: بتقولى منين ؟؟؟؟؟؟
الأم: من النت يا حاج
العنتبلى: يعنى إيه ؟ فهمينى
الأم: ياخويا لما أفهم أنا ابقى أفهمك
تعالى انت واسألها بنفسك
العنتبلى: ماشى ... هخلص دور الطاولة دة وهاجى على طول
ثم أغلق الموبايل وأخذ يكلم نفسه
نت....!!!! دة يطلع ايه دة كمان؟؟؟؟
تكونشى الولية مراتى اتهبلت ؟؟؟؟؟
بس هى ناقصة هبل ؟ ماهيا كدا كدا مهبولة من يومها
سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟
فانتبه المعلم حلاوة وقال لعنتبلى: قولى يا زينهم
بما إنك كدا متعلم ومتنور ومعاك تالتة ابتدائى
يطلع إيه النت دة؟؟؟؟؟
طبعا المعلم زينهم اترسم بقى وأخذ وضع فخر وعزة وهو يجيب
وإنت ايه اللي عرفك بالأشكال دى يا معلم ؟؟؟؟
العنتبلى: اهو عرفت وخلاص بقى
زينهم: والله يا معلم حلاوة
أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق
العنتبلى: ااااااااااااه
يعنى زى تليفزيون كدة يعنى
زينهم: لا يا معلم مش زى التليفزيون
وإنما تقدر تقول عليه جرايد بس بتتشاف على الكمبيوتر
العنتبلى: يا دين النبى
معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟
زينهم وقال عامل فيها فكيك بقى :
مش فى فتحات ورا فى الشاشة يا معلم
أكيد بيدخلوا الجرنال منها
العنتبلى:أكيد الناس دى فاضية وموراهاش أى حاجة تعملها
زينهم: هو كدة بالضبط يا معلم
بس ليه دة كله؟
العنتبلى: أصل الولية مراتى بتقولى بنتك جايلها عريس من النت
زينهم: ألف مبروك يا معلم
أكيد تقصد ان متقدملها صحفى!!!!!!!!!
العنتبلى وهو مبسوط: بجد ياد يا زينهم؟
زينهم: طبعا يا معلم
ماهو زى ما قلتلك النت عبارة عن جرايد عالكمبيوتر
يبقى قصدها ان واحد جرنالجى اتقدملها
مبروووك يا معلم
كدة ممكن تعمل دعاية للمحل بتاعك فى الجرنال
وتطلع صورك انت والعجل فى صفحة الحوادث
العنتبلى: طب العب يا وش السعد العب
رمى زينهم الزهر ثم صرخ .......دش
راحت عليك يا معلم
انتظرونا فى الجزء القادم
حودااااااااااااااااا
الجامد
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
