احد مؤسسي الموقع
مهند و حاجات تانيه كده
مهنّد والأرنبة وطابور العيش
وأشيـاء أخـرى
وأ نابتفرج مرة صدفة على الدش شفت لقطة من المسلسل المشهور: نور ومهند
شفت بقى الواد ده قاعد على منصة هوّ وبنتين زي القمر.. وهاتك ياكلام من المدبلج الرخم ده اللى مفيهوش جملة مفيدة أساسا من نوعية
هي: إذن لماذا سوف يكون إذا لم يستطع هذا ولم يكن ومازالوا هناك؟
يرد عليها بغضب: ربما كانت ستظل لعل بينما مازال مابرح ماانفكّ
وتهمس لهما الأخت الثالثة بهدوء: ينبغى أن يكون ذلك أو لا ينبغى فتلك من هذه أو هذان سيان
*******
إيه الدبلجة الرخمة دى؟؟ مفيش أحسن من الكلام الشعبى بتاع المسلسلات بتاعتنا.. قصص زى الفل وكلام زى الورد.. البت حبت الواد واتجوزها عرفى من ورا أهلها ولما حصلت الفحشاء أبوها عرف راح لطشها قلمين والواد اعترف بغلطته واتجوزها رسمى.. بس خلاص.. خلص المسلسل.. من غير لا دبلجة ولا شقلبة
وبعدين أنا ممكن اقتنع ان واحدة تعجب بمسلسل وتتابعه.. إنما الواحدة دى تتطلّق أو تشتم جوزها عشان هوه مش زى اسم النبى حارسه وصاينه مهند؟؟ ليه ان شاء الله؟؟ مهند ده إشعال ذاتى يعنى وجوزها بعين واحدة؟؟ إيه الشلل ده؟؟
وبعدين بيقول لك واحدة اتطلقت من جوزها عشان طلبت منه يجيب لها ورد كل يوم الصبح زى مهند.. أيوة يعنى الراجل يروح يقف فى طابور العيش ولاّ في طابور الورد؟؟ الست دى هتفطر فول ولاّ هتفطر ياسمين؟؟ هتتنيّل على عين أهلها وتعمل لعيالها ساندويتشات للمدرسة ولاّ هتلفّ الساندويتشات فى لفتين تيوليب عطر فرنسى الإيحاء؟؟
*******
محدش يقول ان ردود الأفعال دى مش بتاعة الناس الغلابة وانها من ناس أغنياء.. أنا باقول بقى إن ولا الأغنياء المفروض يعملوا كده.. يعنى مثلا نفترض ان نجيب ساويرس مراته زعلت منه عشان مجبش ليها ورد كل يوم الصبح.. أقطع دراعى إن ما قطع عنها خط المحمول.. ده ممكن يلغى من السوق كروت الشحن ام عشرة جنيه باعتبار انها بتشحن كروت بعشرة يعنى!! هيه الناس دى فاضية؟؟
والحاجة اللى تخنق بقى لما يجيب لك شوية لقطات من قصور وبيوت نضيفة وتبقى كل المشكلة ان البطل جرح إحساس ضافر الصباع الخنصر بتاع رِجل البطلة اليمين.. طيب ما تجيبوا لنا العيشة الفخفخينا دى واحنا هنعمل أحلى شغل
يعنى هوه الراجل المصرى واخدها كيف إنه يطلّع عين مراته مثلا؟؟ مزاجه بيتعدل لما يلطشها قلمين؟؟ لأ طبعا.. ماهو من خنقته طول النهار.. ووقفته فى طابور العيش الصبح وطابور الجمعية الظهر وطابور المواصلات العصر عشان تشريفة سيادة الباشا بتقفل ميدان التحرير وكوبرى أكتوبر وطابور القهوة بالليل عشان القهوة بقت بالحجز دلوقتى.. وعايزينه بعد كده يجيب لها بوكيه ورد كل يوم؟؟
أنا موافق ان برضه الرحمة والود والمحبة لازم تكون موجودة بس مش لدرجة الكلام الفاضى ده.. هاتولنا حاجة نعرف نطبقها يعنى
*******
عاملين زى إعلان (وقفة موزمبيقية) اللى مغرق مصر.. يجيبوا بيت معفن وعيال كتير شحاتين مش لاقيين ياكلوا ويقولوا: نفكر كلنا نشبع كلنا.. ويجيبوا صورة لقصر كبير وترابيزة مليانة أكل فراخ ولحمة وبرضه: نفكر كلنا نشبع كلنا
يعنى هيه المشكلة فى العيّلين الزيادة يعنى.. يعنى هوه الراجل الملياردير صاحب القصر هتفرق معاه لو مراته طلعت أرنبة وجابت له خمسة وستين عيّل؟؟ والراجل الشحات اللى مش لاقى ياكل هتفرق معاه لو مراته ماتت أساسا؟؟ هيفضل ده ملياردير وده شحات
وبعدين المدارس اللى بيجيبوها فى الإعلانات دى مش بتاعتنا.. إعلان البت الصغيرة اللى بتيجى بترسم والأستاذة بتبتسم فى وشها وتشجعها.. مكنش مقرر علينا حضرتك.. إحنا عمرنا مارسمنا أصلا غير أول كل سنة يقولولنا ارسموا حرب أكتوبر.. نفضل نرسم مسدسات وواحد شايل العلم.. فضلت بحمد الله خمس سنين ارسم نفس الراجل وهو شايل العلم على الجبهة لما طلعت روحه وكان هيقلب يهودى .. وكمان كنت بارسم الجيشين اللى بيحاربوا بعض عليهم علم مصر.. يعنى مثلا عبد الناصر بيحارب السادات.. حاجة زى كده
*******
نرجع للمسلسل.. وبعدين بجد المسلسل رخم يعنى بغض النظر عن البطل والبنات اللى معاه.. مش هاتكلم عن السفالة اللى الناس بتقول ان المسلسل مليان بيها عشان أنا مشفتش بصراحة لانى مش متابع إلا الحتة اللى شفتها.. إنما فعلا رخم.. عامل كده زى برنامج هذا المساء بتاع الشاب المتجدد سمير صبرى.. تحس انه بيلزق كده والواحد لازم يغسل إيده بعد ما يتفرج
وبعدين هوّ الحب ان الواحد يجيب لحبيبته ورد كل يوم؟ ولاّ يقعد يبص فى عنيها طول النهار باعتبار انه بيسرح شعره فى عنيها يعنى؟؟
الحب أكبر من كده بكتير
الحب ان حبيبتى تجيب لى قميص جديد فى عيد ميلادى وانى أحوّل لها خمسة جنيه رصيد فى عيد ميلادها
الحب انى دايما أمشى بفلوس مجمدة عشان هيّ اللى تدفع تذكرة المترو
الحب انى دايما اروح الحمّام فى نهاية قعدتنا فى الكافتريا عشان هيه اللى تحاسب
الحب انها تقول لى باحبك.. وساعتها اكون باخلص المستوى التاسع فى لعبة التعبان بتاعة الموبايل
الحب حاجات كتير أعمق من مجرد ورد وكلامفاضى.. افهموها بقى
******
قد تكون اللغه مبتذله لكن لعله يعبر عن مشاعر الكثيرين بطريقه لطيفه
التعديل الأخير تم بواسطة أحمد عمر ; 8 - 10 - 2008 الساعة 06:15 PM
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
نبض الكافيه
مش مهم الدبلجة يا اخ احمد
لان الناس فاهماها
الغريب ان المسلسل ولا بيعني شيء
وباهتمام الناس ليه ومن غير ميحسوا
ساهموا في دعايته
كله واحد لا المدبلج ولا المصري ولا المغربي
معاهم
كلهم تسالي بيضحكوا بيها على عقول الناس
واحنا للاسف متابعين ومواظبين على مشاهدتهم
ده مسلسلات من مهند لسمير صبري
يا قلبي لتحزن
تفاهة ومع ذلك بنشوفهاااا
عاوزين حلول مش كلام
مشكور احمد
شارك معنا فى حمله المقاطعه اليهوديهلما نشرة من صور حبيبنا محمدأشرف الخلق أجمعين
لمشاهده الصورالبحث على جميع مواضيع العضو شمس
الحب أكبر من كده بكتير
الحب ان حبيبتى تجيب لى قميص جديد فى عيد ميلادى وانى أحوّل لها خمسة جنيه رصيد فى عيد ميلادها
الحب انى دايما أمشى بفلوس مجمدة عشان هيّ اللى تدفع تذكرة المترو
الحب انى دايما اروح الحمّام فى نهاية قعدتنا فى الكافتريا عشان هيه اللى تحاسب
الحب انها تقول لى باحبك.. وساعتها اكون باخلص المستوى التاسع فى لعبة التعبان بتاعة الموبايل
الحب حاجات كتير أعمق من مجرد ورد وكلامفاضى.. افهموها بقى
******
ههههههههههههههههههههههههه ه
على فكره انا عمرى ماشفت المسلسل ده
ولا حتى لمحته فى الدش
مع انى سمعت ناس كتير بيتفرجو عليه
حتى الولاد عندى فى المدرسه
بص
الناس بتتفرج وخلاص
اى حد يقول اه ده حلو كله يجرى ويقول اه فعلا ده جميل
زى استار اكاديمى كده
وبااااااااء
انتشر فى البيوت
شكرا ليك
مصراوي على حق
عارفين ياجماعة ايه اللي شد الناس للمسلسل ده بالذات هو طريقة حب مهند لنور حب الراجل للست اللي بجد مجتمعنا مفتقدها فين هتلاقي دلوقت راجل بيحب مراته وبيخاف على مشاعرها اوي لدرجة انه يخاف يجرحها حتى من وراها صعب دلوقت في رجالة مجتمعنا انك تلاقي فيهم كده هو الفكرة مش في مسلسل بعينه او مسلسل نور ومهند اللي بهر الملايين الفكرة في الحب اللي المجتمع مفتقده الحب اللي بجد الحب اللي كل طرف فيه بيعمل حساب لمشاعر التاني ولو حتى مكانش موجود انا مش بدافع عن المسلسل على فكرة انا بحاول اشرح اسباب نجاحه الساحق ده بجد السبب الرئيسي هو افتقاد الحب الحقيقي خصوصا من الرجالة يمكن البنات بيعرفوا شوية يحبوا ودايما بيكونوا رومانسين اكتر انما الرجالة شوية بتاخدهم مشاكل الحياة مبيعرفوش يفصلوا بس ادي كل الموضوع يعني انا لاحظت حاجة ان في ناس كبيرة في السن كانت بتحب اوي المسلسل وبتابعه بشغف خصوصا احوال نور ومهند لكن ليه بقا بجد كنت بفكر فيهم شوية كده اكيد معاشوش كل ده عشان كده بيتابعوه بكل الشغف ده يعني الفكرة مش في بطل هابل البنات كلهم وواكل دماغهم دي بقا اللي اسمها هيافة بجد
وانا بطلب من رجالة المجتمع يحاولوا يحبوا بجد مش شرط وردة كل يوم ولا كل شهر حتى بس حاولوا تحبوا بجد وتحسسوا زوجاتكو انهم مهمين اوي في حياتكو مش مجرد واحدة بتغسل وتكنس وتمسح وتطبخ وتلبس العيال متخليهومش يفتقدوا الحب اوي كده لدرجة انهم يقعدوا يتفرجوا عليه على التلفزيونات من كتر ماهما مفتقدينه اتعلموا من الرسول صلى الله عليه وسلم اد ايه كان بيحب السيدة عائشة وكان بيعاملها ازاي حاولوا تهتموا شوية عشان الحب ميضعيش منكوا في أروقة الحياة الكبيرة
التعديل الأخير تم بواسطة نمنمة المسلمة ; 8 - 10 - 2008 الساعة 08:18 PM
بنت الاسلام
مفيش تعليق لانه لا مهند ولا نور مهمين الاهم نهتم بنفسنا وبدينا اكتر وساعتها رح نكون عيلات مسلمة مليانه حب وناجحة
مصراوي على حق
برافوا بنت الاسلام ده المعنى اللي كنت عاوزة اوصله وانتي حبيبتي لخصتيه في كلمتين مشكورةالمشاركة الأصلية كتبت بواسطة بنت الاسلام
احد مؤسسي الموقع
أهلا (شمس)
بالفعل احنا ساعات بنساعد ف نشر الحاجات دى بالاهتمام الزائد بها
لكل يبقى ان التحذير منها و من ضررها واجب ع كل فرد
و سنتناول الحلول ف مواضيع اخرى ان شاء الله
بوركتى اختى
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
احد مؤسسي الموقع
أهلا (جويل)الحب أكبر من كده بكتير
الحب ان حبيبتى تجيب لى قميص جديد فى عيد ميلادى وانى أحوّل لها خمسة جنيه رصيد فى عيد ميلادها
الحب انى دايما أمشى بفلوس مجمدة عشان هيّ اللى تدفع تذكرة المترو
الحب انى دايما اروح الحمّام فى نهاية قعدتنا فى الكافتريا عشان هيه اللى تحاسب
الحب انها تقول لى باحبك.. وساعتها اكون باخلص المستوى التاسع فى لعبة التعبان بتاعة الموبايل
الحب حاجات كتير أعمق من مجرد ورد وكلامفاضى.. افهموها بقى
******
ههههههههههههههههههههههههه ه
على فكره انا عمرى ماشفت المسلسل ده
ولا حتى لمحته فى الدش
مع انى سمعت ناس كتير بيتفرجو عليه
حتى الولاد عندى فى المدرسه
بص
الناس بتتفرج وخلاص
اى حد يقول اه ده حلو كله يجرى ويقول اه فعلا ده جميل
زى استار اكاديمى كده
وبااااااااء
انتشر فى البيوت
بالفعل قد يكون للاخر تأثير كبير ع اختياراتنا و تحديد اللى نتفرج عليه من اللى ما نتفرج عليه
لكن يتبقى ان التربيه و طبيعه الانسان نفسه و اخلاقه هى التى تحكم ف هذة النقطه
بوركتى أختى
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
احد مؤسسي الموقع
÷هلا (نمنمه)عارفين ياجماعة ايه اللي شد الناس للمسلسل ده بالذات هو طريقة حب مهند لنور حب الراجل للست اللي بجد مجتمعنا مفتقدها فين هتلاقي دلوقت راجل بيحب مراته وبيخاف على مشاعرها اوي لدرجة انه يخاف يجرحها حتى من وراها صعب دلوقت في رجالة مجتمعنا انك تلاقي فيهم كده هو الفكرة مش في مسلسل بعينه او مسلسل نور ومهند اللي بهر الملايين الفكرة في الحب اللي المجتمع مفتقده الحب اللي بجد الحب اللي كل طرف فيه بيعمل حساب لمشاعر التاني ولو حتى مكانش موجود انا مش بدافع عن المسلسل على فكرة انا بحاول اشرح اسباب نجاحه الساحق ده بجد السبب الرئيسي هو افتقاد الحب الحقيقي خصوصا من الرجالة يمكن البنات بيعرفوا شوية يحبوا ودايما بيكونوا رومانسين اكتر انما الرجالة شوية بتاخدهم مشاكل الحياة مبيعرفوش يفصلوا بس ادي كل الموضوع يعني انا لاحظت حاجة ان في ناس كبيرة في السن كانت بتحب اوي المسلسل وبتابعه بشغف خصوصا احوال نور ومهند لكن ليه بقا بجد كنت بفكر فيهم شوية كده اكيد معاشوش كل ده عشان كده بيتابعوه بكل الشغف ده يعني الفكرة مش في بطل هابل البنات كلهم وواكل دماغهم دي بقا اللي اسمها هيافة بجد
وانا بطلب من رجالة المجتمع يحاولوا يحبوا بجد مش شرط وردة كل يوم ولا كل شهر حتى بس حاولوا تحبوا بجد وتحسسوا زوجاتكو انهم مهمين اوي في حياتكو مش مجرد واحدة بتغسل وتكنس وتمسح وتطبخ وتلبس العيال متخليهومش يفتقدوا الحب اوي كده لدرجة انهم يقعدوا يتفرجوا عليه على التلفزيونات من كتر ماهما مفتقدينه اتعلموا من الرسول صلى الله عليه وسلم اد ايه كان بيحب السيدة عائشة وكان بيعاملها ازاي حاولوا تهتموا شوية عشان الحب ميضعيش منكوا في أروقة الحياة الكبيرة
اعتقد انك استطعتى ان تصفى المشكله و ايضا الاسباب و لكن يبقى ان نعرف ان الرجل ليس كالمرأه فالمرأه تميل رومنساتها للخيال بينما يغرق الرجل ف الواقع فالرجل مشاعره ماديه متمثله ف تأمين مستقبل و مصاريف بيت و الاولاد و رغيف خبز بينما المرأه تسبح ف حدائق غناء و جزر و شواطئ ف عالم من الخيال لا يستطيع الرجل مجارتها
و المرأه الصالحه هى التى تقول لزوحها: اتق الله فينا و لا تطعمنا من حرام فانا نصبر ع الجوع و لا نصبر ع نار جهنم
بينما الان نلاحظ ان اغلب النساء او اكثرهن يشتاقون للورد الحمر و خيول سليمان البيض
اعتق الرجوع الى الله هو اقرب و اسلم الحلول
بوركتى أختى
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
احد مؤسسي الموقع
أهلا(بنت الاسلام)
بالفعل قد يعجز اللسان ف اوقات كثيره من التعليق لكثره ما يحويه القلب من شجون
و حل منطقى و انا معاك فيه
بوركتى أختى
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
